خوذيه معك لكن لاتاخذين عمرتك انت وزوجك سوا اجلسي بالفندق لحد ما يخلص زوجك ويرجع هو للفندق يجلس مع ولدك.


وبعدها روحي انت وفيه فنادق مقابل الحرم وقريبه منه يعني ماراح تضيعين.

صراحه مكه ما ينفع لها اطفال
خليه عند ناس تثقين فيهم ويهتمون فيه وبالعكس منافع جلسته اكثر من مساوئها
يعني صغير منتي قادره تاخذين راحتك لا بصلاة ولا بعمره ولاشي وحتى الناس يباذيهم بالبكاء وتوه صغير ما درا عنك اهم شي احد يغير حفاطته ويعتني فيه وياكله ويحافظ عليه
وكلها يومين وراجعه

خليه عند أمه أزين والله مكه موووووووووووت زحمة
أنا رحت وبنتي كبيره بالمدرسة وبغت تموت بالزحمة
والله صارت تبكي المعتمرين الأجانب ما في قلوبهم رحمه أهم شي يمشون وتلاقينهم بس يدفون ويزاحمزن
ولا همهم وكمان الجو كله أمراض وأنفلونزا وحر والله أنا بكبري بغيت أبكي من الحر
وأنتبهي تأخذي عمرتك لوحدك والله العظيم أن فيه رجال في الحرم قلوبهم مريضه ويصيرون يلصقون في الحريم
وقسم بالله شفتهم بعين وفيه واحد كان ماسك هندي يضربه لأنه جاء من وراء حرمه ولصق فيها وصارت الحرمه تصارخ
ومنظر الله لا يوريك خليك مع زوجك وولدك أتركيه في الحفظ والصون وأستودعي الله فيه وخذي عمرتك بكل سكينه وأدعي لولدك بالصلاح وكلها يومين وراجعه
وعمره مباركه تروحين وترجعين بالسلامة

كل حد له وجهة نظر و كل وحدة من الاخوات كلامها في محله فالافضل تستخيرين و لا تجلسين في دوامةبين الاراء و صراحة انا اعرف وايد من معارفنا ساروا العمرة و عيالهم بين الشهرين و الست اشهر حد كان معاه الخدامة فتسهلت السالفة يا اما تجلس معاه في الفندق او تتناوب مع الام و حد والله سار لوحده و اتصرف و التساهيل من الله انا سرت و عمر ولدي 3 اشهر و لوحدي و توكلت على الله و سالت كذا دكتور اذا فيه تطاعيم معينة فقال ما في داعي و الحافظ الله فكنت اجلس و سبحان الله كانت بالفعل تساهيل اجلس بجنب العمود و بذلك اضمن انه ما ينشل او يتعرض لاي خطر و للاحتياط اختي اشتري من الصيدلية الحزام اللي يربط في ايد الطفل برجل الام للامان و الله يكتبلك الخير و عمرة مقبولة مقدما

راي تتركينه عند جدته ... مكه كلها امراض ما تقدرين تضمنين محد يعطس فوجهه .. اوو ممكن فالصلاه يبكي و الناس يدعون عليكي ... و طبعا ما تأمنين تتركينه بروحه فالفندق ... كلها كل يوم ان شاءالله و راجعين له