والله ماني عارفه منين ابدا وكيف انتهي وعمري ماتوقعت اني بأوصل اموري الخاصه للمنتديات لكن حكم الله اقوى يمكن اطول عليكم بس تكفون تحملوني ما اقدر اشكي لاي حد اعرفه صعبه من ناحية زوجي وشكلي قدام الناس برضه ماله داعي المهم ادخل لكم في الموضوع على طول
القصة ابتدت قبل اربع سنين تقريبا الموضوع ومافيه ان زوجي مرض مرض خطير والحمد لله ربي اتم عليه الصحه والعافيه وتعالج وجبت له شيخ في المستشفى وفي البيت وقرا عليه وقال ان عنده حسد وعين واستمريت معه فتره طويله وانا ارقيه واعطيه المويه والزيت والعسل يعني كـأنه ولدي الصغير اللي اخاف عليه من الهوى الطاير وحلفت اني ما ازعله ولاعاد انكد عليه مع العلم والله يابنات اني مريحته من كل النواحي وشايله عنه المسؤوليه كلها وهذا الغلط اللي سويته وندمت عليه خف الحمد لله وصحته صارت زينه وابتدت معاناتي من هنا زانت الصحه وكثرت الفلوس مابقي الا السفر والعلوم الزينه ابتدينا برحله اورحلتين في السنه وانتهينا بأربع وخمس والعدد قابل للزياده مايمديني ارتب الملابس في الدولاب الا وانا ارجعها للشنطه صرت اشك فيه وقته كله عالايباد والجوال وجوال ثاني في السياره ما اعرف له رقم واهتمام مفرط في نفسه وفي لبسه وريحته في البدايه قلت عادي بس بعدين ماعاد قدرت اتحمل مليت زهقت كرهت نفسي وكرهته تمنيت انه يموت وارتاح بس برضه مايهون عليه الشهاده لله انه مومقصر معي في شي ابدا ويدور رضايه وماهو مخلي نفسي في شي في حدود امكانياته الا ويجيبه لي الحين هو مسافر اندونيسيا وبيجلس هناك اسبوعين ويمكن اكثر وسافر وانا زعلانه وهو عارف كذا بس ما اهتم والله ولافكر فيه انا خايفه والله يابنات كلكم تعرفون الاندونيسيات ومصايبهم
لاتفكروني صغيره او توي متزوجه انا لي اكثر من ثلاثين سنه متزوجه يعني عمر
المهم نفسيتي تعبانه واخلاقي زفت تكفون يابنات قولوا لي اش اسوي علموني تفكيري متوقف ولو فكرت الحين ما راح افكر صح انصحوني ارشدوني دلوني على طريق يبعده عن السفر
معليش يابنات طولت عليكم بس والله يابنات ضايقة عليه الارض واحس اني بأنجلط من تحت راس زوجي
الحلم القديم @alhlm_alkdym
محررة برونزية
يلزم عليك تسجيل الدخول أولًا لكتابة تعليق.
جيزانيه والنعم
•
الزمي الدعاء بان الله يصرف قلبه عن السفر وان يعصمه ويحفظه من الفتن ومادام يسافر كل مره مكان مختلف عادي يغير جو لكن المشكله لوسفرياته كلها نفس المكان ولاتنسين الدعاء ولاتستعجلين الاجابه والله يسخره لك ويصرفه السفر
سنفوره اماراتيه :استودعيه الذي لا تضيع ودائعه وربنا بيحفظهه لج من كل شراستودعيه الذي لا تضيع ودائعه وربنا بيحفظهه لج من كل شر
الله يعينك ياأختي ويصبرك يارب هذي مشكلة تعاني منها أكثر الزوجات
مالك غير الدعاء ووالإستغفار والقرآن وخصوصا سورة البقرة تقرئينها في موية وترشين فيها كل البيت
هذي طريقة وحدة قالتلها من فترة طويلة في أحد المنتديات وكانت بالنسبة لي ناجحة ماشاءالله في موضوع مع زوجي مختلف
وإن شاءالله ربي يهديه لكي
كل يوم في الصباح والمساء إستودعيه الله الذي لاتضيع ودائعه بأنيحفض بصره وقلبه
مالك غير الدعاء ووالإستغفار والقرآن وخصوصا سورة البقرة تقرئينها في موية وترشين فيها كل البيت
هذي طريقة وحدة قالتلها من فترة طويلة في أحد المنتديات وكانت بالنسبة لي ناجحة ماشاءالله في موضوع مع زوجي مختلف
وإن شاءالله ربي يهديه لكي
كل يوم في الصباح والمساء إستودعيه الله الذي لاتضيع ودائعه بأنيحفض بصره وقلبه
سارة الأمورة :الله يعينك ياأختي ويصبرك يارب هذي مشكلة تعاني منها أكثر الزوجات مالك غير الدعاء ووالإستغفار والقرآن وخصوصا سورة البقرة تقرئينها في موية وترشين فيها كل البيت هذي طريقة وحدة قالتلها من فترة طويلة في أحد المنتديات وكانت بالنسبة لي ناجحة ماشاءالله في موضوع مع زوجي مختلف وإن شاءالله ربي يهديه لكي كل يوم في الصباح والمساء إستودعيه الله الذي لاتضيع ودائعه بأنيحفض بصره وقلبهالله يعينك ياأختي ويصبرك يارب هذي مشكلة تعاني منها أكثر الزوجات مالك غير الدعاء ووالإستغفار...
نسيت اقولكم يا بنات ان سفرياته لنفس الدوله
الله يهديه و يسخره لك ، طيب كلميه اجلسي معاه ،، عندك اولاد بنات ، خليه يكلموه يا بابا احنا محتاجينك في البيت ،، و الله ما ادري بس اكيد لك ما شاء الله تلاتين سنة معاه اكيد تعرفي نقطة ضعفه و الطريقة اللي يخليه يجلس في البيت ،، و الله يسخره لك ،، من جد شي يقهر ،، بينكم عشرة عمر ، المفروض يحترمها ،،
الصفحة الأخيرة