اليوم بقولكم شي جنني ورفع ضغطي وضرب فيوزي
وخلى احاسيس ومشاعير الامومه تتاجج وتتفجر وتطرطع عندي===>لاتشرهون على الاسلوب:16:
تخيلو لقيتها مع ولدي وبفراشه بعد:06:
ولله بجيحه وقليلة ادب
كل مره اطردها وماينفع فيها الكلام
حتى ولدي مل طفش وتعب منها المسكين
صار يتازم اذا شافها
ولله سوت فيه حركات مالها داعي ودي اهرسها بسنوني
لعبت بحسبتي وحسبته جننتنا
والمشكله على كل هاذا ابوه يشوف ويسكت
المشكله مابدت الى يوم جينا الرياض
وش قصتكم يااهل الرياض اعتقونااااااا تكفون
وكلش ولا هالوسووم الحمرا الي موسمتها على وجهه وجسمه
وش الحل مع هالنشبه ولله خلت وجهه خرايط العالم الثالث
ابعدتها عنه وطردتها وحطيت حواجز وشبوك بينهم برضوووو مصره تلزق:06:
مسكين ولدي عمره 11شهر مفهي مايدري عن حاجه المسكين مسالم مايسوي شي بس هي الي مدهره فيه
تكفون شفولي حل مع هالمخلوقه
خلونا نحاربها ونقضي عليها ونفتك من شرها
خلونا نسوي حمله
كلناااااا على ضد نشن هجوم حرب على ===>تاثير ضرب الفيوز
النامس