وين القى حنيني طعمه حلوو بالقصيم ؟ مين تعرف

يا حلوه أنت سويه ولا ابسط منه وخذي الطريقة حنيني قصيمي روعة وسهل يالله خليك معاى
بسم الله الرحمن الرحيم
جيبي 2كيس بر مفرود من هرفي أو اي مخبز ثاني بس بر مافيه نخالة وانقعي الخبز في ماء حار شوي يدوب يغطي الخبزه يعني قلبيها مرتين وشيليها بسرعه عشان ما تتقطع معك بس لا تربص بالمويه يعني انقعي وغيري الماء أذا دفا في ماء حار مره ثاني واطحنيه بمفرمه اللحم مرتين
جيبي تمر معبوط ويفضل السكر والخلاص وافرميه مع الخبز بالمفرمه بالتناوب مره خبز ومره تمر وبدين حطي زيت في صينية واعجنيها مع بعض لين يتكون عندك كوره تلمع بحجم كوره القدم الوسط او اكبر شوي أنت ذوقي أذا حالي زيدي الخبز واذا قليل الحلى زيدي تمر بس لازم نحط زيت عشان يسهل العجن ويختلط مع بعض جيدا يعني يصير لون واحد والزيت عشان ما يلصق في الصينية و بعطيه لمعه
وعند التقديم سخنية بالميكرويف وحطيه بالحافظه وصبي عليه الزبد السايح وكليه مع الليمون
أو على جمر نضع زبد صينيه ونضع الحنيني فيها ونضغط عليه باليد ويصب عليها الزبد ويقلب ويعصر عليه ليمون
حبيبتي الذ وأنظف لك وشمري عن أيدياتك واشتغلي وأفخري بشغلك وطريقة سهله ولذيذه ويطلع الحنيني على اصوله

اختي الصبار مشكووووره ماقصرتي انا عارفه طريقة الحنيني .. مثل ماقلتي واذكر اهلي يحشون الخبزه تمر ويطحنونها بفرامة اللحم... والخبز الثخين البر...
بس تدرين وش مشكلتي ان ماعندي فرامة لحم ...

مادري فيه بديل لها ... ومشكوره

ممكن بالخلاط البراون اللي فتحتها كبيرة مو البلندر لا اللي نخلط فيها العجينه تنفع أنا احيانا اسويها ونفس النتيجة أذا عند الخلاط
حتى اهلي يسونه بالبر الكبير اللي من الخباز بس المفرود اسهل ومتوفردائما ونفس النتيجة