السلام عليكم ورحمة الله وبركاته
شخباركم يا بنات حواء الغاليات على قلبي اني عضوة جديده معاكم وكنت من زمان ابي اسجل بمنتداكم بس مافعلو عضويتي بسرعه
المهم عندي بعض الاسئله واتمنى منكم التفاعل لاني لطالما استفدت منكم في اشياء كثيره فلكم مني جزيل الشكر والامتنان
:27:
طبعا بنتي بنهاية الرابع الحين وبعد 5 ايام ان شاء الله بتدخل الخامس وهذي اول مولودة عندي ولا عندي خلفيه عن اي شي فقلت اكيد بنات حواء هم الا بساعدوني
اول حاجه انا طبعا ارضع بنتي طبيعي وصناعي والطبيعي بالغصب تشربه اتم تصرخ وتعاند وحتى ترفس برجولها من بس احطه عند صدري وهالمووضوع متعبني وايد بس مازلت غير مستسلمه وهم اعطيها ولو بالغصب حتى لو مرات قليله اهم شي تشرب من صدري حتى لو جوعانها حدها ساعات ماتستلم وتشرب الا بمزاجها وساعات اتم حتى ساعه كامله ارضع فيها او حتى ساعتين وبعد احس صدري مايشبعها فاضطر اسوي لها بعد ماتشرب من صدري اشوي صناعي فهل عادي لو يضرها
والحليب الا استخدمه لها ابتاميل كمفورت بس احس ان مامتنها وبالعكس قاعده تضعف يوم عن الثاني
سؤالي الاول هل حليب ابتاميل استخدمه بس اذا كان بنتي عندها امساك لو عادي على طول استخدمه
لان صار لي فترة استخدمه يمكن شهرين اذا مو ثلاثه
سؤالي الثاني اقدر اعطي بنتي اكل وشنو بالضبط والي تكتب لي اكله معينه ياريت تكتب لي الطريقه بالتفصيل يعني كميه الحليب الا احطها والماي والاكل :32::32:
ابي احسن نوعية حفاظ انا استخدم بامبي بس اتسويلها تسلخات واذا تروح ترد ترجع لها التسلخات
بالنسبة للتجشأ اذا خلصت بنتي رضاعه اجشيها ساعات بسرعه تتجشا ساعات لا لو احاول وياها بكل الطرق وساعات اذا نامت بغيت اشيلها عشان اجشيها بسرعه تقعد وتفنجل عيونها لي حتى لو شبعانه :06:
ودون بكائها على طول تبكي حتى اذا ببدل حفاظتها ولازم تبيني احملها عشان تسكت شسوي والله تعبت نفسيا :06:
ساعدوني يا بنات حواء ادري انكم حنونين وراحو تتجاوبون معايا
ليتني @lytny
عضوة نشيطة
يلزم عليك تسجيل الدخول أولًا لكتابة تعليق.
ليتني
•
معقوله 20 مشاهده ولا احصل رد منكم على الاقل رحبو فيني انا عضوة جديدة معاكم
بجد زعلتوني يا بنات حواء
بجد زعلتوني يا بنات حواء
اولا اهلا وسهلا فيج بين اخواتج وفي بيتج ومنتداج عالم حواء
ثانيا الله يخلي لج البنوته والله يبارك فيها
ثالثا فيه تجمع خاص لهذي الفئه العمريه من 0-6 ممكن تنظمين لهم وتطرحين اسئلتج عليهم وبتحصلين تفاعل اكثر
موفقه
ثانيا الله يخلي لج البنوته والله يبارك فيها
ثالثا فيه تجمع خاص لهذي الفئه العمريه من 0-6 ممكن تنظمين لهم وتطرحين اسئلتج عليهم وبتحصلين تفاعل اكثر
موفقه
الصفحة الأخيرة
ولاتسوي تسلخات الا اذا الام ماتغيير لطفلها بعد مايوشخ لانه شي طبيعي بتجيب تسلخات