فسروا مايحدث مع عبايتي الجميله😘😘😘😘

بدون مقدمات انا بتكلم عن حجابي

انا عبايتي على الراس واغطي وجهي يعني
مايبان مني شي ويديني ورجولي عزكم الله

المهم بالاونه الاخيره صار لي مواقف مع عباية 
الراس مع اني من زماااان البسها 


الموقف الاول وصار الاسبوع الماضي
مره دخلت محل مكياج واكسسوار واخترت كذا شغله
المهم رحت احاسب قالت لي البائعه تعرفين وش مكتوب 
عليها تقصد السعر ع بالها حرمه كبيره وما اعرف اقرأ
انا رفعت نقابي وصار شكلي😳قلت ايه اعرف حاسبي!!


والموقف الثاني دخلت محل ملابس واخترت لبس وطلبت
البائع لون محدد وجاء وقال خذي ياماما😱

الموقف الثالث 
ومره دخلت قسم ملابس داخليه وقالت لي البائعه
 تفضلي ياخاله/ انا ع طووول ضحكت  
المشكله انها حرمه كبيره بعمر امي

الموقف الرابع 
مره دخلت محل عبايات وطلبت عبايه ع الراس
وماكان متوفر بالمحل الا تفصيل وضحكت البائعه
 من اصراري ع طلبي وعرضت عليه عبايات اخرى 
لكني رفضت واعطيتها مقاس وفصلتها 

بصراحه انا جدااا مرتاحه فيها ولا افكر اغيرها 
ابداااا  وهذا اهم شي 
لكن مايحزنني نظرة البعض للعباءه انها تخص فئه دون اخرى

المقصد من موضوعي هل عبايه الراس بنظركم مايلبسها 
الا الحريم الكبار؟؟؟

وما رايكم بالمواقف السابقه؟؟؟؟