بنات ينبع (بسرعه) تكفون ضروري اليوم

يا اهلين وسهلين

اول شي بقولكم سالفتي انا واهلي بكره بنجي عندكم يعني بنروح ينبع ولاول مره بحياتي راح اشوف ينبع

والسبب انه قررنا انا والعايله الكريمه انه هذا العيد يكون سبشل

دايما العيد مع الحموله فما نشوف ابوي الا نص ساعه صباح العيد وباقي الوقت الحريم مع الحريم والرجال مع الرجال وبالعاده كشتات وخيمه رجال وخيمه حريم
وعماني مع عيالهم مع احفادهم (ما شالله تبارك الله) امه وكثييييير

واما يكون العيد بالرياض عند خوالي او بجده مع عماني

فهذه المره قلنا نبي نعيد انا واسرتي الصغيره ولو لمره بالعمر بلحالنا وبهدؤ عائلي واتوقع ونااااسه مع امي وابوي واخواني الخمسه :27:

ولظروف الاختبارات والمشاغل قال ابوي بمشيكم على ساحل ينبع عشان قريب واحنا محنا مطولين وبناخذ شاليه وبنستانس عالبحر

الحين ياحلوات ابي اعرف كيف مستوى الشاليهات عندكم وهل >> ركزوا على (وهل؟) ههههه
وهل عندكم شي خاص بالظباط او شاليهات مثل هولدي ان هذا شي الشي الثاني اذا بنطلع رحله بوسط البحر كم يكلف لانه بجده كانت الرحله البحريه من 8 الصبح لين العصر بثلاث الاف وبصراحه سرقه وغاليين مره بس قلنا مي مشكله لانا كنا بنعزم عماني واهلهم طلع بس عشره اشخاص يعني ثلاث الاف وبس عشره اللي يركبون انا احسب عادي السعر بس كلهم قالوا حرام بمصر نص السعر او اقل

واذا مافيه كيف الشقق المفروشه :( لانه دايم اهم شي الراحه النفسيه بالسكن

ادري طولت عليكم ربي مايحرمني منكم بس جاوبوني لانه بكره السفر

:27: