كيف اتصرف مع اهمال زوجي

السلام عليكم 

زوجي مهملني من جميع النواحي 
الصرف بالقطاره 
كلام ما يتكلم معي الا ناااادر وفي الضروري 
كل وقته على تويتر 
ما يطلعني من البيت الا مستشفى او بيت اهلي يوم الخميس 
اغراض البيت اطلبهم من البقاله هو ما يجيب شي 
ماله اي علاقه بالعيال كأنه ساكن في فندق 
وامس قهرني قهرررررررر 
 جاني شد عضلي في ظهري ما اقدر اتحرك ، ارسلت له رساله وهو بغرفته لانه ما يبي احد يدخل عليه وهو صايم قلت له ظهري متعبني شكلي ما اقدر اسوي فطور اليوم 
كان الوقت الظهر 
وش تتوقعون سوا!! 
راح يفطر في بيت ابوه عند مرة ابوه !! وتركني 
انا والجدار واحد من غير فطور ، حتى ما قال لي انه بيروح احسبه في الغرفه وتفاجأت ان سيارته موب في الجراج !!!! 
 وش اسوي يا ناس وانا اللي من بدا رمضان وانا كل يوم اسوي له اشكال والوان ما فكر فيني