ابــي رآيــكــم .. :(

السلام عليكم ورحمة الله وبركاته

بنات انا متزوجه واحب زوجي ومابي اضايقه بشي
واول ماتزوجنا كان كل يوم تقريبا ياخذني لاهله واستحي اقوله لا واذا قلت له مابي اروح يقول خلاص كلمتهم عيب طبعا هم ساكنين جنبنا ومايجيب للبيت اغراض الا يجيب لهم معنا وهو راتبه قليل بس قلت معليش ربي يبارك لنا فيه المهم تخيلوا رجعنا من شهر العسل صرنا مانطلع الا نكلمهم يروحون معنا امه واخواته انا انزعجت من الموضوع بس مقدر اتكلم اخاف يزعل بعدين صاروا يتكلمون كلام يضايقني مارد اسوي نفسي مانتبهت تخيلوا دوم نروح مناطق تبعد عنا ساعه ساعتين وكل الطريق ساكتين مايتكلمون وربي الجو كئيب بس يتسمعون انا وزوجي وش نقول استمر الوضع شهور لين خلاص وصلت معي وتكلمت معه بصراحه قلت :

اولا: انا تعبت من كثر ماتعزمهم عندنا ظهري يتعبني من الوقفه بالمطبخ

ثانيآ : انا وانت يحق لنا نطلع نغير جو لوحدنا مو لازم نقول لاحد معنا وبعدين هم مايونسون بس ساكتين وعندهم عيال كثير ودوم برا البيت واحيان نتفق انا وياه نروح مدينه ثانيه بس لما يكلمهم يقولون لا نبي قريب عشان من العصر واحنا نتمشى مايجلسون بالبيت ومستحيل يقولون خلاص روحوا الله يستر عليكم

وبعد فتره زوجي من حبه لي صار يراعي مشاعري ونطلع انا وهو لوحدنا وخففت روحاتي لهم اما هو طبعا كل يوم يروح لهم الله يستر عليه اهم شي راحتي والحين خلاص ماروح لهم الا مره بالاسبوع وبالعبايه وهم مايجوني كثير

وطبعا ضايقهم هالشي يبون يروحون معنا كل مكان واخر مره رحنا لهم يدقون زوجي بالكلام
عمي يقوله شعر معناه انك كنت رجال والحين تقودك الحرمه رد عليه زوجي بشعر عن الحب اعجبني فيه وبعدها رجعني البيت وطلع وشكله زعلان كثير حسبي الله عليهم يبون يخربون علاقتنا

وش تنصحوني فيه ..؟! استمر ازورهم اسبوعيا ولا اقطعهم وافتك من دقهم بالكلام ..؟!!

مع العلم اني يوم اروح لهم ما انبسط بس ساكتين يجيبون الكأبه يبوني انا اقولهم سوالفي وهم لا مايتكلمون ..