متى تعزلون اطفالكم بغرفه خاصه

والله يا حبيبتي أنا في رأيي أنك متأخرة في عزل أبنك في غرفة خاصة لأن ما شاء الله عليه كبر ، أنا عن تجربتي نقلت أبنتي الكبيرة إلى غرفة خاصة بعمر 6 أشهر وهي ما شاء الله الآن عمرها ثلاث سنوات وثلاثة أشهر ، وبعد ولادتي لأبنتي الثانية كانت تنام معنا في غرفتنا إلى أن أصبح عمرها أربعة أشهر يعني أنتظم نومها والفضل لله نقلتها إلى غرفة أختها وهي منذ شهر تنام معها.

فسوف تشعرين بحريتك وخصوصية غرفة النوم .

المهم أن تبدأي بنقل أبنك إلى غرفته قبل ولادة الطفل الثاني لكي لا يشعر بأنه أحتل مكانه ، وأن تجعلين غرفته مميزة وفيها ألعاب وأشياءه الخاصة ويا حبذا لو شارك في إختيار أثاث غرفته ، وفي بداية الأمر سوف تعانين أكيد ولكن بالصبر والإصرار سوف يتعلم.

تستطيعين في الفترة الأولى أن تبقى أبنتك في غرفته وتخبريه بأنها صغيرة ومحتاجة للرضاعة ووو. ولكن عندما يستقر نومها إنقليها أيضا إلى غرفة أخيها.

أتمنى أن أفدك وإن شاء الله تقومين بالسلامة ورزقك الله بالذرية الصالحة وسهل ولادتك إن شاء الله.:)

والله يا اختي يلا نقليه الحين و لا تنطرين شي
ولدي الكبير نقته في غرفه بروحه بعد ما نقلنا بيتنا اليديد, لأنه صار فيه عندنا غرف زايده. كان عمره وقتها 1 و 8 شهور و الحين ماشاءالله عمره 4 سنوات تقريبا. و اخوه الحين بعد ينام وياه عمره سنتين.
عشتوا ما يرضون ينامون وياي الحين غرفتي مو عاجبتهم , لأنه ما فيها العابهم ولا فيها سريرهم بو سياره.
و اهم شي يا اختي لما تنقلينه بغرفه بروحه حطي عنده جهاز اللي تقدرين تسمعينه اذا صاح بليل و احتاجج. و لعبي وياه يعني قبل ما ينام حطي في غرفته و انتي بغرفتك و خليه يجرب يناديكي و انتي تروحين له علطول.

اخذي له جهاز مراقبه اللي مثل المكرفون وحطيه عندك وهو ينام بالغرفه ولاتسكرين باب الغرفه اللي هو فيها وعلقي ايه الكرس فوق راسه واذا عارض ومارضى ينام خليه معاكم ولي نام سدحيه بغرفته لما هو يتعود والبيبي خليه معاكم طبعا بس جهاز امراقبه لازم وظروري حتى لو الغرفه قريبه من غرفتكم والله يهون عليك وبالسلامه

^
اختيـ ألا
لا يجوز تعليق الوحات الي فيها ايام قرانيه وترا ماتحفظ عن شي الحافظ الله وحده

.
.

اختيـ اشوف ان افضل وقت لعزل لطفل بغرفته الخاصه بعمر الثلاث سنوات تقريبا ً بشرط يكون يعرف ينزل من سريره ويعرف وين غرفة امه يعني ينزل ويجيك لو صار شي لا سمح الله خاف او اوجعه شي
ويقدر ينادي عليك .. الخ

لكن بعمر الشهور انتبهي كثير شرقوا اطفالهم ولا خافوا ولا انقلبوا على وجيهم والام بغرفتها لصبح ماتدري وش صار !! يعني بعمر الشهور استغرب عزل الطفل فيها وربي ماراح يجي لي قلب انام بغرفه ثانيه وهو بغرفه وهو توه بيبي لاحول ولا قوه :(

لكن من يوم ولادته يكون بسرير مسسسستقل لكن بنفس غرفه امه وابوه
مايكون بنفس سريرهم ابدا ً

وربي يسهل عليك ولادتك آمين :26:

..
.

ام سوسو رايك اني تاخرت عن عزله؟
طيب اذا خليت اخته معي وحطيته بغرفه اكيييد بيزعل
وانا بصراحه موتي ولا ياخذ فكره براسه اننا خليناه


طيبة الكويتيه ماشاء الله عليهم
حتى انا مفكرة بالسرير السياره لان الاطفال يموتون بالسياره
وانتي حطيتي ولدك بحاله لحد ماجاء اخوه
اخاف احطه بحاله يضيق صدره ويخاف


الاء بالنسبه للعزله بخليه خطوة خطوه حتى لو جلست 6شهور عادي
ابيه يروح للغرفه برضاه مابي اغصبه



المتغليه بصراحه خوفتين انا اخاف اذا حطيت اخته معه يقوم عليها
واخاف يسوي فيها شي لان تعرفين الاطفال مايدرون وش السالفه اخاف
يموته ومايدري
بصراحه مااقدر اخليه بغرفه بحاله الحين بسرير بحاله ويضيق صدره واذا ناداه ابوه
ينام معنا تشوفين الفرحه تنط من عيونه وطول ماهو معنا بس يبوس مره انا مره ابوه
المره اخليه بحاله بصراحه صعبه
شكلي اخر شي بصبر لحد ماتكبر اخته وتتم سنه وبعدين اعزلهم جميع



وين البنات الباقين معقول مافيه احد عنده عيال؟؟؟