عندنا وعندك خير الله يفرج همي وهمك وينصرنا على من ضلمنا ويظهر الحق

طبعا استمرينا على الوضع السنين مالي كلمه ببيت اهلي واخدم وخواتي جالسات على التلفزيون ولا طالعين وانا مااطلع عشان مااسوي شي يفشلهم اوافضحهم لان خواتي مفهمين ابوي اني افشلهم واخرب سمعتهم وتطورالوضع بخواتي انهم يعلمون اي احد رايحين له اواحد جاي عندنا اني انا معاقبه عشاني راعية شباب
واني انااللي اغارمنهم واحقد عليهم لين صاراغلب اللي يجي عندنا يتجنبني وصرت وحيده ومحرومه من امي اللي مابيني وبينها خطوتين وابوي
جاء واحد وخطبني ورفضت امي وقالت لسه بدري باقي خواتك وابوي رفض قال اخاف تروحين تدمرين العوايل اصر الرجال ورجع اكثر من مره لين ابوي اعجب ووافق عليه وقال دام مشاكلك عندي بلبيت مهيب راضيه تخلص روحي افتك منك قلت انا بتزوج يمكن ارجع امي وابوي لي يمكن يخفون على بعد الزواج لاني احبهم ابيهم قبل زوجي انواع التهديد من اختي وفجاءه جاء ابوي زعلان انتي تتهمينا سرقنا مهرك احلف لابوي مايصدق اني ماقلته ويقول يعني خواتك بيكذبون عليك انسرق مكياجي حق الزواج كله بزواجي ماخلو شي عن ام زوجي سببوا مشكله كبيره لدرجة امه قالت وقتها طلقها
ربي رزقني بواحد كان طيب وانا بيني وبينكم صرت انوم بدون تهديد اوتبلي اصحى القى كل شي بمكانه عكس بيت اهلي بعد الزواج كل مااروح لامي تصد عني اجي بيت اهلي اجلس لحالي بصاله خواتي اذا شافوني ينسحبون جاء ابوي معصب انتي تقولين لخواتك عوانس انتي ماتحترمين احد اوقات اظطراني ادافع عن نفسي صرت انا عاقه واذا غبت وطولت دقوا على زوجي جيبها واذاجيت يذكروني اني انا الحاقده على خواتي واني مجرمه في حقهم اوقات يصير نقاش واذا دافعت عن نفسي كلمه كلمتين صرت انا جايه اسبب مشاكل اعتزلتهم يوم من الايام اقابل وحده من جيرانا تقولي اختك تحذرنا مانمشي معك لانك بعدين تودينا عند شباب وانك ساحره زوجك وماااخذتيه الاعن طريق السحر قلت بروح اعلم امي وابوي يمكن يصدقوني اتركوا المشكله وحطوني انا اللي فضحتهم طيب وسمعتي وانا عاذره امي وابوي المكروالخديعه والفتنه اشد من القتل بعد السنين من تشويه السمعه والسنين من حرماني من امي ادخل بسس عند امي اسلم عليها واهديها واطلع وانا قلبي يتقطع ابي اجلس معها زي اي ام وبنتها اتفاجئ بااختي طبعا يصدقونها تقول ان اهل زوجها مايبونها وفضحتني بين اهلي اني انا منبوذ ه حتى عند اهل زوجي وانها تعرف وحده من اهل زوجي هي اللي توصلها اثراختي بعد ماتعرفت على وحده من اهل زوجي معرفه سطحيه قامت تالف بسلوب ثاني ان شفتي يمه وشفت يااخوي انها منبوذه حتى عند اهل زوجها وتمشى وتحكي فيني هي واختي الثانيه وانا والله الله يشهد على ان ام زوجي تقول دايم افضل حريمنا فلانه موادبه وفي حالها وتخدمنا وهي اختى تجلس بس تتكلم فيني عند اللي نعرفهم تنزل من قيمتي زواج اخوي جيت وانا لابسه وكانوا قرايبنا طول الوقت وانا اسلم وينك مانشوفك ماتغيرتي وتمسكني وحده ليش تسوين بخواتك كيذا عيب الجمال جمال الاخلاق موجمال الوجه واسكت وانا قلبي يعتصر اشكي لمين لورديت على قريبتي وقلت مظلومه صرت فاظحتهم سكت وصرت ادعي طول وقتي عليهم وربي رزقني بنت وولد وانشغلت فيهم وصارت علاقتي باامي من بعيد لبعيد وكنت لمااجي اشوفها اشوف بعيونها عتب وشوق واني انا احبها حب ولااقدر اوضح ان تكلمت صرت الحاقده وقلبي يطيرمن مكانه اذا شفتها بزواج لقرايبنا واحس لمااقابل امي بزواج ولابرى البيت ودها تطيرفيني بس تقول ليه تسوين بخواتك كيذا يبقى حاجز بيني وبينها وجاء يوم وانا قاعده ببيتي يجيني اتصال من امي انتي ماتستحين انتي وجهك قوي اجل يطردك فلان من بيته عشانك تحرشتي فيه وازعلت زوجته وانهبل انا متى انا ببيتي ماطلعت طيب اسالي زوجي طيب روحي تاكدي من افلان نفسه روحي تكفين يمه والله بيبان الكذب بس امي مسكينه ماتبي تواجه تشوف انها فضيحه ويزعل ابوي معها ويصير يلمزني بلكلام طيب من وين جبتوا الحكي زميلة اختك فشلة اختك وقالت لها شوفي اختك مطروده الله يشهد على اني هذا الشخص ماطردني وروح اكلم زميلة اختي قالت اختك كذابه حسبي الله ونعم الوكيل حتى وانا قاطعه اهلى مااروح الادقايق مااسلم

لين جاء يوم فجاءه تتصل امي فيني انتي وحشتيني انا بصدمه نفس ابي نفس مكالمه ماانساها من حلاوتها
وتتصل مره ثانيه تقول بجيك بيتك وجت وترجع امي اللي من سنين امي حبيبتي تكلمني بنبره غير تتفقدني
توعدني انها تعوضني عن سنين الحرمان وتطلب مني اسامحها وتقول انكشف لي كل شي وتوعدني انها راح تعلم ابوي بس مووقته الحين لانها تعبانه وانااحسب نفسي في حلم وطلعت من عندي اسبوع وزارتني فجاءه وقالت تعالي ننزل لمكه ونصلي قلت افضى لك وانا الدنيا تضحك لي اشوف ملامحي بلمرايه كاني اول مره اشوف نفسي ونامت عندي ساعه وانا قلبي يطيرمن الفرح واجهزانزل معها للحرم نصلي ورحنا وانا كني طفل وهي تمسح على ظهري نسيت كل شي بدنيا معها راحت بيتها اليوم الثاني ابوي يدق على يقولي تعالي جيت البيت الاابوي بهدواء يقول امك توفت امس بليل ورحنا نشوفها بثلاجه اناوخواتي واخوي وانا في حال صدمه توني فرحانه توني ماشبعت منها طبعا امي غسلوها اليوم الثاني وجيت وسلمت عليها وشفت وجهها وبكيت ماشبعت من وجهه ولما وصلوا خواتي تغطى ووجها فحاولوا بلمغسله انها تفتح وجه امي بس رفضت المغسله لان خلاص جاء وقت الصلاه
في عزاء امي بدا الهجوم من خواتي واتحدوا على وحسبي الله ونعم الوكيل واتهموني بجميع الاتهامات اني انا اللي اممفشلتهم طول السنين واني سبب الم امي وحتى لما قلت امي قالت كيذا كذبوني وقالوا اصل امي ماتبيك لين وصل بعد وفاة امي بفتره افتروا على عند ابوي وطردني للاسف خواتي تعودويحطوني به الموقف ولااتعضوا بوفاة امي للاسف احرموني الي يومك ادخل بيتها واشم ريحتها احرموني حتى الذكرى حتى مااعطوني من ملابسها شي وزعوا كل شي وحسبي الله ونعم الوكيل
خواتي هاذي قصتي اختصرتها باااسطرادعوالي ان التقي بها في جنات النعيم وادعوالي ان الله ينصرني عليهم ويفضحهم عند ابوي هو اللي باقي لي وادعوا ان الله يكفيني شرهم

لاحول ولا قوة إلا بالله 
اقشعر بدني وانا أقرأ
الله يرحمها ويغفر لها 
وخواتك فيه رب بيحاسبهم
صدقني يمهل ولايهمل

الله يفرج همك 

بكييييييييييت

يالله شي مايدخل العقل
اكثري من حسبي الله ونعم الوكيل 
هذي الكلمه مثل اليد اللي تمسح على ظهرك وتوعدك خير وتبرد بخاطرك..
الله ينصرك ياحبيبتي