والله يااختي فكري بطريقه اخرى

بس نصيحه لا تورطين نفسك بالاقساط لان الرجال مالهم امان اعرف كم وحده دقت على صدرها وقالت هذا زوجي ابساعده واخذت سيارات على البنك وتقسيط على راتبها وفي الاخير تطلقت ولها سنتين تقسط له سيارته واهو مطلقها والثانيه اخذت سلفه 250 الف ريال علشان يشتري بيت ووعدها يكتب نص البيت لها والى هالوقت واهي تسدد وهو رافض يعطيها اي اثباتات ويزعم انه ما ضربها على يدها علشان تعطيه المبلغ

اختي انا مااخوفك بس انصحك الف مره لا ترتبطين مع واحد يفكر في الاستفاده من راتبك لا وهذا قبل الزواج
صدقيني انا مدرسه واسمع بلاوي عن هالشي والله يوفقك وينولك اللي في بالك من غير اقساط اوالتزامات ماليه انت في غنى عنها وسامحيني اذا كنت صريحه معك بس والله يعلم اني اتضايق لما اسمع بهالقصصص ولا ابغى يصير لك ماصار لغيرك

ماشاء الله تبارك الرحمن كلام البنات قمة العقل و الصواب

اهم شي لا للعجلة لا تستعجلين ابدا
ثاني شي اياك ثم اياك تاخذين سلفة كما ذكرت لك من قبل

هل تريدين بداية لحياتك بالحرام ؟ و تستمرين اعواما و اعواما بقلة بركة في المال و العمر والعيال ؟

هل ترضين ان تكون حياتك هكذا اختي ؟؟

صدقيني عن تجربة !!

بدينا حياتنا بديون من البنوك المحرمة !!! و انا لم اكن على علم بذلك !!!

تصوري 150 الف !!
والى الان لم ننتهي منها !! و صار لنا 3 سنين !!
و لا خلصنا نصها للان !!
عن تجربة !! لا بركة في الراتب !! و لا العيال !! وكل شي بيد الرحمن طبعا ( بس انا لين الحين ما عندي عيال )

و منى حياتي الان

لا بيت العمر

ولا عيال يملون لي البيت

و لا بركة في المال

لالالا

مناي الخلاص من هالديون اللي مب عايشين مرتاحين من وراها
و الخلاص من الحرام و الاثام التي تدخل بيتنا
الله المستعان

بس فكري مليون مرة اختي

مش لازم اي شي للشقة
سوى الاساسيات البسيطة جدا

و حفلة العرس تكون بسيطة
والمهر ارضي بالقليل ( اقلكن مهرا اكثركن بركة )

و الاهم من هذا كله لا تستعجلون

اتفقوا على تأجيل الزواج لمدة سنة على الاقل

وخلالها يستطيع ان يجمع مبلغ
واتني بدورك اجمعي من راتبك( لو كان في خاطرك شي تشترين و ما قدر يدفع اشتري انتي )

اتمنى لج الحياة الزوجية السعيدة ان شاء الله اختي العزيزة
ربي يوفقكم و يتمم زواجكم على خير

شوفي اختي انا لي شهر وشوي حاطه فلوسي بصندوق الرائد بسامبا وبصراحه كان الربح خلال شهر غير متوقع ربحت بمقدار 25%من راس المال خلال شهر ونصف تقريبا وعلى فكره نسبت الأمان في الصندوق 98%يعني باذن الله لو لاسمح الله وصار خساير ماراح يخسر اكثر من 2%من راس ماله...

فاقترح عليك لو عنده مبلغ محترم يحطهم بالصندوق وبنتظر سنه وباذن الله راح يتحقق مرادك على فكره ادنى مبلغ يقبولوه تقريبا 7500ريال...

يمكن حلي مش عملي كثير بس برضو انك انتي اللي تاخذي سلفه علشان يتزوجك برضو فكره بالمره صعبه ومستحيله وراح تخسري من وراها حتى هو من المفروض انو مايوافق على هالحل لو هو مع احترامي تهمو كرامته وشاريك لذاتك مش لفلوسك

وبالتوفيق يالغاليه

حرام تربطين نفسج بقروض واحتمال الزواج في يوم من الايام مايستمر وتتعرضين للطلاق يعتبر هذا احتمال وارد صح وبعدين راح تكون عليك ديون مابعد الطلاق وتزيدك حسره لانها تقعد سنين
الصراح اشكثر بنات خذو غروض لسبيل الزواج واخر شي تركهمالزوج مع اديونهم واطفالهم بعد عشره عمر

الصراحه زوجك لو رجال عن حق مايقبل انك تاخذين قرض

يعني بصراحه انك انت منزله نفسك له وكانك ماصدقتي ان يخطبك ((بايعه نفسك ) ببلاش


ياحلاوه


وبعدين اللحين موقادر يوفق المسؤؤؤليات من اللحين وبعد مايكون له عايله اشلون راح يوفق

الصراحه زواج فاشل من البدايه

صلي استخاره ..

ربما يكون الشخص فعلا غير مناسب ،،
أو قد يكون هو المناسب ورب العالمين هو اللي راح ييسرلج أمورج :)


عليج بالدعاء ----- صدقيني أفضل من القروض والاسهم والشيكات