مجموعة مريم
اتمنى من كل المشاركات اهنيه يا يقولون خير ولا ما في داعي للمشاركات اللي ضررها اكثر من نفعها

وخلنا ناخذ من كلام رسولنا صلى الله عليه وسلم قدوة لنا بان المسلم عليه بان يقول خيرا او فليصمت

والامارات سوق واعد ومعظم الشركات العالمية(((( النظيفة)))) تستثمر فيه لانه ..... سوق مضمون..... ومعظم الدوائر الاقتصادية في الدوله عندها طلبات بالهبل من شركات كويتية وخليجية وغيرهم مقدمين طلبات عشان يستثمرون فيها وما اظن هذه الشركات العالمية او الكويتية او الخليجية عندهم شك في مصداقية النشاط التجاري في دولتنا ولا ما كانت فكرت بالاستثمار بالامارات

وفي النهاية الاستثمار في دولة الامارات استثمار مضمون ونظيف وما عليه غبار

التوقيع
اماراتية غيورة على بلدها

أضم صوتي لصوت منارة الأسلام .. وبعدين الووضوع عن الأسهم في الامارات وأظن هذا واضح من العنوان...

عاشقة القمر ... مشكوره أختي على المعلومات الحلوه والمفيده.... أنا أتابع جريدة الخليج بشكل يومي ... واقرا قسم العقارات والأراضي ... بس انا راح بالي لبعيد يوم قلتي الأستثمار في الأراضي والعقارات ومثل ما قلت يبيلها راس مال كبير ... يعني الأرض قيمتها لا تقل عن نصف مليون ... واحنا يا حسره من وين لنا..

اللي تبي معلومات عن أسهم الامارات ترجع لرابط اللي حاطته أفراح أمه وايد مفيد وحلو .. جزاها الله الف خير...

شوفي الموضوع


http://forum.hawaaworld.com/showthr...threadid=180885

حبيت بس أقولك ان نشاط الشركه الجديده اللي هي (أربتك) مشبوه ... يعني عادي يتعاملون بالربا و ياخذون قروض بفوايد ... الخ


يا ريت تستفسرين من الشركه بالضبط عن نوعية النشاط قبل لا تشترين أي سهم

و بالتوفيق

كلامك فيه نوع من الغموض

عزيزتي سوق الامارات صح جديد ومافي شركات وايد مثل السوق السعودي أو الكويت ... بس الحمدلله كل شي واضح وما اظن كلام غسيل الاموال صحيح!!

بالنسبع للسوق السعوديه ... نعم رؤوس أموال ضخمه بس نسيتي ان 99% اذا مب 100% من الشركات المتداوله في السوق السعوديه مسموحه للمواطن السعودي فقط ؟؟

أما بالنسبه للسوق الكويتي ... طبعا دام انه الاقدم في الخليج ... و ما عليه غبار


سوق الامارات مثل أي سوق مرات في تداولات خياليه و مرات السوق نايم ... و هذا يعتمد على عدة عوامل

مثلا قبل شهر كان سعر اسم اتصالات الامارات تقريبا 120-130 درهم

وفي اخر اسبوعين ارتفع الى او وصل 170

طبعا في عدة عوامل

أولها ان اتصالات اعلنت ان ارباحها نصف السنويه زادت بنسبه كبيره مقارنة بالوقت نفسه من العام الماضي

بالاضافه الى حصول اتصالات على أفضل عرض لشبكه جي اس ام جديده في السعوديه ...

و هذا هو السوق

يوم لك و يوم عليك