ماااااااااااافهمت

انا اقولك خليها تضربه بوية وتكمل الديزاين على اساس انها مستقصدة المزظهر العتيق بس ما قلتي هو عمارة او ايش يعني عشان نقدر نفيدك اكثر اذا بيت ملك تقدر تعمل فيه افكار جنان اما اذا لاء مارح تقدر جيبلك صور وافكار ان شاء الله تفيدك

انا للاسف ما عندي صبر ما قدرت انتظر ردك وقمت جبت شوية افكار وجييييييييييت:42: :22:
نبداء من الاساس

اول شي الدرج والجدران حسب مادتها اذا تقدر تدفع او لا وفي افكار تناسب سواء تقدر او لاء
الجدران حقت المدخل والدرج هي اهم شي لازم تعملها بوية عشان تبين انه الدرج قديم بس حلو
انا اتخيل لو تعتق الجدران بدرجات الاصفر الغامق مع البني الفاتح رح يعطيها المظهر المطلوب وع انه التعتيق راحت موضته بس هو اللي رح يعطيها الايحاء المطلوب
ولانه حيكون تعتيق خارجي افضل يكون شي عشوائي احيانا اشووف انواع تعتيق تحزن شكل الاسفنجة حقت التعتيق مكرر بطريقة غبيييييييييييية جنب بعض تحسي اللي ضرب البوية غمسها في السطل وهاتك يا خبط المفروض يكون عشوائي عشان يسير تعتيق من اسمه يعطي مظهر عتيق وقديم مو مظهر مبتديء
شوفي هذي الاشكال بس كافكار للتعتيق


وهذي الصورة نوعية التعتيق البارز تنفع للجدران اللي في مدخل العمارة او البيت من برة بس اللون طبعا لا


شوفي اللون هذا حلو عشان تقدر تستعمل معاه البني المحروق والذهبي والعودي في بقية الاشياء اللي حقولها عشان تعطي شكل قديم بس نايس

تعتيق مذهب


وهذا اللون مرة كويس ورح يمشي مع اي فكرة بيج معاه لمسات ذهبي



وهذا كمان حلو مرة رح يطلع




بس احسن شي خليها تمسك الالوان الرملية زي هذا

----------------------------------------------
نجي للدرجات نفسها
لو في عندها امكانية تقدر تحطلها البلاط اللي يجي مربعات صغيرة في منه ستايلات مكسيكية وستايلات اللي زي الديكور الاندلسي بس الشكل الاول احلى شوفي مثال


اما اذا ما عندهاامكانية تقدر تحط البلاط بس في المساحة اللي في الدرجة من قدام وتسيب الدرجة نفسها وتعمل بالبوية زي الاطار
على الدرج من الاجناب وتنقي لون يمشي مع البلاط وغامق بالنسبة للون البوية يعني تنقي اللون العودي الغامق مع كحلي او بني غامق مع شي ثاني المهم يكون غامق لبقية الدرج فيبرز ويعطي شكل جمالي
مثال
في هذي الصورة الدرج القديم متروك زي ماهو والبلاط عامل زي الحزام في الجزء هذا ما اعرف اش يسموه ومن نفس اللون زي الاطار على الجدار الملاصق للدرج تعمله من الناحيتين حيطلع حلو


اذا ما قدرت تعمل الحركة هذي بس تضرب الدرجات بوية وحتطلع حلوة مع بقية الديكور



------------------------
الجدران حقت الدرج وانتي طالعة يبغالها تشتريلها حزام من النوع البارز مو الورق في نوع يجي بارز وانتي تلونيه بنفسك هذا شكله احلى تحطه عل الجدار نفسه مو الجدار اللي المفروض يكون درابزين فهمتيني ويكون مايل بتساوي وتخلي لونه على بني يكون اغمق في الاطراف منه في الوسط عشان يعطي المظهر القديم
------------------------
فوق الحزام تشتري براويز اطاراتها ذهبية الذهبي المطفي مو اللميع او اللي على نحاسي ويكون الصور فيها تدل على الطابع اللي هي اختارته لا تجيب صور ورود تخرب الفكرة كلها يعني اذا تبغى الشكل العربي القديم في براويز تناسب او القديم على ستايل مكسيكي في اشكال ثاني
حتى مو شرد براويز في السجاد القماش اللي يتعلق في الجدران بدال البراويز حيكون حلو بس اذا كان الدرج مغلق ما يوصله غبار
امثلة






في كل درجة تحط برواز واحد او 3 على الاكثر
-

---------------------------------
انا مثلا اتخيلت الدرج على بيت في الدور الثاني حيكون في درجة طالعة بعدين كورنر والدرجة الثانية بعدين ممر
في كل درجة عشان تكمل المظهر القديم تحط مصباح جداري اللي يجي على شكل فانوس لو ما في امكانية عشان الكهربا تقدر تختار النوع اللي يجي جوته شموع او لو خيالها واسع ومجازفة تجيب فوانيس زمان اللي ما ادري كيف يولعوها :22: بس منظر يعني




------------------------
نجي عند الزاوية
تحط جرة طين كبيرة بس اهمممممممممممممممممممم شي لا تعبيها ورود الصراحة منظرها بااااااائس الورود الصناعية ودايما لمن اشوفها في كورنر الدرج نفسي امسكها احذفها مع الشباك لانها بس تمسك الغبار والعناكب غير تبشع ما تحلي
تخلي الجرة سادة او تجيب هذي الاغصان الخشب الطويلة تحطها جوتها يبيعوها في كل مكان تقريبا وحتناسب بقية الديكور





:42: