هذا الحب والا فلا

الملتقى العام

السلام عليكم

هذه القصة عجبتني وقلت انقلها لكم


اخليكم مع القصة والله الله بردود السنعة ترى ماعاد انقلكم شئ اذا ماتفاعلتوا معي>>>> تهدد الاخت خخخخخخخخ


يوم تقدم لطلب يدي من امي ...كنت ورى الباب اسمع الحديث

الخافت بينه وبين امي الي هي خالته اخت امه واغلى خالاته...كان

يحبها بقوة لدرجة اني كنت اشك انه يفضلها على امه!!
كان يحب قربها ..ويانس بحديثها ...ويتمدد في الصالة مع اخواني

..وهو في سن ال 20 ...ويشاهد التلفزيون معهم ..لدرجة ان واحد

من اخواني كان يقوله : ترى مسختها .ذبحتنا بالجوع .صرت تمون

يعني ولا ايش الحكاية !!
يقصد انك حشرت اختنا بغرفتها ولا قادرة تطلع اتسوي غدانا!!
كنت البنت الوحيدة لعائلة مكونة من خمس اخوان وابوي وامي...
ماكان يزعل ولااخواني كانوا يقصدون طرده على العكس كانوا

معتبرينه الاخ السادس لهم...وبينهم اروع علاقة اخوة عرفتها..
ولما صار عمره 25 ..اتوظف ..واتقدم لخطبتي وتم الزواج

بمنتهى الهدوء..
وصار فرد من العائلة ...ابوي كان يحبه ويبتسم لما يشوف جاي

من بعيد ويقول زي السوريين ( هلا بصهري حامي عرضي )
عمره مازعلني ...عمره ماكشر بوجهي ..كان يشوف بعيوني امي

الي يحبها واخواني (رفقاء عمره)..ويقدرني لانه يقدر ابوي الي

استقبله وعامله مثل عياله تمام...وكل مامرت سنة على زواجنا

حسيته يحبني اكثر..كل مااتعمق في اكثر كل مازاد غلاه..انا

مااقول اني كنت ملاك..لكن قلبه راضي عني ومتعته انه يعرفني

اكثر ويحوطني بحبه واهتمامه ..كان يجيب راتبه كله بيده ويقول

اتفضلي....انا وراتبي كلي لك!!...ماكنت اخذه طبعا ..كنت اقول له

انا طفلتك الي ربيتها بيديك...يكفيني اني القى حضنك كل

مااحتجته ..يكفي دمعتي مايوم مسحتها لانك ماعمرك سمحت لها

تنزل اصلا ...كان بيتي ااشبه بقصر..ومطبخي اشبه بحديقة ..

كنت ملكة وسط جاراتي وضيوفي ..لدرجة كانوا يسموني خواته

...وبعض صديقاتي المقربات ( الزوجة المدللة)
وجهه مبتسم دايما ...روحه مرحة...نفسيته سهله بدون

تعقيد...كنت احسه طفل لما يفرح ...ودايما فرحان ..

مبتهج..راضي عن نفسه ...وعني
صار لي 10 سنوات متزوجة...وماعندي خبرة بالحياة تدرون

ليش؟!
ماترك لي فرصة!
كانت حياتي معه هادية ...سعيده ...ماعندي مشاكل ولاامور صعبه

اخرج منها واستفيد وافيد غيري!!...سهل لي امور حياتي لدرجة

اني مااعرف ايش معنى الالم ...ولا افهم مشاكل المتزوجات ولا

اعرف حتى اهون على اي صديقة جاية تشكي من زوجها..لاني

ماجربت اي مشاكل لا مع زوجي ولا مع امي وابوي
حتى ان حياتي اتذكرني بحياة امي السعيدة مع ابوي!!
تدرون اني خلال العشر سنوات كنت باكبر مصيبة ممكن تمر على

اي زوجين لكن عمر زوجي ماحسسني فيها...ولا خلاني اشيل

همها او افكر فيها ...ملا وقتي حب وسعادة وهنا..عمري ماشفته

سرحان يفكر بهالمصيبة ..ولا اتغيرت معاملته لي ولا عمره اذاني

بكلمة او اتهمني اني انا السبب او العيب مني!!
مارزقنا الله باي طفل خلال هالفترة .........!!
عشر سنوات مرت من عمري وانا اتمنى كلمة ماما من طفل

صغير ..لكن عمر هالامنية ماكانت حسرة بقلبي ...كان زوجي

متأهب لاي مشاعر حزينة تتسرب لقلبي اتجاه هالموضوع...ويبل

قلبي زي المطر ويزهر فيه امل وابتسامة .
مرت خمس سنوات اضافية...ومافيه اطفال!!
وانا لسه كاني عروسة بشهر العسل.........
حتى جا اليوم الي ناداني ابوي بغرفته ...ودخلت ولقيت اخواني

عنده...قلت عسى خير!!...ليه بالغرفة ...!!...ليه امي ماهي

معهم!!..اجتماع سري!!
جلست وانا مرتبكة وافكر اكيد ان الموضوع يخص امي عسى

خير يارب!!
قال ابوي : يابنتي ...شبابك راح..وانا ماطمنت عليك لسه؟!
ليه يابوي ويش صار؟!
قال : ابي اشوف بيدك طفل صغير يكبر ويشيلك.!!
قلت : هذا قدر الله - سبحانه وتعالى-
قال: ونعم بالله لكن الامر بيدك !!
قلت: استغفر الله يابوي ...خبري فيك مؤمن!!
قال: يابنتي العاطفة لاتنسيك نفسك!! ترى مايفيدك غير عيالك؟!
قلت: انا راضية وزوجي شايلني بعيونه..وبعدين ويش اسوي يعني

وكيف الامر بيدي..كل المستشفيات هنا وبرى قالوا لي سليمة !!
قالوا : يمكن من زوجك؟!
قلت: هو يقول ان كل شي سليم عنده بعد
قالوا لي : ورّاك ورق او شي يثبت؟!
قلت : لا هو ماعودني ابدا يكذب علي.
قال: هالامور صعب يحكي فيها الرجال..خاصة لو يحب زوجته

ويبي اتكون ملكه؟.
قلت : مستحيل ...عمره مافكر معي بانانية...انتوا اخبر فيه ..

وتدرون كيف يعاملني.
قال واحد من اخواني: هذا البلا!!
قلت : ايش تقصد.
قال : زوجك عبد لك مو بس يحبك!
قلت : وهذا يضايقكم.؟...المفروض تفرحون لي
قال ابوي : يابنتي ...لازم تفكرين بنفسك ومستقبلك المرة مايشيلها

غير عيالها
لازم اتشوفين نفسك مع غيره وانا والله شاك بالموضوع وحاسة

انه منه , وكل هالمدة مابي اجيب لك القلق او اشوش عليك

واخرب عليك حياتك لكن يابنتي زوجك يزيد لين معك ولا يفكر

يتزوج عليك؟!!..مافيه رجال يصبر على زوجته لو ماخلفت حتى

لو كان يحبها!!..لازم يتزوج ويجرب نفسه مع غيرها ..هو بيهتم

بعيال من صلبه اكثر منك!!
قلت : ليه يابوي اتقول كذا!!...ليه اتشككني فيه..ليه تبون

تصدموني فيه؟!!
مستحيل اصدق..ان العيب منه ولا قال لي..وحتى لو قال لي انا

ماراح اتركه..وحتى لو عرفت الان..برضه ماراح اتركه؟؟!...انا

احبه يابوي وهو يحبني بجنون ..معيشني حياة ملايكه ..
قال اخوي: والله لو طلع العيب منه ولا قال لك انه نذل...وماكر!!
قلت : لاتقول عنه كذا ...ماهو بوجهين . ..انا شفت داخله مثل

علنه معي ومع الناس كلهم..لو كان يمكر علي كان لابد يجي يوم

ويعصب علي او يتمشكل معي لكن هذا عمره ماحصل وعمره

ماخلا الابتسامة تفارقني ابدا..
قال : هو يخدرك ..لانه مايبي ينكشف!
نظرت نظرة ذهول ..مين الي يقولون عنه هالكلام؟
زوجي ..حبيبي ..صديقي...!!
لا ماصدق ...حسيتهم بهاللحظة اعدائي ...وهربت منهم ..ورحت

لبيتي وبكيت..وبكيت حتى حسيت اني انعميت من الدموع

والصدمة!!
بهالوقت ..جات على بالي امي!!
وينها؟!
ماشفتها بالغرفة.
ماقالت رايها.
ماوقفت معي ..ولا معهم..وينها .؟!!
اتصلت عالبيت وردت امي...قلت لها وانا ابكي وينك يمه عنهم ليه

ماشفتك؟!انتي مصدقة هالكلام...؟!
قالت يابنتي ..والله انا الي شرت عليهم هالشور ولا قدرت اكلمك

..خفت عليك من الصدمة وهربت من الموقف!
صكيت السماعه وكملت بكى الى ان جا زوجي...ودخل علي وانا

ابكي ..انفجع وركض يضمني ويمسح دموعي ويقول عسى ماشر

ايش فيك ايش هالحاله الي انتي فيها!!
قلت : صحيح انك تكذب علي..انت ماتقدر تخلف؟!
قال : مين قال لك هالكلام.
قلت : مو مهم ...الحين صح الكلام ..هذا او لا؟!
اول مرة اصرخ بوجهه..اول مرة اوجه له اتهام ..وانتظر

تبريراته؟!
قال: صح!!!!!!!!!!!!!!
تدرون ايش سويت؟!ضميته بقوة وحبيت راسه وخده وكتفه ..

واقول ليه ماقلت لي ليه؟
مو عشان اتركك وادور غيرك ..لا...عشان اشيل همك زي

ماشلت همي ...وابين لك ان الاولاد مايغنوني عنك وعن

قربك...!!
صد بوجهه ...يداري دمعته ...ويقول انا عارف انها بتجي

هاللحظة وكان كل همي متى بتجي؟؟!!...وهذي هي...وانا بين

يديك انتظر حكمك ..العيب مني انا ..عقيم...مااخلف...وامي

عرفت هالشي قريب ...وعرفت انه بيوصل امك...وانه

بيوصلك...كان اكبر خطا اني ماعلمتك ولافكرت اعلمك ,,,

اتصدقين!!..ولاتساليني عن السبب لان ماعندي سبب ..مابي اتكلم

فيه...مهما كان حجم خطاي...طنشته...بقوة...وعشت حياتي

معك...وسديت هالفراغ ولاتنكرين!!
قلت لا ماانكر ...وراح اغفر لك صدقني ومايهمني ..طالما انت

سبب سعادتي ..وانا المراة الوحيدة بحياتك...
فرح بهالكلام..وقال يعني عرفت كيف ازرع!!
قلت : ايه زرعت واثمرت بعد!!
ضحكنا ...ونسينا الهم..ورجعنا لحياة الملائكة الي كنا عايشينها

...
لكن اخواني ماسكتوا ..قالوا : اختنا خبلة ..وهو يضحك عليها

ويسلب شبابها..
وبدات المقاطعه!!
يقولوا لزوجي : انت طحت من عيننا!!..انت رجل نذل!!
وبداو يوتروا حياتنا..ويبعثوا الاكتئاب لزوجي ..وتاثرت حياتنا

...وتسرب الحزن لقلب زوجي...وصار انسان هادي...عبوس...
وجا اليوم الي اختفى زوجي يوم كامل....وترك لي ورقة ..يقول

انسيني هذا طلب اخوانك وابوك يقولوا لاتضحك عليها وتخدرها

بحبك المزيف خل البنت اتشوف شبابها.
اغمى علي...وجلست بالمستشفى يومين وفقت بعدها ابحث عنه

مالقيته قالوا : زوجك ماعاد هو زوجك ارسل لك ورقة طلاقك ..

وسافر!!
غاب شهر...وانا اسال عنه اهله واصحابه ماله حس.
مارسوا معي اهلي كل انواع الضغط..والاقناع ...وحكوا لي

حكايات كثيرة عن الوحدة في سن الشيخوخة ..وكيف ان المراة

بدون عيال مثل الصحراء القاحله!!
قلت اكيد هذا فلم سينمائي او حلم لسه مافقت منه.
كلمت امي قلت لها لو مارجعت لي زوجي انا بانتحر..صرخت

باعلى صوت باسمه بالمستشفى...سبيت بلا وعي ابوي وامي

واخواني..قلت انكم اكيد سجانيين او جلادين..او ماانتم اهلي الي

اعرفهم!!
مر شهرين وثلاثة وحالي كل مالها تدهور زيادة ...وانا مصرة

على موقفي ..ابغي زوجي..ابغي حياتي ..وروحي..ابغى الانسان

الي علمني معنى السعادة ....
وقدام هالحب الشامخ...لقيت زوجي قدامي ...يحضني بقوة يقول

يعني ماتبين فراقي..!!...قلت افارق الكون كله الا نت..ورجع لي

زوجي رغم انف كل الي يحبوني ...والاطفال سعادة صح..لكن انا

ضمنت السعادة خلاص بقربه.
ورضيت بقسمتي...وعارفه ان اي واحده فيكم تتمنى انها اتعيش

هالحياة الي انا عايشتها مع حبيبي ........لكن مع اطفال..وانا

اقول معكم حق ..لكن الحياة لاتعطي السعادة الا بقطارة ...ايش

الي يضمني ان تعاستي ماتكون على يد عيالي؟!!
او ابو عيالي؟!
انا رضيت فيه زوج بالدنيا وادعو الله انه يكون معي بالاخرة بعد

ويكون يومنا واحد عشان مايتركني للحياة الي شال عني مشاكلها

..وفرش لي بساط الحب والسعادة...
14
1K

يلزم عليك تسجيل الدخول أولًا لكتابة تعليق.

تسجيل دخول

السعادة لي
السعادة لي
ماحد رد
اسالوا دمي عن غلا امي
عسا ربي يديم عليهم السعاده لنهايه
طيوبه وقلبي ابيض
يشرفني اكون ثاني وحده ارد تسلمي ومشكووووووره على النقل
القصه حلوه واحلا مافيها القناعه والحب الموجود
ربي يحفظهم ويرزقهم الذريه الصالحه
انه على كل شي قدير
بوتيك جلنار السيالي
الف شكر
السعادة لي
السعادة لي
مشكورات حبيباتي على المرور