موضووووووعج يهبل
انا عاد مواقفي اش كثرررررر


بس اقوى موقف ..

كنت بأولى ثانوي طبعا ( مكرر علشان افهم الدرووس عدل << يا متفوقه انتي ))بأمتحانات اخر السنه
دخلت القاعه طبعا البتسامه شاقه الوجه ( هذي دايما عاد )) دورت اسمي وقعدت كان علينا امتحان انجليزي عسى
الله لا يعوووووده على مسلم انا قبل لا ادخل غاشه تعبير عن الماء ومن المهانه غاشته من النص عجزانه لاكتبه من الاول ( ترى كان طويل التعبير )) المهم لا والورقه مشققه وملعون ابوخيرها اخذت اوراق الامتحان وكتبت
اسمي علشان تجي الابله وتوقع ودبس موقع اللي فيه اسمي ..
طبعا اول شي قمت اتفرج على على الاسئله عل وعسى اعرف واحد ولا ألقطلي كلمه ورقع الباقي
فتحت على التعبير إلا وهوووووو عن الماء ويا كبر فرحتي ( عندها امل تنجح ))
الحين الورطه شلون اطلع الورقه من مخباتي .. وحنا بالقاعه ولا 12 ابله مراقبه علينا

قلت مافيه ألا احطها ورا كرنيهي ( هذي نفس البطاقه يوزعونها على كل مرحله فيها صورتج وصفج وختم المدرسه علشان اي مخالفه يسحبونها منك ))

ربي ستر وكتبته اصلا بيدرون اني غاشته كاتبته من النص

المهم .........
من بكره دخلت كل العاده الابتسامه شاقه وجهي وقعدت واخذت ورقتي .... وبنص الامتحان
شفت الوكيله والناظرة دخلوااا القاعه .. وانا اطالعهم قلت منهي المقرووووووووده اللي جوها هذي
وانا طبعا خليت متحاني وقمت اطالع مادريت ... إلا وهن مقبلات يمي
وانا الله لايوريكم جاني بلا في بطني .. انا الحين على طول فكرت بالامس قلت صادوني
إلا يوم قربن يمي تخيلوااا البنات اللي بصاله خلووووو امتحاناتهم وقاموا يطالعوني وانا قلت لا بس انا الحين بفتضح بالله وخلقه ..
مادريت إلا وهم قالوا انتي ,, قلت ايه ( وانا قلت بس بطنها بجيه ومافيه نجوووح ,, النجووح غاسله ايدي منه من زمان بس افكر فيه علشان خاطر امي )) قالوا ماكتبتي اسمج امس بالورقه الانجليزي وانا ماخليت حلف ماجبته
والله العظيم كاتبه والله ابله اني كاتبته والدمعه على طريف ))قالوا فرزنا كل اوراق اولى وطلعت الامتحان اللي مومكتوب عليه اسم انتي ( ونوعيت الابلات دعاوي علي الظاهر امس تأخروا ماطعلوا لين افرزوا الاوراق

وسقطت الاخر السنه بالانجليزي

هذ1 موقفي ادري اني مانعطى وجه بس شسوي هذ1 قدركم

ملاحظه ..



((((( لايومكم هذ1 وانا عندي احساس ان ورقتي ضايعه ورقعوها مومكتوب عليها اسم)))
ولحد الحين اقوووووول الامي معن طافت سنتين على السالفه وانا اقولها روحي اسحبي ملفي من المدرسه وشفوي امتحاناتي اكيد انا ناجحه وهم مسقطيني )) وامي قامت تعطيني على قد عقلي



شموخ مطير

أما عني أنا فحدث ولاحرج مافي ولاموقف إلاصارلي الله لايعيد هذيك الأيام على أحد
كنت بثالث متوسط وكانت عندنا معلمة شديدة معلمة مادة الدين وياويل اللي تتأخر بعد الفسحة عن حصتها وذاك اليوم كانت علينا الحصة الخامسة يعني بعد الفسحة بحصة وكان فصلنا أخر فصل في السيب فأول ماصعدت من الساحة ومريت جنب الفصل اللي قبل فصلنا شفت هذي المعلمة وموقفة البنات اللي متأخرين على الباب وجيت أنا وزميتلي وبكل براءة دخلت الفصل ووقفت معاهم وعيوني على الأرض والمعلمة جالسة تهزء فينا والمشكلة إني ماطالعت في الفصل ولا في البنات الموجودات فيه وفجأأأأأأأأأأأأأأأأأأأأأأأة إذا بزميلتي دخلت يدها في الفصل وسحبتني للخلف وأنا مادري عن السالفه وفي الأخير تفأجات وطلع الفصل مش فصلي وناظرت البنات أشكال غريبه مش بنات فصلي وبعدين المعلمة ماااااااااااات علي ضحك وبنات الفصل كلهم مااااااااااااااااتو ضحك علي وصار لي تقريباأسبوع مالي وجه اقابل المعلمة ولا البنات
بالله عليك يمد يكم على الفشيلة

والله مواقفكم رهيييييييييبه
ولي رجعه ان شاء الله

الله يقطع شرك ياأنهر الدموع قطعتي مصراني من الضحك

:26: :26: :26:
أتذكر مره كنت أقرا موقف في مجله ووهو بالفعل صار معي في ابتدائي
كنت مره رايحه الفصل بعد الفسحه وأنا بصعد الدرج قالت لي المساعده مري على الفصول وقولي لهم لاأحد ينزل في رجال
عاد أنا مطيعه رحت وعلى طول على أول فصل-->> لاأحد يطلع في رجال
الا وذيك المعلمه تخز عيونها فيني ليش ماتستأذنين
قلت لها بلا طقيت الباب قالت لي ماسمعتك قلت لها بلا وأخذ ورد عاد أنا كنت مؤدبه ومن نظراتها وصراخها علي دمعت عيوني ------>>> أمحق
وشكلي كسرت خاطرها قامت تسأل البنات طقت الباب قالوا لها أي
قالت طيب من عندها فرجار
قلت وش فرجاره يالحبيبه طبعا في خاطري ------>>أحم أحم
قلتها أنا ماأبي فرجار أقولك من الصبح في رجال
لقطت وجهها وقالت طيب طيب سكري الباب
وأنا وز على فصلي ناقصني بعد نزلو ولا عمرهم مانزلو:55: :55:
بنات ليش معلمات ابتدائي متوحشين ولا بس أنا وربعي اللي لا حظنا هالشي

مواقف رهيبه......................
صارلي موقف لاانساه ابدااااااااااااا
مره وانا في المتوسط كنت داخله الاتوبيس الظهر والبنات يدخلونه وحده وحده
وعادي اي وحده مو جالسه جنبها احد تنام يعني تنسدح على كرسي الباص الطويل طبعاااااااااااا
وكنت دايخه مررررررررره وفيني النوم ...........على طول اول ماجلست انسدحت على الكرسي
يعني كأن الكرسي مافيه احد .............جت وحده من البنات شكلها دايخه مثلي وبسرعه جلست
......................................؟؟؟؟؟؟؟؟؟؟؟؟؟؟؟؟؟؟؟؟بس وين على راسي .................
اول ماحست قامت على طول واناااااا قمت بعد والباص كله يضحك..............