جزاكن ربي الجنه اخواتي ماقصرتو

يالبى الصعنونات الله يخليلك بنتك يارب

شوفي يا قلبي
أول شي تشرحين له عن الدوره شرح تستوعبه و لازم تكون مركزه معك
بعدين تشرحين لها كيف تستخدم الأولويز و كم مره تغير و طريقة النظافه و طريقة
التخلص من الأولويز سواء كانت بالبيت أو بالمدرسه أو بأي مكان و تحرصينها
على أنه ما تخلي لها أثر في سلة المهملات .. يعني تغطيها زين ..
برضو بدايه من العام الجديد جهزي لها كلوت و حبتين أولويز ومناديل و خليها بشنطتها
على طول حتى لو فاجئتها و نزلت بالمدرسه ما تتوتر البنت و ترتبك تكون عدتها معها
وتريح بالها ....
بخصوص التعرق آنا أخليها تستخدم MUM والحمدلله مرتاحه معه لا ريحه و لا سواد ..
ولازم تشوفين النوع ألي يناسب بشرتها يعني جربي نوع مانفع جربي الثاني لين
توصلين للي يناسبها .. ألي يناسب غيرها ممكن مايناسبها وكل بشره تختلف عن الثانيه ..

بخصوص الحبوب هذي طبيعيه بهالمرحله تنتشر الحبوب بالوجه بالجبهه خاصه
و بالظهر وهنا لازم تنصحينها ما تتعبث بالحبوب نهائي و لا تلمسها حتى ما تكثر ..

نصيحه أبتعدي عن الغسولات و المواد هذي لأنه بدري عليها بس تعدي مرحلة البلوغ
بترجع بشرتها لطبيعتها بإذن الله
عن نفسي أحرص حرص تام من تجي بنتي من المدرسه طوالي كل ملابسها بسلة الغسيل
و تتحمم يوميا لازززززم وما آتهاون فيه بمرحلة البلوغ و بالنسبه للشعر
في منطقة الأبط أو المنطقه الحساسه أستخدم براون ..
و بعد ما تتحمم أنصحيها تجفف شعرها حتى مايضرها التكييف ..
و بخصوص الكريم المرطب للوجه واليدين والجسم عامه أنصحك بكريم أسمه QV
مره ممتاز ونصحني فيه طبيب جلديه خالي من العطور ومن المواد الكيماويه
ومن الكحول ومن كل شي ممكن يضر البشره بصراحه ممتاز
ولا تخافين كل البهتان و الشحوب و الحبوب ألي بتصيب البشره فترة البلوغ
راح تختفي بإذن الله

جزاكم الله الف خير ع الموضوع أحب اضيف لكم وصفة الشبه مع المسك وبودرة الأطفال من بيبي جونسون تخلط مع بعض وتستخدم مزيل للعرق بعد الاستحمام جميله جداً

إي والله يابنات


انا عندي اختي حياتي عليها بلغت واهي بخامس إبتدائي


الحمدالله ماما فهمتها عنها ومشي الحال


انا ابي الحين الاهتمااام ايش تستخدم كريمات ترطيب عنايه


رايحه الحين اهي المتوسطه