ماتلاحظون ان الزوجه لازم تقوم بحقوق اهل الزوج ...والزوج مايقوم بحقوق اهل زوجته ..ليه.

السلام عليكم يابنات جميعا

حيا الله هالوجيه السنعه
وشلونكم عساكم بخير

طبعا كما عودتكم دائما وابد احب اسدح مواضيع تثير المذابح هنا وتظهر المشاعيب
:hahaha:

استهدوا بالله وتعوذوا من ابليس قبل ههههههههههههههههه
الحين ياحرماوات
ماتلاحظون




تصدقون والله مساكين بعض الحريم( بعضهم ) مهب كلهم ويمكن ثلاثه ارباعهم

تقوم وتقطع نفسها لاهل زوجها؟؟ طبعا قبل ماتثورون افهموا وش اقصد

اقصدلخبل

الوصل في اهل الزوج او الزوجه زي بعضه
يعين لاجا شي لا من القران ولا السنه يوصينا مثلا على اهل الزوج ولا اهل الزوجه؟؟؟

الحين اذا مرضت ام الزوج لازم نرفع السماعه عليها ونهف عنها ؟؟؟ظ
اذا مرضت امك ؟؟؟ زوجك مايسأل عنها ولا يكلف نفسه لو تلفون(انا اقصد الاغلب)

اذا جا عند اهل زوجك مناسبه ادهرتي لهم واغلبهم(كأنك ماسويتي شي لا حمد ولاشكور)
واذا عند اهلك مناسبه عساه بس يوديك لهم ؟؟؟؟؟؟ ويمكن تدخلين يديك فاضيه ماشاركتي بشي؟؟؟

ااذ مرضت امه مثلا وانتي عند الحموله ساكنه لاتعدينها وناظريها ورتبي علاجها(وهو يهايط بهالشوارع)
وهو ولدها

واذا مرضت امك يوديك وقفه ؟؟؟ ولا يخليك يوم ويقولك تعالي انا جالس لحالي انتي مهملتني؟؟؟؟



اذاا ولدت اخته بنت اخته ببنت اخته ورحتي تزورينها بالمستشفى او في البيت دخلتي عليها بأحسن ماعندك من سلال حلاو والازي منه

واذا ولدت اختك رحتي تطوحين يديك ولا خذيتي شي مايواجه؟؟؟؟ طبعا اقصد هو السبب ينظر انه لازم تناظرين اهل
طيب واهلي؟؟؟؟؟

اذا جا اهله من سفر يجطلك ذيك الذبيحه
واذا جو اهلك يمكن يمكن يذبح بنات المذن ههههههههههههههههههههههههههههههههههههههههههههههههه

ان جا عندهم عزا لبنت وولد وولد عمه لازم تروحين
وانا جا عندكم عزا بعيد الشر عن الجميع قالك دوري احد من اخوانك يوديك او اي سواق استاجريه ؟؟ طيب انت ليش ماتروح تعزي؟؟؟؟
جد بنات ماتلاحظون هالشي في اغلب حريمنا والمسكينه كنها دجاجه ماتحرك ساكن



انا بقولكم وش سويت مع زوجي



انا لما كنت اسافر معه بحكم ظروف العمل

كان يقولي كلمي امي انا الحمدلله فاهمه بدون محد يقولي لكن كان يبيني اكلمها تقريبا كل يومين؟؟؟
وكنت اكلم <<<<<<< الاخت (كانت دلخه مع مرتبه الشرف قبل الاولى) وصارت عاده عندهم واذا مر كم يوم زياده هاتك ياتلميح واحيان خبط بالوجه؟؟ اني قاطعه؟؟؟ طيب انا ساكنه معكم بالبيت هههههههههههههههههههههههههههههههههههههههههههههه دابليت تسبود بعض؟؟:35:

المهم واذا جا عيد واذا جا مناسبه يالله قامت الاخت بشي مدري هو واجب ولا مهب واجب بس خلاص حسيت انه واجب واذا تركته اثم هههههههههه:hahah

المهم مليت متى مليت يوم شانت اخلاقهم علي وانقلبوا وصاروا يحاسبوني على كل شي ويتدخلون فيني ويهزوني على الرايحه والجايه الله لايسلطهم ويدعون علي وقدامي خلاص عقبها عرفت ان الطيب في هالزمن ياكلونه ويفصفصونه بعد

المهم الاخت شمرت عن سواعدها ونواضجها طبعا هالشي بعد 7 سنين معاناه :06:

قلت له تحسب حساب لهلي مثل ماحسب لهم حساب
تكلمهم وتنشد عن حالهم وتحضر مناسباتهم ؟؟؟ ترى مناب مجبره على اهلك اذا انتي ماتسال عن اهلي
وشوي شوي الا والله الاخ صار يسال ويكلم ؟؟ لانه شافني ماقصرت معهم وللاسف قابلوني :16:

واهلي من يدخل مع الباب ياهلا ويامرحبا يالله حي من جانا كنه معرس؟؟

وانا اذا نزلت من عندهم ماردو السلام يادافع البلا :06:


ها يابنات وش قلتوا ؟؟؟؟؟؟ ولا مابعد قلتوا شي؟؟؟
عطونا اللي عندكم من تحف

ورجا اللي ماعانت ولاجربت مر الحموله وغيره لاتدخل وتعطينا رايها انا اقصد اللي جربتهم وعاشت معهم وصار لها مثل اللي يصير كثير من النسوان هههههههههههههههههههههههههههههههههههههههههه