@لينا@
@لينا@
أهم حاجة للقمل التمشيط اليومي في الأسبوع الأول

مشطي الشعر خصلة خصلة بمشط ضيق

وضعي على أكتاف الممشط له مفرش كبير لونه ابيض أو بيج حتى يسقط عليه القمل وترفعينه بمنديل في وسط كيس حتى لا يرجع للشعر مره أخرى

ثم مشطي الشعر في الاسبوع الثاني يوم ورا يوم

والاسبوع الثالث كل ثلاث أيام حتى تمشطي ثلاث مرات بدون ما ترين ولا حبة قمل واحد

طبعا مع غسل الشعر بشامبو القمل والبخاخ تجدينه في الصيدليه

-منقول-

القمل حاجه مزعجه والمدارس صارت مكان كوارث في نشره

وحسبي الله على كل أم تتركه في أطفالها بدون علاج وتؤذي خلق الله بنشره في اطفالهم !!!!



وانتبهو من الفليت خطر
حساسه وذوق
حساسه وذوق
شوفي حبيبتي بنتي صابها القمل وسته شهور وانا اجرب كل شي بس لقيت بالصيدليه بخاخ والله يشهد مره وحده بس وتخلصت منه اسمه نايدا تلقينه بالصيدليه هو اساسا حق اطفال بس مره حلو تحطينه ثمان ساعات وبعد نص ساعه من حطيتيه تمشطين شعرك معه مشط خاص وتشوفين كيف يطلع منه بس اهم شي يجلس ثمان ساعات وتكررينه بعد اسبوع علشان البيض حقه وبالتوفيق
::حـــواء::
::حـــواء::
حبيبتي لاتحطين فليت ابد انتبهي لانه خطر والا كيف الحشرات تموت منه!
والقمل مايوصل للعقل هو بس يعيش فالشعر شعر راس او رموش او حواجب او ابط.... الخ
اولاً غيروا مفارش السرير وغسلوها برا او بمويه حاره وممكن تشطفونها بشوي ديتول ثم عرضوها للشمس
ثانياً حطي زيت زيتون او زيت فازلين ومشطي شعرك بمشط فتحاته ضيقه هذا للقمل
وللبيوض اللي ماتروح بالطريقة هذي واللي بتفقس بعدين وتصير قمل حطي كاس جبن صغير مويه دافيه تميل للحرارة مع غطا خل ابيض قيسيه بنفس غطا الخل ومشطي شعرك فيه وارجعي نظفي المشط بالمويه نفسها عشان تاخذين منها خل ومويه واذا توصخت غيريها بنفس الطريقة وشوفي البلاوي اللي بتطلع الطريقة هذي اخذتها من وحدة فالنت الله يجزاها خير وفعلا فادت عيالي الافضل في البداية كل يوم واذا راح يكون مرتين او 3 فالاسبوع لان احتمال يرجع بسبب المدارس
الاولاد يحلقون صفر واذا عندك احد صغير بنات جدلوا شعرهم فالمدرسة ماراح ينتقل بسهوله ان شاءالله
الطفل ابو سنة ونص تصلح له خلطة الخل بس يخفف اكثر بمويه
شعرك مره فالاسبوع ليسيه لان الحرارة تقتل القمل والبيوض
اهم شي في كل اللي قلت لك المشط لازم اسنانه تكون ضيقه وقريبه من بعض وعندك البلاستيك موجود في مل مكان حتى ابو ريالين
وعندك المشط المعدني زي اللي في توقيعي وهو الافضل وابحثي عنه فالنت وعن التجارب معه واسمه المشط المعدني او المشط الحلزوني.

موفقه
والله يفككم منه يارب وكل مبتلى
::حـــواء::
::حـــواء::
ماانصح بالبخاخ للطفله ام سنة ونص لانها لازم تلبس طاقيه بلاستيكه وفي سنها ماراح تخليها
واذا وخرتها ولمست شعرها وجا يدها ع عيونها او في فمها هالشي خطر مره مره
انا شريته ورجعته بسبب هالشي والصيدلاني ايدني
يعني لانعالج شي ونخرب شي اهم شي صحتها وشعرها له حلول ثانيه غير سموم تدخل معدتها او عيونها
لان في سنها حركتها كثيرة وماراح تخليه ان لبست الطاقيه بتطفش وان فكتها خطر لو لمست شعرها
الا في حالة وحدة وهي وقت النوم بس انا خفت اسويها لانها كيماوي ومابي اخسر طفلي او احد حواسه او حياته عشان بخاخ.. هذا ممكن انتي تجربينه بس في كل الاحوال ماانصح فيه للنوم حتى لك.
المحبه للسلام
المحبه للسلام
بخاخ نيدا ممتاز اعتقد كذا اسمه
واستشوري شعرك والصبغة بعد تموته
الله يعينكم