تعالو قولولي تصرفي صح او غلط مع بناتي ؟؟

الَسلآمْ عَليٓڪّمْ
اللي تعرفني قبل هنا ، كتبت موضوع عن انفصالي عن زوجي
وصار لي اللحين ٧ اشهر وانا في بيت اهلي
عندي اربع بنات ثنتين في المدرسه ابتدائي وتركتهم في بيت جدهم عشان المواصلات و الثنتين الصغار عندي ،
و يرجعون لي الكبيرات ايام الاجازه يظلو عندي بعدها يرجعون بيت جدهم هناك
اهلي من النوع اللي مايحبون الازعاج و الفوضى مرره يعصبون وما الومهم كبرو في السن ويدورون الراحه والهدوء
وبناتي الله يصلحهم مزعجات واظن طبيعي كذا الاطفال ماقدر اقولهم اجلسو لا تتحركون ولا اسمع صوتكم او لاتعملون فوضى هذا شيء طبيعي في كل طفل
فا عشان اهلي ماينزعجوو من بناتي ولأني ببقى عندهم فترة الله العالم بها ، قررت اني اخذ لهم كل شيء عندي بغرفتي
والحمد لله الغرفه كبيره و واسعه ، اخذت لهم تلفزيون وبلاستيشن والعاب وثلاجة صغيره فيها اكلهم
وصارووو طول اليوم بس جالسين عندي بالغرفه حولتها كانها غرفة فندق فيها كل احتياجاتهم ومنعتهم ينزلون تحت
الا اذا صار فيه مناسبه او حفله او شيء ضروري فقط (( ايش رايكم بذا التصرف ؟؟ ))
طبعاً أمي و أبوي لاحظت انهم مرتاحين الحمد لله بس متضايقين اني ماطلعت اشتغل او ادرس
بس مادري احس راحت علي دراسه في هالعمر او وظيفه وانا شهادة ماعندي ولا ودي اترك بناتي واطلع عنهم كفايه فقدو ابوهم
مابيهم يفقدوني انا بعد


مادري احس بعض الاحيان بتأنيب الضمير مادري ايش مصدره
هلهو من الطلاق
او لان ابوهم مريض ولا يدري عنهم
او لان ماعندهم بيت مستقل يعيشون فيه
او من ضعفي وقلة حيلتي واحس اني وحيده شايله همهم استودعتهم الله
او من المضايقات اللي تجي بناتي بسبب الطلاق
والله العظيم اني اشوف في عيونهم كسررر ، حتى نفسياتهم تغيرت لان ابوهم بعيد ، دايم يبكووووون انذبحو من الصياح كل يوم يبونه وانا ما اقدر اجيبه لهم بس اقولهم بابا نايم او بابا مسافررر او ادور اي تصريفه بس عشان يسكتون 😭😭
قلبي تقطع على بناتي وعلى ابوهم وعلى حالنا
اللهم اشكو لك قلة حيلتي ، وكلتك امري ، فلا حول ولاقوة لي الا بك