كوبونات الراقية تسجيل الدخول

غلا بنت خالد

..«®°·.¸.•° الجــزء العــشرون في عضوة في المطــبخ..السنعه غلا بنت خــالد ..«®°·.¸.•°

اطباق عالم حواء •

الســلام عليكم ورحمة الله وبركــاته ..

:icon35:

بادي ذي بدء >>طسي ونزلي وفكيهم من لغتكـ اللي تبي تنكبهم :icon31:

وش اسمه ..
اول شئ..
انا تعمدت أتــاخر بالتنزيل >>والله من النصب اللي عندكـ :icon19:

شوفوا نجي للجد ..
عمتنا تخبرونها هذيكـ ماغيرها ..
دقت علي ..وقالت ..عنااد عنااد أبجيكم هالاسبوع كله ..عشان ماتفضين لبناات حواء ..
شفتوا يابناات الظلم بعينه وعلمه ..
آه ياشين مرت الولد لاصارت حليله ..وكلها ملح وقبله >>طسي تكفين من مدح العروس نفسها :icon20:
ومير ماقدرت اطبخ لكم ..
قلت يابنت الحلال ..وش فيها اذا نزلتي نواشف ..يالله لكـ الحمد ..
غيركـ مهوب محصلها ..
خليهن يعرفن النعمه اللي ماعرفنا قيماتها ..الله لايحرمنا من فضله ..
عشان تسذا قررت انا غلوو بنت خلوود >>عسى ماشر تمطين بااسمكـ أبوكـ

ايه قررت أني أنزل اللي اعرف اطبخه ..
عاد وحدتن تضحكـ منا والا منا ..
ترى يبي يجيها ماجاء ((راعيــه الـــبل ))..أسألوها وش جاها من المدح ..
هقوتي ان البنت اللي متقطعه من زوده :icon19:

وديم ..مانيب قايلتن لها يمكن مادرت بالتهديد ..والوعيد اللي جاء قبلها ..
وعشان هذا وذاكـ >>اعرفوا انها ماهيب لم قلم ولا مسطره
قررت أعفو عنها ..
وقررت أني مااختــار احد بعدي احد ..واني اختم هالمشاركات وتكون خاتمتها خير دامها على يدي :icon31:

عاد اللي تحس من نفسها انه عندها القدره تطبخ ..ترشح روحها ..
لان الاخت بنت المملكــه رشحت روحها ..>>مااحد قالتس تحكين في موضوعي هذاكـ:tongue3:
فرشحوا ارواحكم لان الانتخابات على الابــواب ..
وانا اللي راح افرز الاصوات ..او راح تتوهقون من راعيه البل :icon31:تراها قايلتن لي حطي جح على انه
حلا عشاء مااحد دراي ..هاوشوها >>>راعبه البل ..مو قلتي تبين هديه هذي هديتكـ:cool:

نجي لزبــده الحكي ..
الاطبـاق التحــف تبعووني ..
واحد تن تـقول شئ ياويله ياسواد ليله ..
:S_45:

...
150
14K

يلزم عليك تسجيل الدخول أولًا لكتابة تعليق.

تسجيل دخول

غلا بنت خالد
غلا بنت خالد •
1- الطبق الرئيسـي ..االرز ..

نحمس شوي بصل مقطع شرايح طويليه رفيعه ..لين نحس انه ذبل
>>لازم تشغلون الاحساس حتى بالطبخ :icon20:
وبعد مايذبل نضيف له جزره مبشوره ..وطماطم مقطعه ضغار .
ونحركهن لين يذبلن ..بعدين نحط عليه الدجاج ..
ونخليه شوي لين تنزل مويه الدجاج ..
ونضيف البهارات اللي تبغين والملح لا مو اللحين ..
لما تشوفين انه بدأ يشرب مويه الدجاج زيدي عليه مويه لين يغطي الدجاجه ..
وخليه يطبخ ..تقريبا نص سااعه ..
وبعدها اضيفي الملح والماجي ..
وبعدين طلعي الدجاجه ..وحطي الرز اللي راح يكون منقوع من قبل
ورزنا (ابو سنبلتين او الطائي )..
وخليه يطبخ مع المويه وذوقي الملحه ..
واذا طلع اقصد خلصت موويته مااااااره قصري له ..
ونجي للدجاجه ..
نحطها بصينيه ونجهز لها الخلطه (كتشب _معجون طماطم _شوي كركم _شوي خل _وشوي سمااق )
ونحركه بعدين نصبه على الدجاج ..وحطه بالفرن ..لين يتحمر ..
وعند التقديم زيني الرز بالمكسرات (الكــاجو واللوز )يحمسن على النار ..
بعدين يكون مكرونه مسلوقه بملح فقط ..
والبقدونس للوجه ..
وفوقهن الدجاجه ..عاد انا من الخبه حست الدنيـا ..عاد كيفنا غدانا وحنا حرين بووه :icon20:
وهذي صورته ..






..
الطبق الثاني :
الشوربه ..
نضع روبيا مع قليل من الماء يطبخ ..
وبعدين لما نحس انه بدأ يشرب المويه هذي نضيف له الماء زيااده ..
ونضيف الملح والماجي والبهارات ..
وولما يبدأ يغلي نضيف له الخضار _البطاطس شرايح _جزر شرايح _قرنبيط _كوسا شرايح )
وخليه يطبخ لين تستوي الخضار ..
ولما تجين تقدمينه حطي بصحن التقديم بقدونس وبصل اخضر عشان يعطي طعم ..
وترى لوونه يكون حلوو ..وطعمه وربي يهبل ..
تقدرين بدال الربيان تستخدمين صدور دجاج تحميسنها لين يبدأ يتغير لونها ..
وبنفس الطريقه ..
ترى الصورة ظالمته وربي ..



...

قولوا بسم الله عليتس من العين >>تنرحم ترى : )
غلا بنت خالد
غلا بنت خالد •
المرقوق السريع ..

اذا كنتي مستعجله .زاو صحيتي مثلا وحسيتي ان الدنيا برد وودكـ تسوين مرقوق ..
ولا يمديكت تسوين العجينه ..
فيه حل ثااني وسريع وبنفس الطعم بعد ولااحد ينتبه ..
الطريقه :
احمسي بصل ولحم ومعجون الطماط ..وبعدها اضيفي الماء واملحي وبهري ..
لين يبدأ يستوي اللحم شوي ..
بعدين قطعي الخضار (الجزر والكوسا )..
وحكي عليه ..
وبعدين جيبي الــسر وهو (قرصان السمبوسه البــر )وقطعيه على المرقه ..
وحركي ..وفككيه وقطعي وحركي ..
وبعدين خليه تقريبا ربع سااعه على نار مو هادئه لا يعني شوي نرفوعه وحركيه ..
وبعدها قصري له تقريبا نص سااعه ..وقدميه ..وشوفي احد يبي ينتبه انه قرصان او لا ..
ومثل القرصان مثل الخبر المفرود البــر نفس الشئ ..

وهذي صورة مرقوقي ..




..

الكــريب ..
الطريقه : كوب طحين ..كوب حليب ..2 بيضه مع بعض ..
ثم تخمر نص ساعه ..
وبعدها ابدئ التشكيل ..اما بالتيفال او بآاله البان كيكـ اسرع ..
وعلى حسب رغبتكـ تفضلينها بمقاس كبير او صغار ..
انا سويت الشكلين ..
والحشوة للرول كانت (بطاطس مسلوق وجزر مسلوق ..يحمس مع بعض ثم يضاف له الدجاج المقطع صغار ..
والملح والماجي ..ويحركـ ..)
وحشوة الصينيه الكبيره كانت نفسها ..لكن طبقه من الحشوة وفوقها جبن شرايح ..وزعتر ..
ثم طبقه كريب وفوقها شوي جبن موزريلا ..ودخلته الفرن بس يتحمر على خفيف ..وزينته بالبقدونس ..





....

انتبهن يابناات لاتنسلطن بس :35:
غلا بنت خالد
غلا بنت خالد •
الفطائر ..

العجبنه اللي تريحكـ ..
انا اسوي العشر دقايق المعروفه ..
لكن بعد مااضيف لها الزيت والطحين اخليها تخمر بعد عشر دقايق ..
تصير هشه صدق ..
سويت منها اقمااع ..مناقيش ..قوالب بالجبن ..مطبـق بعجينه السمبوسه ..
وسيت منه فطائر حلزونيـه مثل السينبون ..شكلها حلو وربي غريبه ..
بس عاد هذي بصوره لحالها وضاعت : (



..


..

الحمــص >>والله حره كيفي اسوي اللي ابغى :angry2:

احط بالخلاط (الحمص الجاهز المسلوق _وملعقتين طحينـه سائله _ثوم _ملعقه خل _وبقدونس )
وخليه يخلط ويخلط ..
احيانا خالي الحمص اخضر من كثر البقدونس ..صار يصير حلو غريب ..
ورشي عليه سمااق والحمدلله ..



...

البان كيكـ ..
حلو وسريع جدا جدا ..
اهم شئ تكون الالــه او التيفال حاار عشان ماتخرب عليكـ ..
ويصلح للفطور راايق ..اوي اوي ..

1 كوب دقيق .. 1 كوب حليب سائل .. 1 ونص اصبع زبده ..
بيضه ..ملعقه بيكنج باودر ..ملعقتين سكر ..ملعقه قرفـه ..
تخلط المواد الجافه ثم المواد السائله ..

ونصبها على آلـه البان كيكـ ..او صينيه تيفال ..
على الحجم اللي تبين ..

وبعدين زينه بالشكل اللي تبين ..وحليه بالعسل ..
وهذي الصور ..





...
غلا بنت خالد
غلا بنت خالد •
مــلوخيه ..
ماادري انا شفت بالمنتدى البعض يشتكي ماتنجح معه
وانا مثلكم ..بس الحمدلله صارت تنجح ..
الطريقه ..
قطعي اوراق الملوخيه ونقعيها بالماء لين ينزل التراب ..

وحطي بالخلاط ..طماطه صغيره _بصله صغيره _فص ثوم صغير _وملح وبهارات ..
وبعدين حطي الملوخيه بعد ماتصفينها من المويه ..
وصبي على الخاط مويه ..حاولي مايكون كثير..
يعني بس يغطي الملوخيه بشوي بس..
ولا تشغلين عليها النار لين التقديم ..
لان اللي يخرب الملوخيه هو كثر طبخها على النار ..
خليها تغلي غليه وحده بس..
بوعدها صبيها بصحون التقديم ..
طبعا اللي يحبها ثقيله ..وتختلف الاذواق ..



..

الكــريمه ..

نص كاسه سكر محروق ..وصبيه في قاع الصينيه ..
وعلى قدر في النار خمس كاسات حليب سايل ..لين يغلي ..
وحطي بقدر ثااني 3 ظروف كريمه ..وعلبه قشطه _3 بيضات _فانيليا ..
ومن الحيب المغلي خذي كاس وصبيه عليهن واخلطي ..
وبعدها اضيفيه للحليب اللي على النار ..
ليش سوينا كذا ؟؟!!
عشان مايصير عندكـ كتل وقطع تخرب الشكل ..
وحركيه لين يبدأ بالغلي ..
ثم صبيه على الصينيه ودخليه الثلاجه لين يبرد ويتماسكـ ..
واقلبيه بصحن التقديم ..



...
غلا بنت خالد
غلا بنت خالد •
حلا قهــوه ..

3 بيضات ..فانيليا ..بالخلاط ..
بعدها نضيف كاس السكر ..ونخلط ..ثم ثلث كاس زيت ..ونخلط ..
ثم علبه الزبادي ..ونخلطه ..
ثم نجهز بالعجانه (1 ونصف كاس طحين _وملعتين بيكنج باودر )
ثم نصب عليه الخليط ونحركه ..بجهه واحده حتى لايخرج الهواء ..
ونصبه بالصينيه ..
مانصب كل الخيط لا ..نصب النصف وبعدين نرش عليه (عين الجمل المطحون خشن ..والكاجو ..وجوز الهند ..والقرفه .)
يعتبر كطبقه ثاانيه يعني ..
بعدين صبي باق الخليط عليه ..
ورشي الوجه بباقي خليط المكسرات ..
وخليه الفرن ..اللي نكون مشغلين عليه من اول ..
ونخليه لين يزين من تحت ثم من اعلى ..
ولما يخلص..
لكـ الخيار ..
1- اذا تبيغين تقدمين على وجه المكسرات صبي عليه فقط _سكر بودره مع حليب سايل تصير بشكل كريمي )
ونزينه بالهيرشي ..
2- او تقدمين على الوجه الثاني ..وتصبين عليه الحليب المركز والهيرشي ..
عاد مره سويت الاولى ..وسويت الثانيه ..
وصورة لكم الثانيه ..



..


..
حلى القهوه برضه ..
حلا سريع ..بالباف بستري ..
خذي لي باف بستري وقطعيه طولي ..ورشيها بالقرفه والسكر ..
وبعدين لفيها بشكل حلزوني ..
ودخليها الفرن ..تتحمر من فوق وتحت ..
وحليها بالحليب المركز والهيرشي ..




..