خففوا عن أزواجكم ... ضغوط الحياة ماتخلي احد

السلام عليكم ورحمة الله وبركاته


حابه اتكلم عن شئ دايم ببالي يتعلق بالعلاقة الزوجية مابين الزوج وزوجته

لنأخذ على سبيل المثال هذاالقصة القصيرة الخيالية لايصال المراد من الموضوع
===========================
الزوجه وصديقتها

الزوجة : تصدقي زوجي له يومين متغير علي .. صاير مره عابس وزعلان وشارد ذهنه مادري ايش فيه
الصديقه : ايه صدقيني حبيبتي الرجال مالهم أمان .. تلقينه متواعد مع وحده او متزوج مسيار ويبغى الفكه منك .. وطول ماهو جالس عندك شارد ذهنه معاها .. انا لي وحده اعرفها صار فيها ...( وتحكي قصص عن خيانات الازواج )


الزوجه وزوجها
( بعد رجوع الزوج الى البيت ويحدث نفسه بانه اخيرا بيرتاح ببيته, تستقبله الزوجه بهذا الحوار )

الزوجه : وينك اليوم جاي متاخر ساعتين زياده على الدوام
الزوج : اليوم مضغوط بالشغل وماقدرت اخلص بدري فاضطريت اتاخر
الزوجه : اشوفك صاير تتاخر كثير وطول ما انت جالس عندي ذهنك شارد .. واحنا ماتهتم فينا ولا تراعينا حتى انا ماحس اني كنت متزوجه .. لو جالسه عند بيت اهلي احسن لي
الزوج : يابنت الحلال مافيه شي .. بس عندي ضغوط شوي بالعمل
الزوجة : اشوف الضغوط صايره عذر لك .. كل ماقلنا شي قلت ضغوط وضغوط .. واحنا ماتهتم فينا ولا تراعينا وحتى وجودك بالبيت مثل عدمه


الزوج يخرج الى اصدقائه ليتنفس ويروح عن نفسه من مشاكل العمل والحياة والبيت والزوجه وهموم توفير المعيشة الكريمة لزوجته وابنائه وووووو


الزوجه وصديقتها

الزوجة : شفتي زوجي .. كلمته شويتين وصارحته وجلس معاي شوي ومشي
صديقتها : قايلتلك مايهتم فيكم .. بس يبغى يروح عند اصحابه ومو معطيكم اي اهتمام ابد.. كذا هم كل الرجال

وتستمر الزوجة بهذا الاسلوب ... وتبقى القهوة او الاستراحه هي المكان الوحيد اللذي يرتاح فيه الزوج
==========================

بنت حواء

زوجك يريدك عون في حياته .... وليس فرعون

ضغوط الحياة خارجيا كبيرة جدا على الرجال خصوصا بالزمن هذا ..

كمثال على ضغوط الحياة على الرجال ان الشاب اذا اراد الزواج يجب ان يوفر :
- مهر البنت
- شقة باثاثها
- سيارة
- مصاريف شهر العسل
- مصاريف الزواج من اجار القاعة والعشاء وغيرها

كل هذا لأجل ان يرتبط فيكي انتي .. لاتتصورا انه سهل جدا توفير مثل هذه المصاريف الكثيرة جدا خصوصا على الشباب الي توهم ابتدؤا حياتهم



الف شكر لكم

عيوني تحكي