عمالة النظافه ابكوني امس بالسوق

السلام عليكم ورحمة الله
خواتي بنات عالم حواء نزلت هالموضوع واتمنى يتثبت ويرفع والله يرفع قدر من ترفعه يوميا يارب حتى يخلص الشتاء للفايده مو عشاني عشان هالمساكين الي ابحكي عنهم

السالفه ومافيها انا دايم اروح للمجمعات ماروح للسوق العام الا امس احتجت للسوق العام ورحت له مارحت للمجمع عشان اخذ بجايم وهالاشياء وكانت معي امي وخالتي
تعرفون السوق العام كيف بارد لانه على الشارع ومحلات عاديه
والله يابنات اني بكيت بحرقة يوم شفت العمال كيف فيه
انا ماتعودت اشوف عمال لاني زي ماقلت لكم دايم نروح المجمعات قليل ماروح للاسواق العامه
شي يحرررق القلب ياناس وبرب الكون خنقتني العبررره

الموقف الاول
اول محل دخلته تقضيت منه يوم جيت ابطلع والقى عامل من عمال المحل تخيلو لابس نصف كم وامس برد موت الله يرحمنا برحمته
وصاحب المحل كيف يرضى يشوف العامل بهالشكل كان يعطيه من جكيتات اخوانه او عياله راس مالها جكيت
يوم شفته كذا وانا اناديه معي

قال صاحب المحل وش تبين فيه؟؟؟
قلت ياخوي ابيه يجي بس ابقطع الشارع ابيه ياخذ حاجه له وجا واحد من العمال وعطاه جكيته عشان يجي معي ولبسه وهو يررجف المسكين

هو عرف اني اباخذ له شي قال اوكي حسيته افتشل صاحب المحل وجا معي العامل واروح محل تقريبا نصف كيلو واشتري له جكيت ثقيل وشالات اثنين وقفازات ايدي وارجل كم حبه وعطيتهم العامل وتوكل على الله


الا امشي شوي مسافة نصف كيلو ثاني والقى شي مو طبيعي ياناس ياااااااااااارب الطف بهم بسس على الاقل الاول بمحل هذا لا عامل نظافه الي يكنسون

تخيلو فيه رجل جالس ينتظر زوجته الا اشوف عامل جالس تحت السيارهحقت الي ينتظر زوجته عشان البخار الي يطلع منها

وانا اهاوشه يامحمد قوم ليش كذا لاتدعسك السياره !!!1
قال انا كل يوم اسوي كذا اتدفى تحت السيارات!!!!
قلت امش معي بروح محل اشتري لك شي
قال ماقدر امشي واحس وجهه بين الي شبعان صياح المسكين

واروح محل غير الاول محل عادي واقطع كم شارع قلت خلك هنا لين اجي عشان ماضيعك واروح واشتري له جكيت ثقيل مره وكم بلوزه قطنيه وبلوزه ثقيله مالقيت عنده شالات ولا قفازات احس بحرقه يوم شفته شي مايبخطر بالبال تخيلو لبس خفيف مررره بحياتي ماشفت احد يتراعد بهالشكل

والله ان الثاني اني مشيت وابعدت عنه وانا اشوفه يدعي ويصيح بحرقه بعد مارحت

والله ياحريم اني بعده تمنيت اسوي شي واتمنى كل الحريم يسون مثلي الي هو خطرت ببالي هالفكره

اذا جيتو تروحون السوق خوذو جكيتات مغسوله وشالات وقفازات ومن هالاشياء لو كل مره خوذي كيس صغير لو لو موج ديده مستعمله يفرحون فيها ولكم الاجر ان شاءالله

وعطيها عامل نظافه يكون محتاج لان بعضهم يكون لابس بس بعضهم لا يكسرون الخاطر بدي المحتاج اول والي يزود عطيها اي احد

انا ان شاءالله ببدا اسوي كذا كل مره اروح للسوق ابسويها انا والله دايم امد فلوس بس الفلوس بعضهم حرام يتكاثر يطلعها ويشتري فيها
انتم عطوهم من الي عندكم من الي مرميه ماتستخدمونها او القديم حتى لو قطنيات مو جكيتات تنفع تحت البس على الاقل

اعذروني على الاطاله بس حبيت افضفض وحبيت اساعدهم لو بالقليل حنا مشكلتنا نودي للجمعيات ماندري هي توصل للعمال ولا لا
عطوهم بيديهم وعسى الله يجزا كل من ساعد بنشر هالموضوعاو رفعه الجنه يارب..............تحياتي بقطتكم