فيني شي غريب هل فيه احد يصير معه ذالشي

السلام عليكم ورحمة الله وبركاته
بنات من يوم كنت صغيره الاحساس فجسمي وبذات فرجولي جدا قوي يعني اذا مشيت على مكان ماهو بنضيف حتى لو ما كنت ادري احس رجولي يصير فيها زي القشعريره وما اقدر اوقف فنفس المكان
او اجلس فيه لدرجة اني صرت اعرف المكان اذا نضيف او لا من الاحساس المواقف الي صارت لي كثير اذكر لكم منها ثنين
مره رحنا لجيرانا وهم دوبهم ساكنين وجلس على الكنبه ورجولي على الموكيت وعلى طول صار فاقدامي قشعريره وما قدرت اثبتها فمكانها ومره تظايقت وسويت نفسي باخذ منديل وغيرت مكاني ومع السوالف سالت الام بنتها انتي نظفتي الفرشه من هنا البارح بعد ما بال عليها ولد فلانه قالت البنت لا نسيت وقامت تنضف
والموقف الثاني خالتي الله يرحمها عندها استراحه ويتجمعون فيها عيالها وبناتها واحفادها كثير وصغار المهم بعد ما تعبت قالت ببيع الاستراحه وبطلع وبرمي الموكيت ماعد احتاجه مع انه ما صارله ست شهور من يوم شرته وقالت لها امي عطينياه احطه فالجلسه الي عندي فالحوش وقامت نادت الشغالات وقالت اغسلوه وادوه لستراحة اختي المهم ودوه وفرشوه على الدكه وبعد كم يوم جيت واول ما وقفت على الفرشه جت فاقدامي القشعريره وماقدرت اوقف فمكاني ونزلت وقلت لامي الفرشه ماهي بنضيفه قالت الا نضيفه خالتك قبل تجيبها خلت الشغالات يغسلونها وجيت بجلس مره ثانيه وما قدرت على طول رجولي تحسست وقلت والله ماهي نضيفه ودقت امي على خالتي قالت اسألي الشغالات غسلن الفرشه قبل يجيبونها وسالتهن وقالن لا وقالت خالتي سامحيني الصغار ينامون ويلعبون طول الوقت عليها واكيد انها توسخت منهم بالحيل
يعني انا صرت اعرف الشي لذا نضيف او لاء من الاحساس والله اني خايفه ومستغربه مع العلم ان ذالحاله معي من وانا صغيره