حلوه الفكره
اشوف كثير بنات يدورون أفكار جديده ومطلوبه
خاصه اذا بتزودينهم بالافكار..
انا أشجعك وبقوه...
بالتوفيق

انا معك ولو انه مافهمت ايش بالضبط عموما انا ساكنه بنفس المنطقه

أهلين بنات سامحوني ما أقدر أرسل رسايل خاصة بس جمعت لكم المسموح في المشروع والطريقة الغير تقليدية فيه طبعا بداية
المشروع رخصته تحمل اسم بوتيك نسائي!
أعرف تقولون معروفة لكن الي ماهو معروف إن البوتيك الآن مسموح فيه لكاااافة النشاطات النسائية الي كانت حكر على المراكز الطبية أو خاصة بالمشاغل
الي حبيته بالمشروع إن المشروع بمثابة مكان للام والطفل والمراهقة
المسموح به كثير جدا تحت اسم بوتيك نسائي لكن في رأيي مايكون المركز مكلف للام ماديا لأنها تبي ترتاح هي وأولادها وبناتها معزولة عنهم آمنة عليهم تاخذ راحتها وفي أي وقت ماتفكر بالتكلفة أو الوقت
نسيت أقول أقل مساحة للمشروع 400متر مقسم لأركان أو غرف
1- ركن ضيافة أطفال : طبعا ماراح يكون خاضع لشروط الوزارة المكلفة يعني لو وحدة استأجرت الركن وحولته للفكرة الي تبيها بحسب ميزانيتها حتربح ركن ألعاب الرمل والشاطئ أو تلوين ورسم فقط أو أرضية قفز وتسلق وهذي رخيصة وموجودة بمحلات فناتير كبيرة وممتعة وغير مكلفة فقط 1500 وماشابه
الاشتراك بالساعة أو اليوم إنتي حرة حسب حاجتك للمال بشرط ان تكون الساعة ماتزيد عن 15 ريال فقط لأنا قلنا غير مكلف أبدا وأنصحك ب10 فقط
والي حابة حضانة رضع من يوم حتى 3سنوات هي حرة وتختلف احتياجاتهم طبعا
2- وتكون لربة عمل أخرى : للأطفال من عمر 4سنوات حتى 12سنة نادي صحي الأولاد لحد عمر 8سنوات فقط والأجهزة الرياضية ماتتخيلون رخصها من شركة فناتير أمريكية رائعة ماتتعدا 300 ريال وحسبت مجموع الأجهزة ماكلف 7000 تقريبا
على فكرة النادي الصحي للأطفال موجود عند الغرب ومصرح به لمنع التحرش بهم من قبل الفئات العمرية الأكبر . لبنية العضلات لتخسيس الوزن
في الرياض موجود ماي جيم أمريكي ببانوراما وهو سعره غالي بس إحنا حنعطي اشتراك شهري أي وقت يدخل غير نظام الساعة بسعر رمز ي لأنه ما اح يكلفك شيء
3- انترنت للبنات من 13 وطالع بالساعة رخيص جدا مع توفير طابعات وغيرة وهذا مشروع مستقل أيضا تقوم به ربة عمل أخرى غير مكلف لها أن تختار ما يناسب ميزانيتها ولها التحكم بالسعر شرط ألايكون غالي أبدا فالمركز كاملا رسالته الراحة المادية للأم لو 6 أجهزة فقط لابتوبات مايتعدى سعرها 1200 فقط والطابعات إنتوا عارفين 250 بالسكنر أيضا المكتب كامل مايكلف 300 ريال
مشروع غير مكلف ومربح
4- ركن الأسترخاء عبارة عن قواطع مساج حلاوة استشوار حمام مغربي ولا أظن أن القص والماكياج سيكون مربح أو مناسب لأنا قلنا هو استرخاء فقط خدمات بسيطة أو للاسترخاءفقط.
5- ديوانية للنساء أو كوفي شوب إن أحببتم غير مكلفة مساحة أكبر هادئة تكون الأم أودعت أبناءها بكل ركن وتفرغت لنفسها
بمبلغ غير مكلف أو اشتراك شهري بسيط يحق لها الدخول للمركز والاستفادة من خدماته أي وقت بسعر رمزي
6- يسمح بنادي نسائي
7-يسمح بمكتبة وقرطاسية ومرسم
8- يسمح لأشكات البيع اكسسوار وملابس ومشاغل بنظام كامل خياطة وكوافير ولكن لاأراها مناسبة لجو الهدوء المنشود للمركز

طبعا المركز كامل تستأجر أركانه والكل سيكون بيده جعل ركنه غير مكلف لأنه لايخضع لشروط مستقلة. شريطة تساوي الأسعار بمعنى الكل بسعر مقبول ومتناسب حتى لاتتم المقارنة بين كل خدمة وخدمة ويخسر البعض
أتمنى إني مانسيت شيء وحتأكد من كل نقطة لان الي أعطتني الكلام موظفة في التراخيص وهي عندها الشروط له
أتمنى أفدتكم

على فكرة نسيت أقول إن المشروع يكون صباحي ومسائي ويسمح بإدارة مطبخ نسائي وحضانة صباحية وتكون ضيافة مسائية طبعا وأكيد شغالة الضيافة حتى فترة الظهر لموظفات البنوك والمستوصفات والطبيبات ويستقبل الطفل أي وقت

لا عيوني تجهيز الديكور عليك. والبضاعة منك بس تستاجرين الركن الي قصدته إن ماتجي وحدة وآسفة على التعبير تشطح بعرض سلع ماتمت أمشروع بصلة أو بأسعار خرافية رسالتنا وحدة هدوء واسترخاء غير مكلف الأفكار متناسقة وغير تقليدية