انسرقت من اخت زوجي

مرحبا يا بنات..

ودي افضفض لكم واخذ ارائكم في سالفتي ..
بقول لكم القصة باختصار.. انا عايشة في بيت ابو زوجي في ملحق والبيت يسكن فيه امه واخواته ثلاث من غير زواج واكبر مني.. قبل سنتين بديت اكتشف ان ذهبي تنقص منه
قطع بالتدريج..بالبداية فكرت اني ممكن اكون ضيعتها سبحان الله.. لكن الامر زاد وصار حتى الاشياء الكبيرة زي الاساور تختفي مع العلم ان من ضمنها قطع من شبكتي وهدايا في مناسبات عزيزة من اهلي..وكثير تاثرت نفسيا ذيك الفترة..وخبرت زوجي بالبداية ما دش مخه ان في احد اخذها بحكم ان احنا ساكنين في بيت اهله وصعب اي احد يدخل..بعدين يوم شاف ان الامر زاد..قرر انه يسوي كمين في فترة كان هو مسافر بحيث ان اللي يدخل الشقة ما يقدر يفتح الباب بعد ما يصكه..وبعد ما رجع شاف ان نافذة المطبخ مفتوحة وفي محاولات لفتح الباب بالسكين..
المهم بعد فترة ولاسباب ثانية اكتشفنا ان اخته هي اللي سرقت الذهب..وكشفها اخوها الثاني مو زوجي لانها سرقت من فلوس اختها مبلغ ايضا.. وانضربت وقالت انها خلاص تابت وندمانة..
انا في هذيك الفترة سكت بطلب زوجي عشان امه مريضة وما ببتحمل تعرف هالشي عن بنتها وكلنا خبينا.. بس طلبت من زوجي انه يكلم اخته ترجع لي مبلغ ذهبي بالكامل لانها تصرفت فيه وباعته.. بلا زيادة ولا نقصان ..لان هذا حقي وكفاية اني متنازلة عن حقي المعنوي..
ومرت للان سنة تقريبا وماشفته جاب سيرة للموضوع فرجعت فتحتها له على الرغم من خجلي منه لانه مو مقصر معاي ويحبني.. فرد علي انه بيعوضني في المستقبل وانسى الموضوع كله..فعصبت لاني للان مقهورة من تصرف اخته ودخولها غرفة نومي وتفتيشهل في خصوصياتي وسرقة اشياء مو من حقها..فخبرني انه بيكلم اخوه الكبير وبيشوف كلامه..
كلمه وقال له انا ما بعرف قد ايش المبلغ اللي تبيع زوجتك بس انت روح وشوف في محلات الذهب كم تساوي الاشيباء المسروقة تقريبا واحنا راح نتكلم معاها ترحع المبلغ لزوجتك بحكم انها موظفة وعندها راتب..
وهذا الكلام صار له اسبوع وانا رحت مع زوجي وشفت المبلغ التقريبي ..

اللي ابيه منكم يا بنات هل تصرفي صح..وكيف اتعامل مع اخت زوجي وانا مضطرة اني اتعامل معاها والتظاهر انه ولا شي صار ..