احس بغصه بسبب ابوي وجيت استشيركم ..(ابي رأي حكيم ساعدوني )

    السلام عليكم ورحمة الله وبركاته                                                                                انا عندي مشكله موعارفه وش اسوي ابي احلها وخاف بدل مااكحلها اعميها فقلت اخذ رايكم                                                           ابوي يخووووووووووون امي  .. وهذا شي قاهرني اعلمكم كيف عرفت اول مره اناطبعا اكبراخواتي وعندي 4 اخوات واخ واحد الله يحفظهم ... المهم  قبل 6 سنوات تقريبا وكان عمري 17 كنت  واختي كان عمرها 14  كنا بالسياره مع ابوي رايحين السوق دق جوال ابوي ورد وجلس يكلم وكان صوت اللي يكلم عااالي مرتفع انا اسمع صوت بنت صوتها واضح ومرتفع  من الجوال اناصرت اررررجف بس كنت اقول لنفسي يابنت تتوهمي الجوال يغير الصوت  المهم بعد مارجعنا من السوق جت اختي عندي بالغرفه قالت ابوي يكلم بنات  قلت وش عرفك قالت عرفني اللي كان يكلمها بالجوال وع باله احنا مخفات قلت لها خلاص اسكتي لاتقولين لامي شي ترى بتخرب حياتنا وبيصير في مشاكل وفضايح قالت طيب وحاولنا نتناسى السالفه  بعد السالفه ب 3 سنوات تزوجت ولي 3 سنين  متزوجه والسالفه هذي تطن براسي صرت احس بامي اكثرررررررررررررررررررر  ومابي ابوي يغلط عليها ابدااا بحكم اني متزوجه وماارضى على نفسي اي شي امي كانت بين كل فتره وفتره تجيب طاري الطلاق وانها تبي تطلق (تعرف سوالف ابوي) بس هاللحين ماعاد تجيب هالطاري صبرت وعاشت حياتها لنفسها ولاخواني ،،، امس اختي ارسلت لي صورة بنت ع جوالي  تقول لقيتها بجوال ابوي اتصلت عليها ع طول وربي تكلمني وصوووتها يرررجف من القهررررررررر قلت وكيف لقيتيها قالت اختي الصغيره كانت تلعب بجواله ولقتها .. انا تنكدت وارتفع ضغطي انقهررررت ع امي , امي مدرسه وساعدت ابوي وعاشت معاه ع الحلوه والمره وصاينه بيته وعياله  وسوت اللي مافي وحده تسويه لييييييييه يسوي فيها كذا اخاف ربي يبلاه فينا المهم .. انا مو عارفه وش اسوي واختي جالسه ع نااااااار شااااايشه تقول بكلمه ماراح اسكت انا ما ارضى ع امي .. ودي نكلمه بس اخاف توووولع وامي تدري مصيبه وربي ماغير تمسك نفسها لاتنفجر .. ابوي حنون ومحافظ ع صلواته وفيه خير بس ماعرف ليه يسوي كذا                                                                                                    الله يخليكم عطوني رايكم نكلمه والا لا واذا كلمناه وش نقول له ؟!                                   وامانه معكم لاحد يدعي ع ابوي الله يصلحه ويهديه ادعوله بالهدايه