الحشو ه بس تفرزنيها

أختي أنا مثلك
حامل ووحم شديد
وأخذ مثبت
وكل ما أوقف أحس بدوخه
يجي بعده الاستفراغ
وانني بكرامه
بس فيه شغللات كنت مجهزتها قبل لا يبداء الوحم فيني
كنت شاريه صدور دجاج كثير
1 ــ فيه بعضه سويته شرائح رقيقه
وغسلتها
وفركتها بدقيق
ثم غسلتها مره ثانيه
بعد كذا تبلتها
وأغمسه بدقيق ثم بيض ثم بقساط
واحطها في صحن وسيع وما أحطهم فوق بعض
وكل خمس شرحات أحطهم بصحن واغلفهم
طبعاَ صحن بلاستك
وقت ما بي أطلعهم قبل نص ساعه ثم أقليها

2 ـ وبعضه قطعتها مربعات كبيره
وغسلتها
وفركتها بدقيق
ثم غسلتها مره ثانيه
بعد كذا تبلتها
وحطيتها بغلاف كل ست قطع مع بعض بشكل طولي
وقبل الطبخ بنص ساعه أطلاعه وأشويه في الاله أو في مقله
وأزيدها بصل وفلفل رومي ملون

3 و4 ــ وبعض من الدجاج وهو قطع كبيره
غسلتها
وفركتها بدقيق
ثم غسلتها مره ثانيه
وحطيته في قدار وسلقته
بماء وملح وبهارات صحيحه مش مطحونه
وبعد ما يستوي أشيل الدجاج وخليه يبرد
واصفي المرق وحطه في علب
عشان أشوي عليه شوربه بيضى أحط على المرق بس خضار مجمده
وبعد ما تغلي أحط في في زبديه 3 ملاعق حليب و4 ملاعق دقيق وخلطهم بمويه
ثم أحطه على المرق بالخضار ومع التحريك المستمر
ربع ساعه وتكون جاهزه
وبنسبه للدجاج أنتفه بيدي
واحمس البصل والثوم
طبعاً البصل مقطه شرائح
واذا ذبل البصل أحط الدجاج والتوابل وحركه وأذا الحتجت لماء الزيده من مرق الدجاج
وقلبه على نار حتى أشوفه صار تمام
أحطه في علب صغيره وأفرزنه
واذا احتجت له طلعته من الفريزر قبل نص الساعه واخليه يذوب على حرارة المطبخ
وبعدين أحط عليه مايونيز وأحشيه في السندويش مع المخلل والي تحبي
وأحمصه في ألة التوست
ويصير لذيذ وساخن
5 ـ وأقطع مكعبات صغيره عشان الكبسه والمرق والكودو
واحطهم في غلاف كلا 2ملعقه كبيره في غلاف بشكل طول
كذا بيكون أسهل في الذوبان
وأحاول أطبخ الاكل وقت ما أكون مرتاحه وتوني ما خذه أدويتي وهذا بيكون بليل طبعا
واسخنه على الغداء
لانه اذا صحيت من النوم بكون مره تعبانه من الغثيان
وأخلي زوجي يساعدني بطبخ
وأنا هذي الفتره أستخدمهم وقربو يخلصو
ما أدري وش بسوي
الله يكون في عونك وعوني
ويقومنا يارب بسلامه

الله يعينك وييسر امورك

ياقلبي الله يكون بعونك والله حاسة فيك
عندي لك كم طبق سهلين

أول طبق سباغيتي كرات اللحم
جيبي كرات لحم جاهزة من السوبر ماركت وحطيها بصحن قصدير واشويها في الفرن
وجيبي صلصة الطماطم الجاهزة من السوبر ماركت عند صوص البيتزا تلقينها وسخنيها شوي بمقلاة
يبقى عليك بس تسلقين السباغيتي وتحطينه بصحن وتحطين الكرات فوقها وتصبين عليهم الصوص ويطلع لك طبق جميل ولذيذ

عندك الكباب الجاهز في الفريزر بالسوبر ماركت او البرجر او الهوت دوق بس حطيها بصحن قصدير ودخليها الفرن من فوق ومن تحت وحطيها بساندويتش مع كاتشب ومايونيز

أمممممممم وش بعد جيبي الدجاج الصدور او الأفخاذ وبهريه بس ببهارت مشكلة وملح ودخليه كيس الشواء او في صينية وغطيها بقصدير ودخليها الفرن تقدرين تاكلينه مع رز او خبز واذا فيك شوية حيل حطي حلقات بصل - طماطم - فلفل اخضر - بطاطس يصير دجاج مع الخضار

بالنسبة للشاورما وكذا فيه عندنا بالسعودية بس ماأتوقع فيه عندكم برا لأنه ماركة الوطنيه

والله يسهل حملك ويقومك بالسلامة يارب

فرزي كبه وسمبوسه و ورق عنب وششبرك وهو عباره عن كرات العجين المحشو باللحم وكباب