من تعرف محلات تبيع كمبيوترات نظام وندوز ماأبغى فيستا !!!

بليز أبي أحد يعطيني وجه :(

ع الأقل ارفعوه رفعكم الله عنده

حبيبتي النظام ما يكون مع الجهاز ،، حتى لو كان فيستا ،، إنتي تقدرين تفرمتينه وتحويلنه لويندوز اكس بي


أنا جهازي كان ويندوز إكس بي ،، وقبل يومين فرمته وحولته لفيستا ،،، وألحين ناوية أرجع لويندوز إكس بي لأن فيستا ما عجبني أبدااا

هلا اختي

ممكن ادلك على محلات
منها محل المنظومة (تخصص لاب توب ) بمجمع الصالحية وهو وكيل لأحد الماركات
بس مشكلة المجمع أنه رجالي >> ممكن توصين أحد ويمرؤ عليهم

أو مكتبة جرير
والويندوز أصلي ويزيد بالسعر قريبا من 500 ريال ،،

الله يسهل امرك
يازين الويندوز
فيه بجرير اسألي اذا ممكن تحولينه لو لقيتي فيستا

ياقلبي الويندوز يشمل انواع
منها الاكس بي << وهذا اللي انت تقصدينه
ومنها الفيستا



انت الحين ممكن تشترين لاب توب وتفرمتينه تقلبينه للاكس بي
لكن تراتس غلطانه وما انصحتس
انا معتس قد تكونين كارهه الفيستاا .. لكن الفيستا موب سيء
يمكن تسمعين ناس تذم الفيستا وتقول ثقيل عالجهاز وبطيء ومدري ايش .. لكن تراهم ماعرفوا يختارون الجهاز الصح

الفيستا اثقل من الاكس بي ويحتاج مواصفات للجهاز اعلى عشان يكون معتس زي الحلاه
يعني اختاري الجهاز الصحيح وراح تتمتعين بالفيستا


انا ما انصحتس تقلبين للاكس بي لانه قريبا راح ينقرض .. مثل ما انقرض الملينيوم و الثمانيه وتسعين وغيره
العالم تتطور وماترجع للخلف

تعلمي عالفيستا من الان .. وان كان مايحتاج تعلم زايد ... هو مثل الاكس بي ان ماكان اسهل في امور
لو ما جا منه الا سهولة الفورمات فيه.. يعني اللي مايعرفون يفرمتون الاكس بي اتوقع الان راح ينبسطون عالفيستااا
فرق كبير جدااا بطريقة الفورمات

من ناحيتي لو كنت ما اعرف لفورمات الاكس بي وعرفت عن سهولة فورمات الفيستا راح اخذه حتى لو كنت كارهته




اسمعي مني انت قد تكونين كارهه له بالبدايه .. لكن مع الوقت راح تكرهين الاكس بي وماتقدرين ترجعين له
حاليا هجرت لاب توبي الاول لانه اكس بي وصرت ما احب افتحه وعلى طول عالفيستا
واذا اخذت لاب توب اي احد اكس بي احسه ماصل

الدعوه تبي تعود بس


وعلى فكره ماراح تحصلين الحين اي جهاز يباع بنظام الاكس بي .. واذا حصلتي راح يكون قديم
الاجهزه الان صارت تحط النظام الجديد ... مثل ما قلت لتس العالم تتطور