اللي اختشو ماتو من زمااان؟ اللي بتشارك تدخل واللي بتقرا..امممم تدخل

صراحة اذا لم تستحي فافعل ما تشاااااء قبل كل شي الله يديم على صديقتي صاحبة القصة هدوووءها ورجاحة عقلها ويعافينا ولايبتلينا
صديقتي توها متزوجه تقول ان مرة اخو زوجها منقهرة منها حييييييل خصوصا انها احلى واشيك منها تعلموني عنها خيااالية باللبس على قولتهم لبيسة يعني لو تلبس خيشة طلعت ملكة جماااال
وقامت بزيارة رسمية لها ودقو عليهم تلفون قبل الزيارة عشان يشوفون الوقت المناسب وتقول ردو علينا وقالوا الله يحييكم وتغدو معنا بكرة ورحنا على حسب الموعد

والمفاجأة تقول ان الحرمة طول الوقت تتأفف وسوت الغداء لرجال ويوم خلصو حطت الباقي بالمطبخ وقامت تتغدا هي وولدها بالمطبخ ومخليه الحرمة (صديقتي) قاعدة بروحها بالمجلس وبعد ساعة الا وزوج صديقتي يناديها يالله بروح البيت
هي ماشاءالله بالها وسيع تقول قعدت امسك الضحكة والبس عبايتي وانا ميته من الضحك ماودي احرج الحرمة واطلع السيارة وانواع الضحك تقول قال زوجها عسى دوم شكلكم استانستو قالت انتم تغديتو؟؟ قال ايه قالت تغدت مرة اخوك هي وولدها بالمطبخ ويوم خلصت جت المجلس ولاكأنها اكلت مثل اللي يغبي جريمته قال زوجها شكلها جويعة وماود احد ياكل معها

صراحة رديت عليها لو انك فكيتي ضحكك قدامها خليها تنحرج قالت لا ما احب احرج احد قلت لأنك فاهية توك عروس لكن بعدين ههاهأ اتحدى تطنشين
يمكن انا مكبرة السالفة وان هالسوالف تصير عشان كذا بأسألكم؟؟؟؟

ما هو اسخف موقف انحطيتي فيه أو هل سبق وانسانة حطتك بموقف ليس محرج بقصد المزح بل بدافع الغيرة او تبي تحقر احد!!! وماذا كان ردة فعلك؟؟؟

واللي ما عمرها انحطت بموقف مثل كذا وش رايك بها؟؟؟؟ ووش راح يكون ردة الفعل؟؟؟