الرجل ........الدقه القديمه ؟؟

السلام عليكم

اشلونكم يا حلوااااااااااااااات؟؟؟
اشلون الاوضاع عندكم؟؟
وانشالله الامن مستتب؟؟؟

انا بدخل بالموضوع على طووووووووووول
ملينا من سوالف الحركات الرومانسية والايحاءات الجنسيه وليلة خضرا وليلة صفرا ومدري شنو
نبي شي فعااااااااااال نبي نتايج ونبي نستفيد صدق
وتاتي الليالي الحالمة بروحها مع الوقت بدون ماتركضون وراها
طبعا في رجاجيل يحبون التغيير والحركات واللبس وهالسوالف
اوكي الله يهني حريمهم فيهم بس اللي رجلها ستايله قديم
يعني من الرعيل الاول اشتسوي؟؟؟
تقعد تندب حظها وخلاص؟؟؟؟
نهييييييييييييييي في طرق تخلي الحياة حلوة لا تطق قلوبكم بدري تو الناس الدنيا ياما فيها
وانا عندي لكم بعض الامور بالحياة اليومية لو سويتوها انشالله بتنفعكم
يالله نبتدي :arb:

1_ أول ما يدخل الرجال البيت خليه يشم ريحة حلوة ... بخور مثلا أو عطر للبيت حلو ..
يعني ارجوكم لا تخلونهم يشمون ريحة حمسة ترى الانسان يتاثر بالروايح واول انطباع من يدخل البيت بيكون نتيجة تاثير الريحة اذا الريحة تمام بيفرد وجهه شوي بس واذا الريحة ووووع ابشري بالخير والحنة والرنة .. هذا تحذير اكثر منه نصيحة

2_اول مايدخل البيت لازم ماتطيح عينه على عفسة ونثره ويتعرقب وهو بالطريق ويتكرفس على وجهه ويطيح ولا ترى يردك بيت اهلك علشان كذا خليك خوش مرة وعالاقل حاولي يكون البيت مرتب نوعا ما ونظيف مو بشكل مبالغ فيه بس وخري الاغراض من تحت رجوله عاد
_3الحين الرجال دخل والريحة حلوة والبيت ماشي حالة مافي سبب للحنة للحين بس الرجال هذا ترى ستايل قديم يعني يحب التراث عاد خليك لابسة جلابيه ناعمة تتلامع صدقوني ترى يضرب عاللمعه واذا فيها فتحة والصدر مدلوع بعد عز وشعرك رفعيه مايبي يشوف عالغدا شعر ترى تكرهين الساعة اللي صار عندك شعر فيها:30:

4_الحين كلكم شطار وتعرفون تصفصفون الحكي وقولي له انك انتي اللي مسوية له الغدا اللي يحبة حتى لو الخدامة اللي مقطعة البصل ومسوية كل شي بس رزي ويجهك ميخالف يمكن تسلمين من الحنة وليكون تاكلين قبلة الاقطعي وقشري له وحطي له السلطة وخليك مبتسمة (ورتبي اولدك) يا ماما وعيب ياحياتييييييي ماتسوون كذا وتزعجون بابا علشان يقول ..هذي مهتمه في..واسئليه اشلون الدوام وشسويت وخليك مهمته بسوالفه حتى لو بايخة وخل تبين انفعالاتك وكثري من ووووووووووي ولالالالالالالالا؟؟؟ وبحلقي عيونك وخلك فطينه مو تضحكين وهو متضايق ولا تزعلين وهو ضاحك وبس
وزرقي له لقمة بس ضبطيها مو يطلع فيها حصم ترى الطريق لقلب هالرجل معدته وكرشته مو اكسفورد لا يقصون عليكم ربع اكسفورد خل اكسفورد لاهله انتوا عليكم علوم القبايل والشرهات ..

5_تغدينا وغدا الشر. الحين بنقعد بالصالة وجيبي الشاهي والنعناع والقهوه والبسكوت والشيز كيك والحب وصبي شاي ولا تكوني مختفه لالالالا خليك ثقيلة ومرة قديمه وبس تبسمي من تحت لي تحت وقولي له ها اليوم اشعندك ؟؟طبعا بيعصب ليه تسالينه اشعندك؟؟ قولي له شفيك حبيبي ترى مو قصدي شي بس كنت ابي اوصيك على شغلة اذا بتروح المكان الفلاني وتمسكني وخليك مثل الشحاثات علشان تستدرين العطف ((ويتحسف على دفاشته))

6_الحين لا تمدين البوز خل; سمحه ترى الرجال ينحاش من النكد مايبون بوووووووووووز
واذا مديتيه انتي الخسرانه اهوبيسكر الباب ويطلع عند ربع الندامة مايقولون لا وانتي بتاكلين بعمرك. ويرجع وهو زعلان ونامي بها!!
خليك طيبة وضحكي وسولفي وخليك متفهمه وراعيه طبعا بالكلام مو صح علشان توصلين للي تبينه

7_الحين الرجال بينام الظهر جمعي الاولاد بغرفتهم وخلي الخدامة تحرسهم ولحقيه لازم ضروري ضروري لاتخلينه يروح الغرفه بروحه ترى هالستايل يموتون على نومة الظهر واذا شفتي مزاجة مو تمام للحين ساليه عن ربعه وشلون فلان(جعله البلا) وشلون علان؟؟؟يحليله ؟؟يعني لطفي الجو بموضوع اهو يحبه

8_الحين الرجال بيطلع حلو قعد معاكم ساعة خلاص وراه اعمال وراه ربع يقعد معهم واستراحات بيقز فيها خليه يفارق علشان تاخذين نفس شوي لا تقولين له اقعد لا عادي ووصليه لما الباب بعد وقولي له عاد لا تتاخر..(تكفا تاخر بس خل ارتاااااااااااااح )ولا تسرع ودير بالك على نفسك
9_الرجال طلع وقاعد عند ربعه اشلون تلينين راسه الحين؟؟؟ وصيه على شغله و..
هالله هالله بالمسجات الزينه مو الجاهزة لالالا نكت وكلام من تعبيرك ولا اغراض ولا اي شي والمسجات القوية خلوها للمساء والسهرة لي صار الليل ارسلي له مسج تفر راسه وهو عند ربعه وتخليه يرد البيت وانتي اكتبيها عن (....)واذا المسج توصف صورة بعد احسن واحسن علشان مخه يتخيل الصورة وكمان انتي تكونين لبستي وتسنعتي بس لحظة لا تستانسون كثير.

10_ليكون تلبسين قميص نوم ولا شي لالالالالالا خليك ثقيله ولبسي شي يلمع ويتمزلق والوان تكسر العين . وخل يصير شي ناعم ونظيف وريحته حلوة ومشخلع شوي بس هاااااااااااه طويل احسن بعد وحطي بلشر بس ترى مايحبون الميك اب ولا الشي اللي فيه طعم ولا اللي يتلزق وفكي شعرك الحين ؟؟؟..مانقدر نكثر عاد علشان لايخترع الرجال ويقول هذي شناوية عليه؟؟

11_لي رجع توقعي انه يسولف معاك بس وزهبي الاكل لازم ياكل كل الوقت علشان لا يحن مو اهو يا بيحن ويا بياكل وتعدي الليله على خير وتجنبي اي شي فيه نكد وحنة وخاصة بغرفة النوم ولاتتوقعين شي ثاني... علشان لا تندمين واذا حصل بعد من قدك بتعيدين واذا ماحصل كبري المخدة ولا اقري مجلة وتالي نامي??

12_الصبح قعدي معاه ووصليه لي الباب ولاتصجيه بكثرة الكلام بس ابتسامة ناعمه وخلاص بس تكونين مغسلة وجهك قبل واذا طلع لاتركضين على النوم لاحقة عالنوم بس قبل لا تنامين ارسلى له مسج حلوة عالصبح حتى لوجاهزة يالله مو زود فيها واجد مشغول بالدوام بس لازم تطقين الرصيف شوي:( :(


الحين نصائح عامة::09:
_اذا سوى شي يزعل لا تزعلين ولا تتعبين روحك محد بيراضيك فالاحسن لك انك ماتزعلين من الاول وتحسسينه انك متوهقه ..لا اهو اللي راضاك ولا انتي اللي تقدرين تكسرين عمرك..
_لا تسالين عن اشياء تعرفين اجاباتها وتعرفين انها ماراح تعجبك
_كثري من مشكور وياحبيبي وعسى عمرك طويل وسجلي جدتك بشريط وسمعيه وتحفظيه كل يوم ترى يحبون كلام العجايز_ساليه على طول شنو تبي غدا؟؟؟ شنو تبي عشا؟؟ تبي شاي؟؟؟ اجيب لك ماي؟؟
شلون الكيكه عجبتك؟؟لما تطق كبده من الاكل ويصير ما يطلب ولا يحن:22:
_لي قام يتابع مباراه سوي روحك مستانسة وايوااااااااااااااااااااااااااااااا والله هالاعب يبرد القلب يازينه خل يرتفع ضغطه ويقلب الموجه واذا حاط عالاخبار ساليه سؤال سياسي مايعرف جوابه علشان يتوهق ويقلب الموجه
_اي شي يخصك ولا يخص البيت والاولاد حاولي تقولين له اشرايك؟؟ وانا بغيت اسوي كذا بس ماعرفت انت تعرف اكثر مني بهالسوالف انفخيه علشان يحس انه مهم :arb:
_وقت الطلعه خلك سنعه واعرفي شنو يحب رجلك تلبسين واللي مايحبه مولزوم تلبسينه لا تجيبين العسر لي روحك.
_بالبيت خليه مشغول قولي له االلنبات محرقة والغسالة ماتشتغل والمكنسة خربانة وخل يحووووووس بالبيت ولانه مايعرف يصلح شي بيخمر عالشغلة ساعتين ثلاث وبيتاخر عن ربعه ويمكن يهون
_ حسسيه انه اهو سندك وذخرك وانه انتي مايهمك احد مدام راسه يشم الهوى
_حتى لو تتزاعلون لاتحسسينه ان اهلك يدرون او لا تقولين لهم بالاساس علشان تكبرين بعينه
_خلي عيالك على طول حواليه واي شي يبون خل يطلبون منه مباشرة مو منك انتي علشان لا ينسى ان عنده عيال
_لي بغى ينام قولي حق العيال بصوت يسمعه قوموا روحوا غرفتكم بابا بينام لا تزعجونه حرام جاي من الدوام تعبان يعني اسمع يا بابااااااااااااااااااااااااااا.. ترى انا مدلعتك..:arb: :30:
هاه عجبتكم الوصايا نفذوها وقولو رايكم
ولاتنسون الدعوات
((منقول مع التعديل))