ردا على موضوعي (يأخوات إلحقو علي أختي الله يسعدكم)

الحمد لله الذي فرج الهم والحزن
:27: اولا حبيت ارد على موظوعي واخبركم على النتايج ..... لأنكم والله ما قصرتو معنا والله يعطيكم الف عافيه ومنجد اختي تدعي لكم وهي بنفسها ذكرتني أني ما رديت عليكم وطلبت مني إني ما أتأخر لكن نظرا لمراعة الممتحنيين والممتحنات لازم ما افتح النت الا في أوقات يكونون غير متواجدين فيها مثل هالوقت 3:30فجرا:(
المهم انا راااعية طويله وابي اطولها وهي قصيره يعني بالتفصيل الممل :42:
في يوم الإربعاء اللي فات جتنا أختي الساعه الواحده فجرا واستغربت وقت الوصول لكن فيما بعد عرفنا أن زوجها جاه أنتداب لمدة شه والانتداب راح يبدا السبت واختي نسيتها مو مره يعني ماودها وبكره الصبح لما قامت لقت معها طلق بسيط مع مويات تقريا الساعه عشره وما راحت للمستشفى الا الساعه خمس العصر ما ادري ليش:29:
المهم لما راحت للمستشفى لقو الرحم مفتوح سانتي واحد بس على طول تنويم وملاحظه لمدة اربع وعشرين ساعه وعلى هذي الحاله الى يوم الجمعه المغرب أختي في الله حطت عطر مع اني:19: حذرتها
حست على طول بشي زي الكهرب في كل رحمها وراحت شربت مره لكن بعد ايش(وطبعا التفاصيل هاذي قالتها لنا بعد الولاده)
وقررو انهم يعطونها طلق صناعي صباح يوم الجمعه ونظرا ان الجمعه هو يوم اجازة الاطباء كانت في دكتوره وحده بس على خمس أجنحه تخيلو وجلسو يأجلون يأجلون مره أجلوها من الصبح حتى الظهر ومن الظهر حتى العصر و النفسيه طبعا مره عدام لا هي نامت ولا ارتاحت
يوم الجمعه الساعه وحده بالليل جاها الطلق الحامي وجلس معها الى الساعه تسع صباحا والرحم لازال سانتي واحد وهذا من بركات العطر الله لايجزا شيطانها خير بغت تموت وتموتنا من خوف
والله ياعمري البنت بغت تموت منجد خلاص قواها كلها منهاره ثلاث ايام ما نامت من الخميس صباحا حتى السبت صباحا ؟؟ ولا اللي زاد الطين بله أنها ما أكلت حبوب الفيتامينات لمده اسبوع ناسيتها واكل زي الناس ما تاكل انا ما أدري من وين جاه دفع المهم مابقى أبره ما عطوها اياها حتى ابرة الظهر و ولدت تمام الساعه 11صباح السبت والحمد لله على سلامتها ..
طبعا أنا من نزلوها على غرفت الولاده الساعه كانت 5 الفجر :time: وانا,,
ميته عليها خوووف :32:

وراحت لها امي وأبوي الساعه 7 الصبح( بدري صح) :D المهم انا طلعت للكليه ومن يوم طلعت وأنا أدق على جوالاتهم ...كلها مقفله تخيلو من الساعه سبع حتى عشر وكأني على نااار وكلمت ابوي وعرفت أنها تعسرت وقفلها وانا دوريني ما تلقيني احس الدنيا كلها ظاقت فيني ما قدرت الا اني ادعيلها وبعدين خلاااااص جلست :06:
صيحت في الباص لما شبعت و وصلت البيت وكأني أنا اللي أولد موهي وجهي أسود ما أدري وش أسوي والحمد لله الساعه11 كلمني أبوي وبشرني الله يجزاه بالخير والحمد لله على ما كان
أختكم رياح السلوى
أعذروني على الإطاله وشكر خاص الى كل من تفاعلت معي