السلام عليكم
بدش بالموضوع على طول
انا من يوم تزوجت وانا مرحه واحب اسولف واضحك و انكت
بس المشكله اني احس انه زوجي ما يعجبه اني اتكلم وايد
ودايما يقول لي انتي بالعه راديوو دو دو دو دو> جذي يقولها :icon28:
المهم تميت 5 سنوات على هل حال
حسيت انه صار حتي ما يسمعني بس
يرد يقول اي اي اي
واصلان الجواب المفروض يكون لا اي ولا لا :hahaha:
وانا جدا جدا حساسه
فقلت لازم اتغير و ما اسولف معا
وصرت دايما ساكته ما اتكلم
ابدا الا اذا في شئ مهم اقوله ولا اسكت
بس مو ماده البوز
لا اضحك وابتسم مع الجواب
واذا سئلني عن شئ ارد على قد السؤال
اول لو سئلني ارد عليه ب10 اجوبه
واذا قال سوي له شئ على طول اقوم اسويه من غير ما اتذمر وانا مبتسمه
اول لو قال سو شئ اقول اي لحظه خلني اكمل المسلسل
يؤؤ انتا سو الشاي ما لي خلق
زين زين بعد شوي
لخ...
اذا قال انا بطلع اقوله مع السلامه في حفظ الرحمن وانا مبتسمه
اول لو قال انه بيطلع
تصير مناحه في البيت
ليش تطالع
وين رايح
انا بطلع
اليهال من زمان ما اطلعو وقر قر قر صج بالعه راديو :hahaha:
المهم النتيجه انه تغير 180 درجه
صرت انا الساكته و اهو يتلزق فيني
حتي يسئلني انتي فيج شئ زعلانه مني
اقول لا ليش في شئ
يقول لا و يسكت
وصار كله ما طلع يقول
اشصار معا
وشنو اكل
وشنو شاف
والاهم انه صار ما يتاخر
وانا صرت ما اتصل عليه اذا طلع بس ادز مسج
بتتاخر؟ بروح اتسبح ,بنام بقراء قران لخ...
انا متعوده اقفل الباب الخارجي من داخل ليني اخاف علشان جذي اسئله
اذا بيتاخرولا لا
المهم ان السؤال ما يكون تحقيق
ثاني شئ عندي خلطه تضيق جدا جدا صار لي 5 اشهر وانا عليها شئ يردج بنت
بس لازم اتمين عليها اقل شئ شهر
اخذتها من منتدي ثاني
الخلطة عبارة
كميات متساوية من كل زنجبيل مطحون البودرة + كمون مطحون + قرفة مطحونه و قشر رمان مطحون تعجنينها بشويتا ماء وتكورينها من الحبة بالحجم اللي يناسبك
ورصيها ودخليها الفريزة بس تجمد خرجيها وحطيها بمطبقيه وخليها بالثلاجه
واخذي حبتين بعد كل وجبه وترا الخلطه تشيل الكرش.
اهم شئ عند الزوج البنت الغامضه و النومه وشويه دلع
وانتي و شطارتج
موفقين
fatima00 @fatima00
عضوة مميزة
يلزم عليك تسجيل الدخول أولًا لكتابة تعليق.
ميراج222
•
ماشاء الله تبارك الله الله يسعدك
ان شاء الله استفيد منك لاني انا بعدبالعة راديو
ههههههههههههه
ان شاء الله استفيد منك لاني انا بعدبالعة راديو
ههههههههههههه
الله عليج هادا الكلام السنع انا لاحضت اغلب البنات الي يكتبون مشاكلهم انا هي الي ميته عليه وكل همها زوجها وهدي اساس المشكله لازم الوحده تصد عنه وتلها بئشيى ثانيه غير زوجها من غير ما تقصر بحقه وبهل الطريقه يحبها اكثر وتقل المشاكل
fatima00
•
الله عليج هادا الكلام السنع انا لاحضت اغلب البنات الي يكتبون مشاكلهم انا هي الي ميته عليه وكل همها زوجها وهدي اساس المشكله لازم الوحده تصد عنه وتلها بئشيى ثانيه غير زوجها من غير ما تقصر بحقه وبهل الطريقه يحبها اكثر وتقل المشاكلالله عليج هادا الكلام السنع انا لاحضت اغلب البنات الي يكتبون مشاكلهم انا هي الي ميته عليه وكل...
100%
ولازم كل البنت يكونون غامضات
ولازم كل البنت يكونون غامضات
الصفحة الأخيرة
والله يسسخره لك يآرب