طيب قوليلي يا روشانا اجيبها منين التوبر وير اللنش بوكس؟؟؟؟ يعني ممكن الأقيها فين..و لا لازم برده اكون عارفة حد مشترك معاهم يجيبهالي؟؟و هي اسعارها بتكون في حدود كام كده؟؟؟؟
و لو رحت مثلا الفيومي...او مركاتو ممكن الأقيها؟؟؟

ام كريم متشكرة قوي علي اهتمامك...انا هستحمل و اصبر و اتابع معاه وحده وحده..وربنا هو الحافظ...بس انا بقالي كده يومين مودتش عبد الرحمن الحضانة عشان كان سخن وعنده احتقان في الزور فخليته عند جدته ..و انا اجازة جمعة و سبت هخلي بالي منه و اشوف طلاباته..و ***** الله يوم الاحد هبتدي معاه لما يكون خف و اوديه الحضانة تاني ان شاء الله....و لا انت ايه رأيك؟؟

بنات بس حبيت اضيف
لو عندك مشكله تخص ابنك فى حاجة
سواء نفسيه او عضويه

فيه رقم خدمة بامبرز
08007777777

ده رقم مجانى
و الدكاتره زى الدكتور محمد رفعت كده
خبره فى نفسية الطفل
و طبعا الحاجات المرضيه

و انا دكتورى ممكن ملقيش عنده خلق اكلمه عن الغيره او اى موضوع صغير
بس هما بيهتموا و بيجاوبوا كويس
و الرقم بيشتغل من 9 الصبح ل 9 بالليل
و كمان الدكاتره الصبح غير بالليل
ممكن تتصلى الصبح
و ممكن تتصلى بعدها بالليل
تاخدى رايين احسن من راى واحد
وارجوا انى اكون افدتكم

انا بتعامل معاهم من 3 سنين

اميرة
توبر وير لازم من عضو وبيبيعها فى الغالب بسعر الكتالوج لو عايزة اجيبهالك بالخصم
هى ب 70 والشهر ده نازل عليها عرض ب 50 تقريبا لو عايزاها اتأكدلك بالظبط بكام بعد الخصم

السلام عليكم
دموع التائبة ..بنتى الحمد لله أحسن ومعلش مشاغل الواحد بتكتر لما الاطفال بتزيد (اللى يسمع كده يقول أكثر من 2 بس فيهم واحد بعشرة ربنا يهديه)
أبلة DON ..أزي حضرتك إن شاء الله تكونى بخير .
بنات معلش أنا حتعبكم عايزه رد سريع أنهارده عايزه أسماء وأماكن محلات ملابس الاطفال الموجودة قرب الهرم تكون خامتها حلوة وأسعارها كذلك ..يعنى شعبان ده فين فى الهرم بالضبط وباقى المحلات اللى تعرفوها لأن الملف كبير والوقت ضيق .
أختكم هبهوبة