ممكن يا بنات ... بخصوص الإنزلاق الغضروفي

السلام عليكم .. صباح الفل والياسمين

أبغى أعرف مين شافت أو سمعت أحد صارله الإنزلاق الغضروفي
وتعافى وصار سليم مثل الأول

زوجي صارله إنزلاق في الغضروف 1- 2- 3- وبعض الدكاترة قالو 4-5-

طبعا هذا صار له في 25 رمضان ... اول يومين كانت آلام في الظهر بس كان يروح الدوام

شاورو عليه أصحابه أنه يجيب واحد يمرخ له بما أنه ما وقع ولا حادث ولا شئ مجرد اللهم صحي في الصبح لقى نفسه تعبان ... مع إني نصحته انه يروح لدكتور أحسن ... قال لي لا بيسطة ما يحتاج لدكتور ولا شئ يمكن من العمرة اللي أخذناها أمس

وجاء الممرخ ومرخله ليلة 27 .. صباح 28 ما قدر يصحى وكان يتألم ألم شديييييد جدا ما أقدر أصور لكم يا بنات ..... أول مرة أشوف زوجي يتألم بشكل هذا

طبعا راح لدكتور إستشاري في سلمان فقيه عملو له أشعة رنين المغناطيس
فطلع عنده إنزلاق في الغضاريف الحمد لله على كل حال

9 أيام كان يمشي مثل كأنه راكع الآن الحمد لله وقف مستقيم بس مشيته إلى الآن ماهي طبيعية .. طبعا ممنوع يشيل أى شئ ثقيل حتى لو كان شوئ ثقيل

نصيحة لوجه الله .... لا أحد يعمل تمريخ حتى يروح لدكتور ويتأكد انه مافيه شئ

سؤالي .... هل يرجع زوجي كما كان أول

لأني بصراحة حزينة عليه بعد ما كان قوي و صحيح وسليم يصير فيه كذا .. كان ما يخليني أنا وبناتي نحمل أي شئ حتى المقاضي اللي نجيبه من سوبرماركت ما يخلينا نحمل ولا كيس حتى لو كان 20 كيس يحمل لوحده
أما الآن ممنوع يحمل أي شئ حتى لو كان واحد كيلو غرام