اللهم بارك لنا في رجب وشعبان وبلغنا رمضان

انا هذي ثاني سنه لي من غير شغاله والله تعب مو زي باقي الشهور كنت اسوي الي اقدر عليه وماابالغ بصراحه لاني لوحدي وعندي 3 اطفال ربي يحفظهم يعني سمبوسه شوربه معجنات مو كل يوم نوع حلى واحد وطبق رئيسي وبس

حبيباتي راح اقولكم على تجربتي البسيطه في هالموضوع لتعم الفائده

اولا ((ماقبل رمضان )):

1 لفي السمبوسه بكميات كبيره وحطي في الفريزر في علب واذا كان ماعندك وقت اشتريها ملفوفه جاهزه من حريم ثقه وياكثرهم اللي يدورون الرزق زجمديها في الفريزر
2 الحلى برضوه فيه انواع من الحلى قابله للتجميد مثل اصابع بالجبن او اصابع زينب طلعيها قبل بوقت بعدين اقليها على طول
3 نفس الشي مع ورق العنب والكبه والكفته جمديها واذا احتجتي كل يوم طلعي شوي
لاتقولون لي تتغير كل الموضفات واللي شغلهم كثير في رمضان يسوون كذا ومايتغير طعمها اذا كنتي مغلفتها بشكل جيد وعن تجربه
4 جيبي عندك كميه كبيره من عجينة البف باستري وكثري لانها والله فكت لي زنقات خطيره >>مسويه دعايه لها
ممكن تقطعينها شرايح بالطول وتدخلينها الفرن خمس دقايق واذا تحمرت طلعيها وحطي عليها عسل ورشي شوي قرفه وطلع حلى سريع ولذيذ او ممكن تحشينها جبن وتصير فطائر سريعه وممكن تدهنينها بزبده وترشين قرفه وسكر وتلفينها وتقطعينها وعلى الفرن واذا طلعت حطي حليب محلى وصارت سنابون افكار كثيره ممكن تسوينها فيها
5 بالنسبه للدجاج او اللحم جيبيه صحون ليييييش؟؟ لانها ماتحتاج لذاك التنظيف المتعب زي لما تجي الدجاجه كامله واللحم نفس الشي جيبيه مقطع جاهز بس تنظيف بسيط
ثانيا بعد دخول رمضان ((اللهم بلغنا ))

1 استخدمي صحون الورق مثلا للسلطه او اكواب العصير ومفارش السفره بلاستيك واذاكان عندك عزيمه طبعا نستخدم بلاستيك بس مانستخدمها للاشياء الساخنه لانها تتفاعل وتكون مسرطنه وبكذا تكونين قللتي من غسيل الصحون


2 حاولي تستغلين اوقات نوم الصغار وتخلصين الشغل اللي يبغاله وجع راس وحوسه

3 فيه في معظم المخابز الفطائر الصغيره الفاضيه اللي انتي بس تحشينها او الخبز الصغير مره اللي تفتحينه وتحشينه يجي زي جيب التاجر ممكن كل كم يوم في رمضان تجيبين منه وانتي بس احشيه اي شي

4 لا تخلين الاشغال تتراكم ويصعب بعد كذا تخليصها خلصي شغلك اول باول مثل غسيل المواعين

هذا اللي يحضرني اللحين واذا تذكرت شي قلته لكم وعذرا على الاطاله حبيت افيدكم باللي عندي دعواتكم

وهنا بعض افكار الاخوات ياليت تستفيدون منها

http://forum.hawaaworld.com/showthread.php?t=1810044

انا زيك...بس ناويه اقلل شغل المطبخ وبسلق عدس بكميه تكفي اسبوع وبقسمه بالفريزر وبلف سميبوسه اللي اقدر عليها وبتكون السفره تمر وقهوه وشوربه وسمبوسه وطبق رئيسي
والله يبلغنا

الله يبلغنا رمضان الله يعين على المواعين اتحفونا بافكاركم الحلوووه الله يسعدكم

شكرا على الموضوع