رسيل
رسيل
نصيحتي.. سجليها.. وتوكلي على الله..

راح ترتاحين لما تدخل المدرسة بعدين يصير أسأسها قوي بسبب التمهيدي..
وبعدين تتعلم النظام والأدب وأصول المعاملة..
أنا بنتي مرررررررة تغيرت يوم دخلت الروضة (كان عمرها 4 ودخلتها روضة 2) صراحة حسيت أنها كبرت وصارت تفهم وتعاملها تغير.. وصارت اجتماعية أكثر من أول..

والحين أنا بدخل بنتي الصغيرة مع أن عمرها سنتين ونص بس لكن أحسن خليها تسانس وتتعلم النظام.. وبعدين أحسن لها من نوم الضحى.. وهي اسم الله عليها تحب الروضة ودايماً تروح عند أختها أول وتدخل الفصل علشان كذا قلت أسجلها..

وبعدين صدقيني إذا الروضة تمام هم راح ينبسطون.. خاصة لما يكون فيها ألعاب وساحة والمدرسة طيبة وتتفهم نفسياتهم..

والله راح تدعي لي.. وتشوفين كيف تتغير بإذن الله وتحفظ قرآن وأدعية وأذكار..

لكن أكيد راح تتعبين معها في أول أسبوعين حطي في اعتبارك هالشيء.. ولا تيأسين بسرعة وتقولين خلاص بأطلعها!!
أنا بنتي جلست شهر كامل وهي تصيح وأنا أروح معها كل يوم.. لكن بعدين الحمد لله تغيرت تماماً وصارت تروح بثقة..

وعلى فكرة كثير ناس من قرايبنا لاحظوا التغير في تصرفات بنتي وشخصيتها بعد دخولها الروضة..

ونصيحتي تدخلينها روضة 2 والسنة الجاية تمهيدي إن شاء الله.. لأن أول سنة تحتاج تتأقلم مع المكان وتتعلم أصول التعامل وتنسجم مع أصدقائها وهكذا.. وبعدين في هذا العمر بعدها ما تصبر على القلم والورقة.. والله أعلم..
sarah-9
sarah-9
مرفأ
تسلمين على مرورك الرائع وابداء رايك :26:
ام الثلاثة
مشكورة على الرد :26:
رسيل
مشكورة وتسلمين وراح امشي على نصيحتك وبنتي تشجعني دايما على تسجيلها لانها ذكية :26:
حمودي وعبودي
تسلمين على المرور :26:
رسيل
رسيل
حمودي وعبودي..

بنتي أنا كنت دخلتها روضة حكومية..
صراحة المبنى حلو.. وعدد الأطفال قليل في الفصل (حوالي عشرة إلى 12).. وثلاث معلمات للفصل الواحد يعني مراقبة شاملة..
وبعدين الساحة واسعة تشرح الصدر والألعاب كثيرة..
وفيه تشجيع للأطفال والنظام حلو.. حتى فيه طاولات خاصة لطعام الأطفال خارج الفصل وبنفس أحجامهم.. وفيه ألعاب داخل المبنى (مراجيح وغيرها) يستخدمونها في الشتاء..

وصراحة هي استفادت كثير من ناحية التأقلم مع الآخرين وحفظ الأذكار والأدعية ومن ناحية الثقة بالنفس..

لكن.. مشكلتهم أن تدريسهم مو قوي..
يعني ما فيه مناهج مكثفة.. لا كتب ولا دفاتر..
علشان كذا أنا بطلعها وبأسجلها في مدرسة أهلية هالسنة إن شاء الله..

بس المشكلة اللي تواجهني.. أني أبي مدرسة تقبل أختها الصغيرة معها.. وماني لاقية..
أبي مدرسة لها توجه ديني... وفي نفس الوقت المبنى جيد والسمعة طيبة والتدريس قوي..
أنا لقيت مدرسة رااااااائعة لكنهم ما يقبلون أختها لأنها صغيرة..
وفيه مدارس جيدة وتقبل أختها.. لكن ما ارتحت للزحمة اللي عندهم في الفصل ولا للساحة الصغيرة لديهم..

وحتى الآن أنا محتارة.. وعلى إيدك يا أم حمودي وعبودي.. إذا عندك خبر عن مدرسة بهالمواصفات قولي لي..

لكن يمكن لو يأست.. راح أضطر أسجل الكبيرة بالمدرسة اللي عجبتني وأترك أختها للسنة الجاية بإذن الله.. (مسيكينة عاد فرحانة بالمدرسة يا عمري وشارية شنطة وبراد موية وأقلام تكسر الخاطر)..

الله يعينا أجمعين..
ميس 1122
ميس 1122
اذا بتسجلينها الترم الاول افضل:26:
وا قعيــــه
وا قعيــــه
سجلوووووووووووووووووهم وبدون تردد

انا سجلت بنتي من الحين تمهيدي عشان تتأسس مزبوط وترتاح من ضغط المدرسه السنه الجايه

وتريحني وبعدين زي مانتم عارفين الروضه والتمهيدي دروس خفيفه +ترفيه يعني مافي ضغط عليهم