السلام عليكم ورحمة الله وبركاته
بكتبلكم عن تجربتي مع حشرات الارز اللي ذبحتني
جتني هدية خيشتين ارز كل وحدة فيهن 40 كيلو
بس المشكلة ان فيهن شوية حشرات.. تعرفونها السودة الحلوة اللي دايما تطلع في الرز
وبما ان عددنا قليل في البيت فالارز بيكفينا حول ستة اشهر ان شاء الله لكن كيف احفظها بدون ما تخرب
وسألت صديقتي عن طريقة لاتخلص من الحشرات اللي شفتها في الرز قالت روحي دايسو عندهم حل
رحت وشفت كيس صغير مرسوم عليه الحشرات هذه ومرسوم عليه فلفل وبعضه
بهارات غريبة والكيس يكفي لبرميل ذو سعة صغيرة يعني لازم اشتري عشرين كيس
حتى يكفيني والكيس بست دراهم
قلت فكرة ليش اشتري هذه الاشياء بجربها بنفسي في البيت
عندي شيل قطنية خفيفة قطعتها لمربعات (ممكن تستخدمين شاش طبي) وحطيت في كل
مربع منهن ملعقة طعام كبيرة كركم طازج يعني فريش اشتريت الكيس بثلاث دراهم
وحطيت معاه ملعقة فلفل احمر لازم يكون حااااااااااروتأكدي يكون مكتوب عليه كشميري
لانه حار جدا يذبح ..خليه يذبحهم
وبعدين ربطت الاكياس
ووضعت الارز في البرميل البلاستيكي الكبير وضعت طبقة من الارز ووزعت عليها
ثلاث اكياس من الكركم والفلفل وفوقها طبقة ارز وفوقهم اكياس فلفل وكركم وهكذا الى ان انتهت الكمية
اول ساعتين شفت الحشرات صايرة تفور من البرميل شلت البرميل وحطيته في الشمس
وبعد كم ساعة دخلته المخزن
في الليل شفت كم حشرة تحاول ان تتسلق البرميل ...مساكين حرقهم الفلفل
ثاني يوم ما شفت ولا واحد من الربع
*
شو السالفة
قمت ادخل ايدي في الرز وادورهم اسلم عليهم ولا شفت حد
غسلت شوية رز لوجبة الغداء اشوفهم مساكين طافيين على سطح الماء
اني اغرق..اغرق ..اغرق
وسلامتكم الجماعة ماتوا..كيف ما ادري..لكن النتيجة فتاااااكة جربوا في الرز والطحين وعطوني خبر
ودعواتكم الله يهدي ولدي العود ويوفقه ويشفيلي حمادة الصغنن
المشغولة دوما @almshghol_doma
محررة برونزية
يلزم عليك تسجيل الدخول أولًا لكتابة تعليق.
عباتي تاج راسي
•
مشكوره على طرحه الفكره
الصفحة الأخيرة