ـهـدوء..} :

وعليكم السلام ورحمة الله وبركاته جزاكي الله خير وجزا الله خير الشيخ العريفي فـ والله برّد قلبي وقلب كل سوري محروق إلو يوم هالظالم بشار اللي مشي على خطى ابو الله لا يرحمو إلهى مفكر الناس ساكتين يعني نسيانين اللي عملو ابو قبلو واللهي انا وانا صغيرة ووعيت وكبرت وانا بسمع همس وبسمع وشوشة بين ابوي وامي وكل الكبار عن حافظ الاسد ( يلزمني مضمضة على قول الشيخ العرعور لذكري اسم القذر ) المهم كنت اسمعون واحس بشي مو طبيعي ولما بسألهم كانو يقولولي ليش شو سمعتي واأوعك هه تقولي شي من ياللي سمعتي نحن كلنا بنحب رئيسنا الله يخلي كنت كمان اسمع امي وابوي يحكو مع بعض عن مجزرة حماة كانت احداثها قبل مايتجوزو لما بسألهم مين عمل هالشي يقولولي الاخوان المسلمين مع صغر سني ماكنت استوعب هالشي كان بعيونن حكي غير ومأساة غير بس هيهات هيهات لو بس همسو بغير كلمة الاخوان المسلمين هم اللي عملو هالشي ليصيرو تحت سابع ارض وهن احياء خال امي وابوي انسجن 30 سنة مع احداث حماة ولا حدا بيعرف شي عنو ولا هو وين ميت او حي الا بعد مرور 5 سنين عرفو انو مسجون وممنوع حدا يزورو وبعد كم سنة سمحو بزيارتو وكان المكان اللي يتقابلو في كلو مراقب بالكاميرات واجهزة التنصت مشان يسمعو كلشي انولدنا وتربينا ووعينا على كلمة هوس هوس الحيطان الها اذان لا تحكو شي لانو اللي بيسترجي ويحكي راح ولا حدا بيعرف وينو المخابرت بسورية اكثر من الشعب وين مارحتي قدامك بالسوق بالشوارع بالمستشفيات بالباصات مع الركاب بكل مكان بشار وقبلو ابو إلهم عيون وأذان بكل مكان من المخبرين اي شي بيسمعو بيبلغو عنو وبيجو بيشحطو من بيتو بدون سابق انذار هذا سر السكوت السوري عن الظلم والقهر اللي عايشين في طول 41 سنة بس خلص السوري كسر حاجز الخوف وقام وان شاء الله يارب اليوم قبل بكرة يفرح بالنصر ويعوض سنين الذل والفقر والحرمان والكتمان والقهر اللي كان عايش في اعزريني طولت عليكي بالحكي بس مخربطة ومو عرفانة ايش عم قول حياتنا صارت والله والله مالا طعم طول يومنا عالاخبار والله حتى مابطفي التلفزيون ازا نمت وكل شوي بصحى اشوف في شي والا لا الله يعدي هالازمة على خير يارب ويرجع اخوي بخير وسلامة صرلو كم يوم بيقول الرصاص فوقنا متل زخ المطر ( هو عسكري بحمص ) علماً انو خلص عسكرية بس ماتركو الله لا يباركلهم ادعولنا ادعولنا حبيباتي فـ نحن بأمس الحاجة لدعائكم على فكرة مارديت عليكي امبارحة لانو كانت خلصانة الـ 3 ردود :26:

وعليكم السلام ورحمة الله وبركاته جزاكي الله خير وجزا الله خير الشيخ العريفي فـ والله برّد قلبي...