الله يعينك يا اختي ويصبر قلبك
حبيبتي لا تحرقي اعصابك
خليها هي اللي تنحرق
وبعدين ليش ننسى انه ما في نصيب يتزوجها يعني قدر الله وما شاء فعل
اطلبي من زوجك الا يتحمل مسئوليتها بمعنى انها ليست الاولى ولن تكون الاخيرة التي تحب شخصا ولم تتزوجه الدنيل مليانه وكله يرجع لارادة الله
لا تشيلي هم حبيبتي وريحي نفسيتك عشان اولادك وزوجك
الله يكون بعونك

نفس رأي الاخت


الله يفرج همك .. ويبعدها عنكم

شوفي اختي انا عندي لك حل ان شاء الله يريحك اذا تبين تتاكدين انه صادق ولا يكذب اذا اتصلت خليه يكلمها من السبيكر يعني السماعه الخارجيه وشوفي شيقولون لبعض وانتبهي تقولينله اتصل وكلمها من السبيكر لانه يمكن يتعذر باي عذر ويكلمها من برا ويتفق معها انك ترا بتسمعين المكالمه اسكتي على الموضوع لين تتصل وقوليله اذا انت صادق كلمها الحين من السبيكر وانا بسمع يعني فاجئيهم.....و ان شاء الله يكون صادق وتنحل مشكلتك يارب واذا كان صادق الحلول كثيره ممكن تتصلين على الهاتف او تخلين احد يقربلك يجيب اسمها بالكامل واعرفي عن طريق البريد عنوانها وخلي احد يروح لابوها

السلام عليج اختي مووون
والله العظيم سالفتج اجبرتني ارد
يالغاليه
اتخيلي دقت عليج وحده وانتي توج مالجه ع ريلج وقالت لج انه ريلج هو ريلها ومتزوجنها قبلج..
هذا وانتي توج مالجه
وتقولج انها كانت حامل منه ؟؟!!!! وسافرت وياه المكان الفلاني وكان صدق مسافر وياها بس مب مثل ما قالت لج يعني خربطت الحقيقه شووي !!!!
اظني اي وحده بتقول خلااص ما اباه لو هذا اوله ينعاف تاليه صح!!!
المهم شو سوت هاي الحرمه قامت وردت على اتصالاتها المزعجه لانها المدعية الحقيرة كانت سارقه رقم الحرمه من موبايل ريلها
وردت عليها وسمعت كل كلامها للنهايه من افتراءات ونزوات وكل شيء وقالت لها كلمه وحده ( انا احب ريلي وريلي يحبني واموت عليه ويموت علي ومهما قلتي ما بتغيرين الى بيني وبينه ولا تتحسبين بتركه واذا حاولتي تدقين مره ثانيه اهني ما بيستوي لج خير وبضرج )وسكرت التليفون
قامت المدعية اتطرش صور لريل الحرمه هو وياها مع بعض عشان تقهرها
قامت الحرمه قهرتها ومسحت كل شيء وتمت مع ريلها وطنشت كل شيء منها وقهرتها وموتتها قهر انها تزوجت وتم الزواج الحمدلله ما شاءالله على الف خير
يعني يالغاليه لالالالالالالالالالالالالالالالالالالالالالالالالالالالالالالالالالالالالالالالا
شوفي الف مره لالالالالالالالالالالالالالالا تتركينها تهزمج وياليت لو تدقين عليها من ورى ريلج وتقولين لها بكل جراه ووقاحه مثل وقاحتها لو فيه الخير ما رماه الطير واياج تدقين ع رقم ريلي مرة ثانيه او تحاولين تزعجينا مرة ثانيه ولا بدق ع الشرطه واسوي فيج محضر ازعاج حتى لو ريلج رفض تكلمينها هذا يدل على شيء واحد انه ريلج اصلا ما يبى يقطع العلاقه وصدقيني هذي انا متاكده منها
انتي يالغاليه اتصرفي واذا سبتج ترفعي عنها وقولي لها احبه ويحبني وموتي قهر ما بتركه لج ولا تحلمين فيه اصلا
وكلمي ريلج بجديه وحزم وقولي له اي زوجه شريفه ترفض الى انته تسويه واذا باقي على وعلى عيالي لا ترد عليها وطنش كل اتصالاتها او غير رقمك يا تسوي جذي يا اسمح لي بسير بيت اهلي او بدخل اهلي في السالفه
وهذه النقطه ركزي عليها ووااااااااااايد لانه اي ريال رح يرفض تدخل الاهل ويكون خايف من هالشيء ونفس الوقت
ريلج مسوي تهديدها حجه !!!
يعني يوم تطول وتشمخ شو بتسوي @@ والله ولا تقدر تسوي شيء تخسي وتعقب بعد
اهم شيء انتي تحركي ولا تكونين سلبيه
والله يوفقلج يارب