dalia.dream :

تصدقين يا ما حلمت بالوظيفة وأنا طولت شوي ما تخرجت من الجامعة بسبب ظروف خاصة وأول ما تخرجت كنت فاكرة إني أطلع من باب الجامعة وأدخل من باب الوظيفة لأن تخصصي مميز وحلو وجلست 3 سنوات لحد ما توظفت وأخيرا اشتغلت في وظيفة حكومية غير التدريس ولي الآن تقريبا شهرين موظفة واستلمت أول راتب ومو قادرة أسحب منه .... لأني تعبت عشان أحصل عليه مو زي لما أحد يصرف عليكي ما تحسي بقيمة الريال الا لما يكون من تعبك وإنتي عزيزتي عشر سنوات وإنتي ... المهم ما تتألمي كفاية انك تعلمتي درس وصحيتي .... أنا والله مصاريفي الشخصية قليلة و زوجي يصرف على ناس ثانية بس يعطيني مبلغ كويس طبعا المبلغ صار أقل بعد ما توظفت بس والله يادوب أسدد فيه فاتورة جوالي مع شوية مصاريف شخصية وللأسف قرب يخلص ... حتى محتاجة لمبلغ معين فكرت آخذ فيزا أو ماستر كارد بس أسمع شي يخوف عنها وما أبغى أدخل في معمعة الديون لأن مافيها خير ولا بركة وقررت أجمع من راتبي أفضل 3 رواتب وأخلص من هذا الموضوع والصبر أفضل من السلف .... أنا مشكلتي الاتصالات الدولية لأن أغلب أهلي عايشين في مدينة ثانية وفي منهم خارج السعودية واللي في السعودية ليهم بيت ثاني في الكويت وصاحبتي المقربة في دولة ثانية والله ندمت أشد الندم كم مرة كانو يفصلو جوالي ... لقد تجاوزت حدك الإئتماني .... وكان عندي فاتورة مفصولة من قبل ... عارفين ايش عملت من القهر ... رحت أخذت الشرائح المفصولة عشان لسة ما سددت فواتيرها و حطيتها في الخزنة وقفلتها عليها برقم سري وقررت لما يتحسن وضعي المادي اسددها كلها وألغي نهائيا وحدة منها وأخلي جوال خط فاتورة واحد وطبعا ألغي الصفر الدولي ولا شريحتي stc مافيها صفر دولي الحمد لله .... الله يسامح موبايلي كم مرة حاولت الغي الصفر الدولي واتصل عليهم ويقولو ما يلغى ... طبعا شايفين أغلب مكالماتي دولية كيف يلغوها .... عميلة مميزة بس راح يخسروها قريب .... المهم حاليا عندي خط شحن كل يومين أشحنه بمبلغ بسيط وقللت مكالماتي الدولية وقريب راح أحط برنامج تحديد مدة المكالمة

تصدقين يا ما حلمت بالوظيفة وأنا طولت شوي ما تخرجت من الجامعة بسبب ظروف خاصة وأول ما تخرجت كنت...