أم العنآء @am_alaanaaa

عضوة جديدة

محتاجه مشورتكم ضروري وراح آخذها بعين الاعتبار ..

مرحبا ..

يعطيكم العافيه على هذا الصرخ الشامخ ..
محتاجه مشورتكم بعد ماتقفلت الوجيه كلها بوجهي ..
مشكلتي لها من تاريخ 7.21 الى اليوم وانا لازلت مع ولدي في بيت اهلي ..
ولدي عمره الان سنه ..
مشكله طويله فيها تطاول من زوجي علي وعلى ابوي بالشارع لما اتصلت عشان يجي ياخذني لانه ضربني على سبب جدا تافهه وهو رضاعه الولد .. جرجرني بالشارع يبي يسحب الولد من يدي
ويقول ابي ولدي وانتي انقلعي مابغاك .. بس ماقدر ياخذ الولد وركبت مع ابوي ورحت لبيت اهلي ..

وبعدها ارسل مسج لابوي انو راح تدفع الثمن غالي على كل لحظه يغيب فيها ولدي عني ..
هذا الكلام قبل رمضان ..
تركني الين شهر 10 وجاء مع والده وحصل تطاول بعد بالمجلس قدام الشيبان ..
وطردوه اهله من مجلسنا وابوي رفض الا بورقتي ماعاد يبي هالرجال نهائيا ..
خلال الفتره السابقه لم يحاول احد ان يتدخل او يحل الموضوع او حتى هو يتصل
او حد يرسل مصروف او يرسل مسج ..
بشهر 11 ارسلي مسج للاسف وانا متاكده مو كلامه ولارديت عليه لاني مصدوم منه جدا ..

انا من تزوجته لي تقريبا سنتين ماعمري شفت معه يوم حلو حتى بليله زواجنا .. اهانات صريخ سب شتم
وصاااابره .. بخيل .. اذنه راخيه للحريم و اخته متدخله بحياتي كثير كاانها مرته الاولى .. امه سبتني وانا اللي كنت 24 ساعه معها زي ظلها بالعزايم والعروس والاسواق وهي تعبانه بعد .. اطبخ وانفخ لهم
حتى وانا بالتاسع ..

الان وش سوى راح ورفع دعوه بالمحكمه باسمي انا ..
ما ادري وش مكتوب بالضبط
لما راح ابوي يشوف قال الدعوه باسمي انا
وانو حصل مشكله بيني وبينها وجا ابوها خذاها
وانو جا كم مره يبي يشوف ولده وطردناه والله الشاهد انه ماجا
الا مره وحده مع اهلها وطردوه من
المجلس لانه تطاول على ابوي وجدي ..

موعد جلستي بشهر 4 ولا ادري وش اقول ووش اسوي :(
محتاره كثيره ولا اعرف كيف ارتب كلامي للشيخ ..
علموني وش اطلب وش حقوقي اللي اجباري يقوم فيها الزوج ؟!

انا ساكنه بملحق فوق اهله وطلعاتي معه محسوبه علي ..
لالي مصروف خاص ..
اهلي كل اسبوعين او ثلاثه يجيني لهم ..

كيف اسامحه واخلي اهلي يقبلون عذره وهذا اهم شي قبل رجعتي له ..
هل لو قلت للشيخ ابيه يعتذر لاهلي اول شي بيقبل بهالشي ..
اهلي مايبونه ابدا .. ويقولون نخاف يسوي فيك شي لو رجعتي له ..
وانا ودي ارجع اعطيه فرصه لما ينفذ شروطي واهمها رضوه وسكن مستقل ..
عشان ولدنا بس ..

انيروني جزاكم الله خير .. او ادعولي ان كان لي خير ربي يلم شملنا ..
حسبي الله لا اله الا هو عليه توكلت وهو رب العرش العظيم ..

يلزم عليك تسجيل الدخول أولًا لكتابة تعليق.

تسجيل دخول

أم ولـــــدي • 11 سنة

لا حول ولا قوة الا بالله
الله يكتب لك اللي فيه الخيييير ان شاءالله البنات يفيدونك

آنسه سحر • 11 سنة

الله يكتب لك الخيره في كل أمورك
رددي (وافوض امري إلى الله ان الله بصير بالعباد)
بدعيلك بإذن الله لعل ان تفتح لها أبواب السماء

بلنسيا • 11 سنة

والله مدري شقولك انتي قلتيها من تزوجتيه ماشفت يوم حلو وخوفي اصراره انه يرجعك خطه عشان ياخذ الولد
وهذا اللي ضربك بسبب رضاعه مايجي من وراه خير رايح فيها فكي وعمرك وتطلقي

أم العنآء • 11 سنة

هذا اللي انا خايفه منه يكون اصراره عشان الولد ..
بس ساعتها الحق الشرعي الولد معي يعني مايقدر يحرمني منه ..
وهو وظيفته عسكري يعني بالساهل يجرونه اهلي من دوامه ..

ثاني شي انا طالعه من بيته بعباتي فققققققققققط وبولدي ماعليه الا لفه :(
يعني اغراضي كلها هناكك ..

ابوه يقول لابوي بنتك خذت كل شي ماعندنا لها شي ..
انا اخاف يجحدوني فيها ..

ف لو ارجع وصار شي لاسمح الله راح اكون ماخذه حذري والم اغراضي من الى ..
والولد ماراح يتحملونه اصلا ..

(وافوض امري إلى الله ان الله بصير بالعباد)

يانسونه • 11 سنة

الله يفرج عليك