و الله محتارة تعالوا ريحوني

السلام عليكم يا بنات
مثل ما قريتوا في العنوان انا محتارة مرة بين امرين ولي فترة بس افكر في الموضوع .......... طبعا انا قاعدة استخير بس طبعا يقولون افضل يكون مع الاستخارة استشارة وانا مالي غيركم وخاصة اللي عندها خبرة او مرة بحيرتي
الموضوع عن التخدير النصفي والكامل في العملية القيصرية بس مختلف شوي يعني لو كان الخيارين في نفس المستشفى كان على طوول اختار النصفي لاني مقتنعة في بس المشكلة اني لازم اختار بين امرين وهم

-- بنج كامل في مستشفى خاص وعنايتهم حلوة خاصة بعد العملية وانا ولدت عندهم ببنج كامل صراحة عنايتهم حلوة والغرف خاصة لك ويعطونك مسكنات بعد العملية بس تعبت من البنج الكامل وخايفة منه مرة خايفة ما افوق بعد البنج وهذا الاحساس اكيد حسوه كثير منكم (طبعا ما عندهم نصفي)

--او بنج نصفي بس بمستشفى حكومي عادي جدا مافي عناية ولا اهتمام يحطون اكثر من مريضة في غرفة وحدة بينهم ستارة اكيد الممرضات ما راح يخدمونك زي الخاص وانت عارفين القيصري لاز م احد يساعدك في المشي والحركة وفي البيبي واخاف بعد ماياخذونة عندهم واتعب معاة واخاف اتعب بعد العملية ما يعطوني مسكنات ولا يهتمون فيني ولا في احد يسوي النصفي الا هم (مستشفى الملك خالد بتبوك)

والدكاترة نفس الشي تقريبا من حيث الشطارة والخبرة

والله يبنات احس راسي بينفجر من كثر التفكير ماني عرف ايش اختار انا ودي بالنصفي بس كل ما اتذكر شكل المستشفى اللي على قولة زوجي (مزبلة )اتراجع وارجع افكر بالكامل واقول افضل الخاص دلع وعنايتهم حلوة بس اخاف يصير لي شي من التخدير الكامل



لا حول ولا قوة الا بالله احس اني دوختكم معاي بس والله مالي غيركم يفهمني
اللي عندها راي تسعفني فيه واللي ماعندها تدعيللي اقوم بالسلامة لانهم مقرريلي العملية يوم الاحد في كل المستشفيين