بتروحين تقضي للبيت تعالي اقولك

سلام عليكم ورحمه الله وبركاته

كلنا نروح نقضي للبيت ونجيب اشياء بعض الاحيان مانحتاجها
او اشياء نحتاجها والباقي ينرمي في الزباله
انا عندي فكرة وخصوصا اني جربتها وافادتني كثير
اكيد اكثركم مسوين ميزانيه للبيت والي ماسوت تسوي بسرعه احسن شي
انك مثلا تحددين اذا بتروحين السوق تجيبين اغراض الشهر كامل اونص الشهر او اسبوعيا
وتقسمين المبلغ على حسب انتي وش محدده ولما تجين تكتبين المقضي اولا لازم تشوفين الطبخات اول الي بتطبخينها وقد ايش الكميه الي محتاجه لطبخه وتكتبين الي محتاجه له ويكون عندك جدول كاتبه وش بتطبخين وش بتسون من اكلات لليوم الواحد وبكذا توفيرين فلوس واشياء تجيبينها من السوق
حتى الكميه تسهل عليك اشياء كثيره
واذا خلص عندك الشي تكتبينه في دقتر يكون خاص للمقاضي عشان بعدين ماتجلسن تفكرين وش نسيتي وكمانخذي معك القلم وورقه المقاضي وانتي رايحه السوق والي تاخذينه اشطبيه من القائمه عشان ماتنسين وش اخذتي وش نسيتي
واتمنى انكم تستفيدون من الطريقه هذي مثلي لاني كنت اجيب اشياء عشوائيه وبعض الاحيان لطبخه وحدهوماحتاجها بعد كذا بس بعد ماقررت اني اسوي كذا صرت اخذ على حسب الطبخه حتى البهارات كنت اخذها مطحونه وجاهزه واستخدمها مره اومرتين وبعدين تروح نكتها وتخرب وقررت اخذها حبوب وطحن كميه بسيطه حسب الطبخه وش محتاجه وتعطي نكه وطعم احلى

واسفه على الاطاله بس حبيت افيدكم

سلام