السلام عليكم
بالنسبه لي أنا أستخدم لبنتي و عمرها 8 أشهر سيميلاك غين بجانب للفواكه الجاهزة و الطبيعية و وجبة الغداء أدخلت عليها الأرز مع المرق و بعدها زبادي و طبعا العشاء و الفطور هو سيليلاك
و الأمر لا يخلى من البفك و البسكويت
أرجو أن أكون قد أفدتك
استخدمي بروميل وانت مغمضة وبعد السنة استخدمي بروجرس
وأهم شي ألحين الأكل ورتبي الوقت باعتبار ساعتين بين كل وجبة
مرة رضعة وبعدها بساعتين وجبة
الوجبة عبارة عن خضار ورز مصري ونوع بروتين اما دجاج أأو لحم أو عدس تضربينها في الخلاط كويس أو سليق رز مصري مسلوق +حليب هذا اذا كنت مستعجلة أو جريش أ وشوربة مع خضار أنا أحيانا اذا كنت مستعجلة أخذ من مرق الكبسة اذا الغداء كبسة واضيف خضار مبشورة + كؤيكر وأخليها تستوي بعدين أخلط معاها حبة توست
وأعيد مرة ثانية ترتيب الوقت مهم في تغذية الطفل لازم ما يجلس بدون أكل لأكثر منساعتين ونص الى ثلاث بالكثير واذا تبغينه يسمن اجعليها ساعتين
بصراحه كنت استخدم حليب نان لابنتي وما شفت زيادة للوزن ----فغيرت الحليب واسه ابتاميل و ماشاءالله زاد وزنها وما صار عندها امساك وهو مضاف اليه ميلوبا وموجود رقم 1و2 حسب العمر
مدى الايام
بنت أختي كانت نمله من صغرها .. فعطوها نان ( العاده كلنا نستخدم سيميلاك لان ما يسبب مشاكل غازات مثل النان ) .. و بالفعل صارت بطه الله يحفظها .. بس أحس النان ثقيل ..

انا عيالي استخدم لهم السيميلاك .. بس بنتي يوم وصلت السبع شهور الظاهر حاولت اعطيها سميلاك غين صارت مصيبه مع الأمساك فعلى طول رجعت لسميلاك العادي و حاولت أعوضها بالأكل .. و الحين اذا مش متعبتنها أسنانها يصير وزنها حلو .. و لا مرضت يفش الوزن كله ..

من تجربتي مع الإمساك فيه قطع شوفان أسمها الظاهر اوبتكس .. ممتازه جدا كنت أعطيها لبنتي و مشى الحال و طبعا مغذي وايد ...
كنت أعطيها فواكه و الغالب تفاح .. ممكن تبدين به مسلوق و تضربينه مع الما الي سلقتيه فيه و تدرجين لين تعطينهن إياه فرش ..
تحذري من الجزر .. اذا كانن بفترة إمساك .. ممكن تضيفينه لخليط خضار او حتى فواكه بدرجة بسيطه للفايده الي فيه ..
و الرز مع المرق ممتاز يمشي البطن .. بس مو المصري لان الرز المصري العكس تعطينه للطفل الي يعاني من الإسهال ..

أتمنى أكون فدتج و ترا مو لازم يكونون بناتج متبتبات عشان يكون دليل على صحتهن .. بالعكس ترا بس بياكلونهن دايم أقري عليهن أختي التوم تجيه العين دبل
بروجرس وبس مافي مثله ..........


الساعة الآن 06:40 .