انا استخدم هرري والحمدلله الكل يمدح قهوتي

جربت البريه مااعجبتني

بس ابسأل وش فايدة الشيبه

الخولانى غير لا تدورين بس اللى يستخدمون الشيبه
كيف يحمسونها معه وكيف الطعم

الله يعطيكم العافيه يارب ومشكورين بس كيف ادفن الشيبه بالقهوه يعني ياليت تشرحي اكثر وكيف يكون لونها اذا استوت يعني احط مباشره مع القهوه اول مااحمسها او انتظر لحد ماتستوي القهوه وابدا احمسها معاها

تنظفين الشيبه من اللي زي الخشب فيها
وتحطينه مع البن من بداية الحمسه
تدفنينه ((( يعني دخلينه بين البن ما يتعرض للنار مباشرة لانه يحترق بسرعه
واذا انتهيتي من الحمس تخلصي منه الا اذا تبيين
بقي قطعتين او ثلاث اطحنيها مع البن
والباقي خلاص ارميه((((( اذا كان البن 2 كيلو انت محتاجه تقريبا 6|8 قطع شيبه

شوفي حبيبتي من وجهة نظري انا اشوف انو القهوة للشخص الكييف هي قهوة اهلنا اللي مافيها خرابيط يعني بن + هيل + زعفران وبس خلي عنك شيبه وزنجبيل واللذي منو انا احكي عن قهوة أهل نجد
بعدين نوعية القهوة أنا بصراحه استعمل اليمنية البرية وبجد كل من ذاقها يسئل عن نوعها / بعين القهوة يفرق معاها طريقة التحميص وطريقة الإعداد يعني تحميصها يكون لونه وسط
ولمن تجين تسوينها اغلي الموية قبل بعدين حطي البن وخليه يغلي بعدين قصري عليها مو مرة يعني تصير تقلب على خفيف لمدة نص ساعة إلى ساعه بعدين حطي عليها الهيل وصبيها في الترمس
وبالعافيه