وش رايكم بالنظام اللي باستخدمه بنفاسي

طبعا من خلا ل تصفحي لهذا القسم استفدت كثير منكم الله يجزا كل وحده كانت صادقه وحبت تفيداخواتها كل خير ويجعله في موازين اعمالها
وبما اني على وشك ولاده الله يسرها لي ولجميع الحوامل ويرزقني واياهم المولود السليم المعافى التام الخلقه ويرزق خواتي اللي ينتظرون الحمل انه على ذلك قدير

حبيت اعرض لكم نظامي اللي ناويه استخدمه باذن الله في نفاسي واللي هو نتاج تجارب بعض الاخوات في المنتدي وابي اراكم وانتقاداتكم عشان نستفيد جمعيا

في البدايه على الريق الفجر اخذ ملعقه صغيره من مطحون الحلبه +فلفل ابيض+زنجبيل+الماش مع كوب حليب

واكل شوي تمر معبوط مع السمن واضيف له سبع حبات حبه سودا

الفطور يكون بر وسمن وعسل وابعد عن الاشياء الممنوعه

الغداء اضيف للمرق فلفل اسود

اشرب شاي اعشاب العصر مكون من بدون طحن (قرفه -كمون - يانسو ن - شمر - بابونج -شوي نانخه)

العشاء اي شي وابعد عن الاشياء الممنوعه

قبل النوم اكرر خلطة الفجر مع حليب لكن بدون حلبه (وش رايكم اكررها ولا يكفي الفجر)


الحلبه اوقفها بعدعشر ايام

واستمر على الخلطه الى نهاية الاربعين (وشرايكم اوقفها العشرين الاخيره ولا استمر )

في العشرين الاخيره استخدم الرشاد

العشر ايام الاخيره استخدم( منقوع المحلب+ كمون + المره + الحبه السودا ) مرتين في اليوم الفجر والمغرب وحده مدحته لي (وش رايكم اخذه ولا لا )

ودي استخدم قشر الرمان المطحون بس ماني عارفه كيف ومتى طبعا لهوم موغسول (وش رايكم استخدمه ولا لا)

وبعد وشرايكم استخدم الرزنه ولا ماله داعي ومتى استخدمها

الكبو ممنوع ماراح استخدمه

ماراح استخدم للخياط الا اللي توصفه لي الطبيبه

وسلامتكم وش رايكم بالنظام اي شي خطا وضحوه عشان نستفيد نبي من اصحاب الخبره والتجارب يفيدونا

انتظر ارائكم