ادخلوا وريحوني الله يريح بالكم ...

انا عضوة جديدة انضميتلكم من حبي لكم ويشهد الله علي اني اقرا موضوعاتكم وابداعاتكم وحتى الردود اقراها وانضميت لكم وهذا ثالث يوم ليا معاكم المهم لاني حبيتكم واعتبركم اخواتي ابغاكم تساعدوني (انا متزوجه ليا سنتين وحملت فبدايه زواجي ومع الكليه وتعب الاختبارات اجهضت وانا داخله على الشهر الثالث وبكيت وتعبت وتالمت والى الان احس قلبي محروق عليه حتى الاوراق الخاصه بمتابعه حملي محتفظه فيها وكل ماشوفها ينحرق قلبي على اول فرحه ليا واتخيلو معايا فكل لحظه حتى احسبلو عمرو وانو لوكان موجود كان ذحين يبدا يمشي المهم ادخلكم بالموضوع لاني طولتها عليكم بس والله حبيت افضفض لكم انا متاخره على الحمل وزوجي بيموت على الاطفال وكل شوي يقولي فلان صاحبي جالو ولد وفلان جالو بنت وانا حاسه فيه بيموت على الاطفال حتى الاطفال الي يقربولنا يجيبلهم العاب ويقول ياليتني اجيب لاولادي وانا قلبي يتقطع اكثر واكثر وكل شهر اجيب جهاز اختبار الحمل وتطلع النتيجه سلبيهوانا هذا الشهر ماجاتني الدورة وحللت التحليل المنزلي وطلعت النتيجه سلبيه وحللت بالمستشفى وطلعت كمان النتيجه سلبيه والدورة ماجاتني وزوجي يقولي الا حامل وامي كمان تقولي حامل وانا اقولهم لا والدكتورة تقول استنو كمان اسبوع وحللو وبقي لي يومين ويسير ليا اسبوع وانا ماني حاسه باي شي وماابغى اتامل على الفاضي والله تعبت وبقولكم اخر حاجتين الاولى وقت موعد الدورة حسيت بالام خفيفه وينزل مني سائل لزج ابيض نزل معايا ثلاث ايام وبس وماادري ايش هوا وكمان كنت احس حرارة اسفل ظهري ...والشي الثاني الله يسعدكم انصحوني باي شي وريحو قلبي الله يريح بالكم ولاتنسوني من دعائكم الصالح ...وشكرا لكل من صبرت على اطالتي للموضوع والله يسعدكم دنيا واخره