أنا بقولكم مشكلتي
انا من بدايه رمضان ما أجلس مع زوجي الا وقت الفطور فقط وكل وقته بالدوام ولا يجي الا بعد اذان الفجر لأنه يكون باستراحه لأخوياه
أبي اقعد معه اسولف انا وياه بس لا حياة لمن تنادي فعلا لو اقول جدار فهو جدار بمعنى الكلمه
طبعا احيانا يجي ويتميلح اذا بغى حاجته مني
يعني كل اسبوعين مره يمكن وعلى فكره تراني حامل بالسابع ونفسيتي زفت منه
تخيلوا أفعد عند اهلي باليومين والثلاث ماسأل عني اقول اريح عندهم وانا كل كلامي له طيب وحاضر مره كان بيفطر بالأستراحه المشئومه وكان الفطور كل واحد يجيب معه حاجه سويت له حافظه كبيره سمبوسه وصينيه كبيره حلا أستناه يقولي يعطيك العافيه ما سمعت شئ لين سألته قلت ان شاء الله اعجبك الفطور قال جزاك الله خير
ونفس الشئ الأسبوع اللي بعده يبغى فطور سويت له حافظه كبيره سمبوسوه ووحده اكبر منها معجنات انكسر ظهر وانا اسويها تدروون وش قال يوم شافها قال بس هذا؟؟؟
قلت تعبت وانا اسويه وظهري انكسر ومافيه احد يساعدني قال ايه الله يعافيك وطلع
المهم وقعد على هالحال لنهايه رمضان وانا ما شريت للعيد ما ادري متى يوديني كل يوم يأجل وداني يوم 25 ثلالث اسواق بس تدرون قلت ياليته ماوداني حوم كبدي لين طلعت من السوق هذا وهو مانزل معي بس كل شوي متصل يهزء ماخلصتي؟؟ يبيي يلحق استراحه الشؤم وانا قلت في نفسي خليه يعصب بس ماراح اطلع الا وماخذه اللي ابي لأني ادري ماراح يوديني مره ثانيه
المهم رجعت عند اهلي
يتبع
سلطانـــه @sltanh_15
عضوة جديدة
يلزم عليك تسجيل الدخول أولًا لكتابة تعليق.
كملى **** يسعدك يهدى زوجككملى **** يسعدك يهدى زوجك
كملي والله يقومج بالسلامه
ماودي احرق اعصابج
بس يالغلا ترا طريقة تعاملج معاه غلط :44:
هو يغلط وانتى تتكشخين له وتهدينه وورد ودنيا
ماعطاك فلوس وعاادي
ليش؟؟ انا لو مكانج عادى ارسله انى ابغي فلوس وهو حر يرجع البيت ولا يهاجر
يعنى هو يستانس ويطلع ويقول كلام جارح وبس لا بغي شي يكون طيب وحليو
مو معقوله الله يهديه ويسامحه
ماودي احرق اعصابج
بس يالغلا ترا طريقة تعاملج معاه غلط :44:
هو يغلط وانتى تتكشخين له وتهدينه وورد ودنيا
ماعطاك فلوس وعاادي
ليش؟؟ انا لو مكانج عادى ارسله انى ابغي فلوس وهو حر يرجع البيت ولا يهاجر
يعنى هو يستانس ويطلع ويقول كلام جارح وبس لا بغي شي يكون طيب وحليو
مو معقوله الله يهديه ويسامحه
الصفحة الأخيرة
قلت لازم انكد عليه وادق عليه قلت له ابغى فلوس بطلع مع اهلي قال يكون خير وجلست استناه 3 ساعات بس ما حول شئ دقيت عليه مارد ارسلت له مسج ورد وقال لاتطلعين
بعدين رديت عليه وانا مقهووووووووووووووره يعني الحين انت تنبسط وانا وولدك تنكد علينا ليه؟؟؟؟
ياخي افضى لنا يوم شوف وش نبي قال انت بتتحكمين فيني وانا راح اطلع كل يوم وخليك عند اهلك وكلام طويل انا نسيته لكن اللي قهرني قالي تدرين اليوم فطورنا قطه وانا قلت بلا منتك رحت وجبت لهم احسن من اللي اللي تسوين شئ يبيض الوجه وانا ما بغى منك شئ ولا انا بحاجتك وراح انام بالأستراحه ماراح ارجع البيت
بعدين عرفت انه جاب لهم من بيتزا هت وحلويات سعد الدين
أأأأأأأأأأأأأأأخ يالقهر كان من اول جيب لهم ولا تكسر لي ظهر ي بالمطبخ هالرجال مايعجبهم شئ
أخر شئ قلت ارسلنا فلوس ولا تجي مهب لازم نشوف طلتك البهيه طبعا هذا الكلام اقوله في نفسي المهم تركته واهلي كانوا بيطلعون وولدي يصيح يبي يطلع معهم كسر قلبي ذا الولد المهم طلعت مع اهلي وانبسطت طبعا انا معي مبلغ مايدري عنه للحاجه المهم ما اتصل ولا سأل
تركته انا ودقيت عليه ليله العيد قلت له بتجي اليوم قال ايه وبس سكرت الخط وقلت في نفسي يابنت الحلال هذا عيد ولا تنكدين عشان شئ ما يستاهل
المهم رحت معه البيت طبعا ماقعد معي ابد وانا سويت نفسي لاهيه ارتب للعيد
عيدت عليه الصبح وراح للعيد وانا رحت مع اهله للعيد رجعنا الظهر طبعا هو يدري اني شاريه له هديه ومسوي نفسه مو مهتم طول الوقت
حتى كنت قايله له اني شاريه قميص للعيد المهم قبل ما يرجع وارتب الغرفه والبس القميص واجهز الشكولاته والهديه ولبست القميص دخل الغرفه وقاعد يناظر فيني احسبه بيمدح قال هذا القميص اللي تقولين ؟؟؟
واتحطم انا ما عجبه وابلعها واسكت يعني وحده بالسابع كرشتها طالعه تبيها عارضه ازياء المهم واروح اجيب الشوكلاته وقعدت ااكله وادفس فيه اعجبته بس ماقال شئ المهم وصار اللي صار والحمد الله رجعت المياه الى مجاريه ما أمداني يومين الا وداني عند اهلي يقول ابغى انبسط في اجازتي ما ابغى احد ينكد علي وانا من دون اي تعليق بلعتها وسكت >>>>>>>يعني انا نكد
المهم ماتركته وانا عند اهلي ادق عليه واسلم ارسله ريايل اني مشتاقه له طبعا يطنش ارسايل
المهم جاء الجمعه وبكره دوامات لازمم يجي ياخذني
انا كنت مجهزه له باقه ورد قلت اهديها له اذا وصلنا البيت
يتبع