رقم (1) + رقم (5) + رقم (7)

حجزته الأخت الحلوة الأماراتية

السلام عليكم

هلا الغالية :)

ما يحتاي نقول شي عن شغلج لأنه رووووعة

وانا سبق وقلت لج أني يمكن أقولج تسويلي شبكات لجهازي
الحين تحدد موعد زواجي بس بعدني ما اشتريت القطع عشان أحدد الألوان اللي أبيها
عشان جيه أبا أسألج كم المدة اللي تبينها تقريباً عشان يمديج تجهزيلي إذا طلبت؟

ما ادري كم بطلب!
لما أبدا بجهازي تمام وآخذ الملابس واشوف الألوان وأفصل بحدد كم أبا
بس أباج تقوليلي متى أرد أطلب منج مرة ثانية؟
قبل عرسي بكم تقريباً؟؟

والسموووحة يالغلا
الله يوفقج يا رب :)

وعليكم السلام ورحمة الله وبركاته

ألف ألف ألف مبروك .. والله يوفقج ويكتب لج الخير يا رب

شفتي؟؟ عرسج تحدد قبليه ماشاء الله

شوفي حبوبة

دامها طلبية عرس

فهي تعتمد على الكمية المطلوبة

أنا مثلا لين الحين سويت لعمريه أكثر عن 30 شبكة ماشاء الله

وبعدنيه مستمرة

يعني سويت شبكات بألوان جلابياتي ومغربياتي

وسويت شبكات بكل الألوان حتى لو ما عندي لبس بهالألوان

عشان إذا شريت في المستقبل تكون الشبكة جاهزة

خصوصاً أنهن هالشبكات موضتهن ما تطيح والحمدلله

وإذا الطلبية كبيرة

ترومين على الأقل تخبرينيه ببعض الألوان الموجودة عندج

وإذا اممرة ما تعرفين

خلاص حبوبة متى ما شريتي القطع خبرينيه بالألوان اللي بغيتيها

لكن عطينيه وقت على الأقل شهر عشان ألحق أتشرى لج الورود والخامات المطلوبة

ولا تنسين القطع الغريبة اللي فيها ألوان دمج بعد سويلهن شبكات

أنا جيه سويت عشان أطقم كل شبكة على الجلابية سواء مخورة ولا مغربية

ولا تنسين الألوان اللي بتكررينها وايد شرات

الأسود والأبيض والوردي والسماوي والأخضر والبني والعنابي وغيرهن


وإن شاء الله عقب ما أخلص طلبيتج بشلهن يتغلفن في مندوس

عشان العرض يوم الزهبة


وألف ألف ألف مبروك غناتي

الله يبارك فيج يالغلا :)

عقبالللج يا رب ما يحددون عرسج قرييب إن شاء الله

أبا أسألج يالغلا بعدج في العين ولا لا؟
وأباج بعد تذكريني بالأسعار للشبكات والاكسسوارات إذا ما عليج كلافة عشان أحسب حسابهن في التجهيزات وباقي التفاصيل
أبي أحط ميزانية لكل شي بالترتيب
وأمشي بالقائمة اللي بحطها
ادعييلي بس الله يسهل أموري ما باقيلي وايد في الصيف وما بديت بشي أبددد! :(

وأفضل لما أبدا أشتري الجلابيات والقطع أقولج :)
يعني يمكن مثلاً لما أشتري أقولج ألوان تسويلي اياها وبعدها بمدة لما اشتري الجاهز أقولج بالألوان الزيادة عشان نكسب الوقت

وألف مبرووووووك مقدماً :)
الله يوفقج

والسمووووحة

أختيه Romanove...
الله فديتج ياقلبي وياغلاي..وش هالزين كله....
الصرااااحة ينن شغلج الله يوفقج فديت قلبج حبيبتي ...الله يحفظج..
أنا وااايد عايبتني اكسسوارات الشعر اللي تسوينها...
لكن السموحة منج أختيه ...أنا ماعرفت شو هالشبكات؟؟!
أول مرة أسمع عنها..ولا بعمري استخدمتها....هي كيف تسخدم؟؟..
يعني الشعر يكون كله في هالشبكة كأني لافة طاقية على راسي؟؟!!!..
ومتى تنلبس ؟يعني حق الكشخة ولا بأوقات معينة؟؟

أختيه Romanove...:)..السموووحة منج فديتج ...لأني حبيت أتكلم وياج بالإمارتي مع إني هب إماراتية ...أنا سعودية لكني أموووووت على الإماراتية ...من كثر ما أقرا قصصكم حبيتكم وتخيلت حياتكم وعاداتكم.....وبإذن الله لازم أزوركم وأشوفكم عن قرب:)..
بس ها عاد إن شاءالله أتقنت اللهجة تماااااااااااام.....

تحياتي